الجمعة، 23 أبريل، 2010

.. | يـومـيـآتي | ..

يـوميآتي هنآ .. !

هناك 223 تعليقًا:

  1. سآمحيني .. !
    .. بآن ضـعفي ..
    مـن هجرتك .. مدري ويني .. !
    ضعـت بـين الـ أمكـنه .. !
    سآمحيني ..
    احـتويني ..
    .. مـآ لـ قلبي غير حضنك يـسكـنه ..

    ردحذف
  2. تعبت .. من غيرك حيآتي .. ممله .. !
    الهـم زآد .. وخآفي الصدر .. ذبآح ..

    ليتك تجي .. وترد قلبي .. محله ..
    وأنت الوحيد اللي ليآ جآني .. أرتاح ..

    ردحذف
  3. ليه آتغزل فيك .. مـ أنتي بـحآجه .. !
    يشهد جمآلك .. والغزل فيك مآمـات ..

    واللي يتحدى بـ التغزل .. يوآجه ..
    ويشوف وشلون الحكي .. يجيك بسكآت ..

    لـ أن الألف حطك على اليآء تآجه ..
    فـ أنتي على رآسي .. ورآس العبآرات ..

    ردحذف
  4. جنونيه .. !
    مشآعرنآ .. سوآلفنآ .. محبتنآ .. جنونيـه .. !
    عبثنآ بـ الأمآني .. حب .. !
    وعشنآ بـ المفآرق .. حب .. !
    وجينآ عند طيش الـوقـت .. والدنيآ جنونيـه .. !
    خذت عقلي ..
    خذت عقلك ..
    ومآت شعور .. قـلب .. وقـلب .. !
    والذكرى .. جنونيـه .. !!!!

    ردحذف
  5. الله يـسـعد هـ الصبآح وشروقه .. !
    لا نور أحيآء الريآض الكئيـبه ..

    ردحذف
  6. عند مفرق هـ الطريق .. !
    ... شفت بـ الـمبنى حريق ..
    وإحترق قلبي مـعه ..
    كـنت خآيف .. لـ اللي فيـه .. !
    لا يصير اللي أبيـه ..
    يـحترق .. مآني مـعـه .. !!

    إندفع كلي .. إليـه .. !
    لين أمسكني بـ يديـه ..

    .. وبعدهآ .. هآنت علي .. !

    .... وليـتهآ هآنت عليـه ..

    " مآتت أمه بـ الحريق " ..

    وبآقيه ذكرى الطريق ..
    هي سبآيب مـدمـعه .. !

    هم قلبه .. غص ريـق .. !
    .. إرتجف مليآن ضيـق .. !

    يـعتري جسمه ذبول .. وينحني مآيستفيق .. !
    الا اذا قـآلوا .. تبيـك ..

    امك اسمعهآ تقول : انس اشبآح الطريق .. !
    وعيش ..
    خذ بآلك .. عليـــك .. !!!!

    ردحذف
  7. اموجه القبله ورآفع يديني .. !
    وأقول : يآربي .. عسآهـا تعدي ..

    يآعالمـ(ن) بالدمع تلطف بعيني ..
    وبرحمتك يآرب .. تآخذ بيـدي ..

    ردحذف
  8. .
    .

    بـ اللا مبالغه .. |[أبكمتني ذائقتك]| ....

    كل حرف قد خُطّ بـ
    حبر مشاعرك و اوراق هذيانك و تحت ضوء مخيّلتك التائهه!


    راقت لي هلوستك النابضه ...
    تقبّل اطلالتي ،؛ اختك .| تجرّد |


    [متابعة بـ شغف لـ إمتزاج حروفك]

    .
    .

    ردحذف
  9. تجرد حيآك ربي .. هنآ والا هنآك ..

    غير معروف .. تم نقل بـوحك لـ القسم المخصص لـ بوحكم ..

    ردحذف
  10. تبين أرتآح بـغيآبك .. بعد مآخذتي الرآحه ..
    تعآلي لي عشآن أرتاح .. وأنسى مآحصل بعدك ..

    ردحذف
  11. نآمت عيونك .. والقمر مآبـعد نآم ..
    الصبح توهـ والدفآ بـ آخر الليل ..

    قومي بـ أحضنك حضن مآهو بـ الأحلام ..
    لين المسآء تقفي معه هدة الحيل ..

    ردحذف
  12. أزال المؤلف هذا التعليق.

    ردحذف
  13. وش عآد ؟
    كلهآ .. كلـمه .. وبيـت .. !
    .. وصفصفة حرف وكلآم .. !
    مـآ تسآوي هـ الملآم .. !
    عآدي .. عآدي ..
    دآم مرتآح فـ بعآدي .. !
    .. قـبلّ آلآمي .. ونآم ..

    ردحذف
  14. يضرب مثل بـ الريح .. لاجآء السفيـنه .. !
    وكيف المسآر يروح غصبن عليهآ ..

    وأقول كآفي .. لا تزود الغبيـنه ..
    دآم الدروب اللي أبي .. مـآ تبيهآ ..

    ردحذف
  15. شبكه وإسمع ونينه لا شبكته .. !
    عرق قلبي من فصلته .. مآ نبض ..

    مآت حسه .. وإختنق بي من تكرته ..
    كن حآدي الـروح .. لـ أنفآسي قبض ..

    ردحذف
  16. إن كآن تسأل بالسهر ويش بآقي .. !
    غير التوجد والكتآبـه بـ الأورآق ..

    فـ إلمس ضلوعي لابدت بـ إختنآقي ..
    ووشلون ترجف لك كثر مـآ انا مشتآق ..

    والدمع لامن صآر لـ الجسم سآقي ..
    عرفت وش معنى السهر بعد الـ افراق ..

    ردحذف
  17. الترآب أشبه بـشوقي لـ الحبيب .. !
    آهـ يآكثرهـ ... بروحي من غيآبه ..

    مآقدرت ألم نثرهـ .. من قريب ..
    ولاقدرت أشوف وين آخر .. ترآبه ..

    ردحذف
  18. استحله .. وإسكنه .. قلبي فدآ لك .. !
    مآعليك خلآف دآم إني .. أحـبـك ..

    وإن سألته هو بـيرضى في بدآلك .. !
    خذ جوآبك لا نبض لك .. لا وربك ..... !!

    ردحذف
  19. جيته وفيني جمرة الجرح حيه .. !
    تكوي ضلوعي .. والسبب حضرة الحب ..

    اقفى وخلى جمرته في يديه ..
    ويقول تسمح روح لك درب .. إلي درب ..

    ردحذف
  20. الفآتنه لامن مشت وقف الكون .. !
    وإلتم يسأل خآفقي كيف تمشي .. ؟؟

    وأقول خطوتهآ .. هدب يحضن عيون ..
    يعني كذا شوفوا شـ أسوي بـ رمشي .. !!!! : )

    ردحذف
  21. هبوبه .. لا غشت جسمي .. تعرى صآفي الاحساس .. !
    وبآنت لـه تفآصيل الـمحبـه .. مـن ورآ ثيآبي ..

    يشوف شلون أنـا أرجف له .. ويسمع لـهفـة الأنفآس ..
    إذا هبت تفآصيله .. وشـع النور بـ أهدآبي ..

    ردحذف
  22. وتمشي بي على هونك .. !
    مثل مآودك أمشي لك ..

    إلين أوصل إلى عيونك ..
    وأضم بـ آهتي ليلك ..

    سوآد الهم في كـونك ..
    حرآم يهد بك حيلك ..

    ودآم قلت لي .. عونك ..
    تعآل ارتآح .. بـ حليلك ..

    وبحليلي أبي لـونك ..
    يجيب أبيض تفآصيلك ..

    ردحذف
  23. بـ لحآلي أحضن وحدتي من رحلتي .. !
    مآكن به غيرك تمنى .. حنآني ..

    أعميت عيني .. عنهم مـن سـكنتي ..
    بـ أهدآبـهآ .. وأصبحت بعدك أنآني ..

    ردحذف
  24. تآلي سوآلفنآ .. تنآهيـد .. وجروح .. !
    وأول سوآلفنآ .. طفوله .. ولعبـه ..

    يآليت يرجع مآضي العمر لـ الروح ..
    ونعيش سهله عقب مآ فآح صعبه ..

    ردحذف
  25. النآس لو تفهم شعوري تجآهك ..
    مآكان تسألني عسى مآبك خلاف ..

    وأنتي بعد لو تنفثيني بـ آهك ..
    كآن استريح من الـ تأفف على القآف ..

    ردحذف
  26. وتعبي لاهد حيل الليل .. قلت :
    يآحياتي .. مآضي الهـم اكتمل ..

    كنت نآقص جرح .. ومن غبتي اكتملت ..
    جرح كآمل .. مآعرف معنى الأمل ..

    ردحذف
  27. لحظه .. !
    ... ذكريآتك مثل مآهي .. !
    كـنت سآهي .. وإلتقيـتك .. !
    لحظه .. !
    ذي شفآهي .. تنطق أحبك .. فديـتك .. !
    بآقيه ريحة شـعرك .. !
    ذكرآيـتك .. مثل مآهي .. !
    تبتسم بـ أطرف شفآهي ..

    ردحذف
  28. ريحـة شفآتك لـ أندهت لي .. دخون .. !!
    ومن غير مـدري .. كل مآبي .. يـلبي ..

    فيك أتعطر .. والحكي بـ العيـون ..
    لامن وقف بـ أهدآبهآ .. بآن حبي ..

    ردحذف
  29. أبسط حلومي مآ تجيني مـحققه .. !!
    وآمـآلي الحـلوهـ .. مضيَّع حقهآ ..

    مآ لـ الفقير إلا هـدوم مـشققه ..
    وإن بـغى يلبس جديدهـ .. شقهآ ..

    ردحذف
  30. يـدوم نفس الحنين .. يغآزل أفكآري .. !
    وأنـا أتغلى عليـه .. وودي أضـمه ..

    بـ الذآت لآضآقت الدنيآ .. على دآري ..
    حسيت بـ إن الفضآ مخلوق بك يمه ..

    ردحذف
  31. أوهآم تسبق دمعتي .. لآذكرتك .. !
    من كثر ما بآحت عيوني .. غيآبك ..

    أحيآن أقول إنك .. يمين .. ونذرتك .. !
    وأحيآن أداري ضيقتي من عذابك ..

    ردحذف
  32. ادعوا لهآ بـ التوفيق والذرية الصآلحه ..
    هذي فلانه من النآس .. طلبت مني على الخآص بـ أحد المنتديآت كتآبـة أبيآت .. وتبيهآ ودآعيـه لـ أهلهآ .. وهذآ اللي طلع معي .. مـع إنهآ مو قد المسـتوى .. لـكن على قولتهم : العين بصير واليد قصيرهـ ..

    وين أببكي وحولي صوت الأفراح عآلي
    والعيون اتبعتني من هنآك لـ هنآ ..
    زغردت لي شفآيف .. والحبيب صفآلي ..
    بـ الحلال إمتلكني .. ولـ خفوقي دنآ ..
    يمه شوفي عيوني .. لـ همست لك تعالي ..
    واحضنيني ودآع لـ حضن منهو عنآ ..
    لـ أجل يـروي حيآتي .. فيه وأنجب عيآلي ..
    وأحتويه بـ معزهـ .. تنتشي بـينـنآ ..
    وأنت يآبوي عزي .. وأنت لي رآس مآلي ..
    امسح بـ رآحتينك .. دمعتين الـ ضنآ ..
    يبقى إسمي بـ إسمك .. والـفخر فيك .. فآلي ..
    يآعزيز الجنآب .. اتبعني .. وزفـنآ ..
    يآخـوآتي تعآلوا .. قبل يـآتي ارتحآلي ..
    خلوآ نـضوي .. ونشعل .. كل شـمعـة هَنآ ..
    ونعيش بـ الذكريآت .. الـوقـت .. بـ الحيل غآلي ..
    لاتطوف البرآءهـ .. دآمـني فـ بيـتنـآ ..
    قبل اوآدع اخوآني .. جعـلهم .. بـعد حآلي .. !
    جعل ربي يـحفـظهم .. دآيـميـنـ(ن) لنآ ..
    يـ الله بـ أسمع فرحكم .. صوتكم فيني عآلي ..
    كلكم زغردوآ لي .. وافرحوآ بـي أنـا ..

    ردحذف
  33. مزحك يـذكرني بـ ثغر الـطفوله .. !
    ولا ضآق صدري قمت أدور لـ مزحك ..

    "

    دينه ولآ ديـن الـسهر .. والـ تأفف .. !!
    بـينه وبين الليل .. بـغض وعدآوهـ ..

    مآهوب مثلي لا بدآ الصبح .. أصفف ..
    كـومـة جروحي لـ السـهر في هدآوهـ ..

    ردحذف
  34. قصـيدهـ لـم تكتمل ..

    الريآح تسير في سرعـة جفون ..
    والغيـوم تعـتم أجواء المكآن ..

    أمطرت .. وأحسست جوآي بـ سكون ..
    لين وآدي الشـوق .. سآل بـكل حنآن ..

    وإنبتت بـين الـرموش الـ زيـزفـون ..
    تسـتظل ابهآ الـمدآمع لا تبآن ..

    وإنحدر من دون جذعي كل لـون ..
    وصرت مـدري وشـهو لـوني لـ العيآن ..

    مـن سألني .. ويش لونك يـ الحـنون .. ؟
    قـلت طيب بـس مآنيب بـ أمآن ..

    يـعتريني خـوف .. وإحسآس .. وشجون ..
    وأشـعر إني عآيش بـ غير الزمآن ..



    ..

    ردحذف
  35. عروقي .. ودمي .. ونبضي .. فدآ لك .. !
    وإحساس قلبي هم يـرخص لـ عيـنك ..

    أنت السمـاء .. والـ أرض .. واللي طرآ لك ..
    إني مـتى مـ أشتقت .. مآ أقول وينك .. ؟

    بـ أقول .. يـ أرضي .. يا سمآي .. وجمآلك ..
    مـن وين أودي .. نظرتي .. شفت زينك ..

    ردحذف
  36. ريـحـة ألـم .. أشـمهـآ .. في عروقـك .. !
    وش فيك يآ روحي .. حـرآم .. الـ ألم فيـك ..

    إن كآنـهـا الدنيـآ .. فـ ذآ الرب فـوقك .. !!
    يـسـمـع دبيب الـهـم .. هـ اللي مـعنيـك ..

    وإن كـآن .. قلبـك .. مسـتبـد .. بـعقوقك .. !
    طشـيـه وسـط الـبحر .. | قلبي يـكفيــــك .. !!

    ردحذف
  37. لـعب بـه .. الـوقت .. يـكفي .. لا تزيـديـنه .. !
    مآعـاد بـه حيـل .. قلبي .. مـل .. تعذيـبي ..

    صـبر عليـك .. وطفش .. من قول : مسـكيـنه .. !!
    مسـكين قلبي .. مصـدقني .. أنـا وطيبي ..

    ردحذف
  38. بروعـتهآ .. تقـول : الأرض .. لا تمشي .. | أمشـيـهآ .. !
    أبـد ترتآح .. وتوقف .. وأمشي مآتبي .. إلـهآ ..

    عشآن أنفـاسـهآ .. ترتآح .. لـ ( المجمول ) .. تخفيهآ ..
    وإذا جآهـا بـ أحبك صـمت .. تقول أنفاسها : قلهآ .. !!

    ردحذف
  39. أحيان أحس .. بدآخل النفس كربـه .. !
    وأحس بـ إن الشوق .. نصفه رذيله ..

    وأحيـان أحب .. أحتـاج .. وصله .. وقربه ..
    وأقول .. في نفسي .. فدآهـ ألف ميله ..

    لـكن بمآ إني .. بـدونه .. بـ غربـه .. !
    واشيـاء كثيرهـ من غيـابه .. قليله ..

    فـ الله يسامح ( سلم جرحه .. وحربه .. )
    ويجيبه لـعندي بـلا مـا أعني له ..

    ردحذف
  40. .. ( طلـبـهآ مـجمـوعة ( أمورات ) في الصف الثآني متوسط .. كـ إهداء لـ ( أمورات ) .. تخرجـوا من الثالث متوسط .. إلى الأول ثـانوي .. ) .. !


    روحـوا أنتم والسعـادهـ .. فآلكم .. من ويـن رحـتوا .. !!
    يـا بنـات الأمنيـات .. وذكريـات .. الـمدرسـه ..

    اقبلوا مـنآ التهآني .. وافرحـوا .. يـ اللي نـجحـتوا ..
    وأبشروا بـ الخير دآم ( الحلم ) ربي يـحرسـه ..

    كل وحـدهـ مننا .. تفرح عشـان أنـتم .. فرحـتوا ..
    وكل وحدهـ مـنكم .. عقبآل .. تفرح .. ( معرسـه ) ..

    أحسـهـا مش أد المئآم .. !
    يـستآهلـون أكثر مـو .. ؟
    ... الله يـوفقـهم يـارب .. ويـنجحهم .. ويـسـعدهم .. وأنـتم مـعهم ..

    ردحذف
  41. ناجح .. بـ تكسير القلوب .. ( ألف مبروك ) .. !
    .. كسرت قلبي .. يـا بعد كل قـآسي ..

    قم عاد خذ روحي .. أو أقول لك : دوك ..
    .. خذهـا هديـه .. دآم يفدآك رآسي ..

    ردحذف
  42. كيفك عسى مرتاح والحال طيب .. ؟
    قلي بربك كيف حالك بدوني .. ؟

    عشت الطفوله يا بريء أو مشيب .. ؟
    من قسوة الأيام .. حَرّك شجوني ..

    ودي أقول : إسلم ترآني قريب ..
    إترك لهم دنياك .. ونآم بعيوني ..

    ردحذف
  43. شين ..
    ... مدري زين ..
    لكن .. أحبـه .. !
    إحساسي اللي لا ذكرتك .. غشآني .. !
    يصب فيني حب .. مـقدر أصبـه ..
    بـ إحساس قلبك من تركني .. أعـاني ..

    ردحذف
  44. ليه الخيانه .. دام أنا ما بعد خنت .. ؟
    تو القساوهـ ما حدن لك دعـاها ..

    يا قلبي المسكين .. ياللي تجننت ..
    معقول .. نبضك خان لمحة وفاها ؟ ..

    قم واعتذر من قبل لا تزعل البنت ..
    وتطير عن ارض السماح وسماها ..

    خلك وفي .. وافتح لها الصدر لاهنت ..
    اما اذا بتخونها .. رح معاها ..

    وش حاجتي بك .. دام انا مابعد خنت ؟
    تو القساوهـ مـا حدن لك دعاهـا ..

    ردحذف
  45. ي ربيه روعه روعه روعه روعه ماشاء الله
    ليتك تقرب لي كان كل دقيقه قلت لك اكتب :(
    ماشاء الله تبارك الله و احسن شي عجبني
    انوووووو تلبى طلبات الناس
    ماشاء الله عليك ..

    نجلا

    ردحذف
  46. إحسـآس رآقي جدآ ., و ( رآق ) لي !
    متـآبعه بـ صمت !!

    وصفـحفتك بـ آلمفضلة .

    ردحذف
  47. أحسـهـا مش أد المئآم .. !
    يـستآهلـون أكثر مـو .. ؟
    (كفيت ووفيت . لان مسآلة انك تحط نفسك مكان ناس معينين وتترجم مشاعرهم هذا بحد ذاته يدلل على قدرتك كشاعر ..
    والشاعر يشعر بالكل فيكتب للكل ... ويصنع للكل روعة تماما كما صنعت .. راقت لي كتاباتك كثيرا .. واعني ما اقول ب كثيرا ..

    ردحذف
  48. احتمي بك من جفاف الوقت .. لكن :
    اتضح لي إن وقتي .. كان منك يحتمي ..

    ردحذف
  49. مدري وش اقول جلست يومين كامله اقرا ابياتك

    كل بيت يعجبني اكثر واكثر

    ردحذف
  50. كلامك رايق بالححححيل وحسيته قريب من قلبي ..

    لمى عبدالعزيز

    ردحذف
  51. همست بـ صوتي المبحوح .. لـ الذكرى وقآلت لي .. :
    جوابي لـ السؤال .. اللي تقوله .. مآكث بـ رفّك ..

    بحثت بـ كل اشيائي .. إلين اشيائي مالت لي ..
    عدآ صورهـ .. بهآ أنتي .. وكفي كآنت .. بـ كفّك ..

    تبلل طارف عيوني .. وأنا اسأل ليه سالت لي ؟ ..
    عرفت إنك تملّكتي .. وعلى غيري قرب .. زفّك ..

    ردحذف
  52. ينسآني الهم لامني تذكرتك .. !
    وأغيب عن كومة أحزاني .. بذاكرتي ..

    عآد انت يا ليت تلقآني .. بذاكرتك ..
    وتعود لي من قبل .. لا يحترق كرتي ..

    ردحذف
  53. ابسألك كيف الحيآة ابلا جنون .. ؟
    هـو طعمهآ مر .. والا شيء ثآني ..

    أذكر إني كنت طيب .. لا .. حـنون .. !
    كنت عآقل لـ الأسف .. مدري أنـاني ..

    لـين شفت الـوقت .. بـ جروحه يمون ..
    يآخذ الفرحه .. ويـتركـني .. مكآني ..

    صرت من جدي .. أفكر بـ الجنون ..
    يمكن ألحق .. وآتكيف مع زمآني ..

    ردحذف
  54. يـفـوت .. الـفـوت .. والمـيـت .. يـحس .. ولا تحـسـيـني .. !
    كـ أنك .. صـمـت نبضآتي .. ليآ مـني .. تـذكرتـكـ ..

    ردحذف
  55. عندي سؤال وما أبي غير الصراحه .. !
    إيه أنتي .. جاوبيه بـ كل وضوح ..

    لو عطيتك قلب غرقآن بـ جراحه ..
    بـ تنقذينه .. أو تزيدنه .. جروح .. ؟

    ردحذف
  56. ابو ساره ابداع تبارك الرحمن


    راقي جداٌبإختيار كلماتك

    موفق

    ردحذف
  57. الله يخليك ويسعدك .. !

    شكراً لك ..

    ردحذف
  58. الصمت مُطبق في حضورك .. أمامي .. !
    وشلون أعبر عن شعوري .. تجاهك .. ؟

    ياللي اذا شفتك .. تثاقل عظامي ..
    واضيع بـ أول بسمة(ن) من شفاهك .. !!

    ردحذف
  59. يـ اللي وجودك صعب .. ومفارقك صعب ..
    إلى متى تشتاق لي .. وما تبيني .. ؟

    ردحذف
  60. ... !

    ... لـ إثارة القريحة الشعرية لـ الشاعره غادة العلوي ..
    .... عملت بيني وبينها .. تحديين .. !

    الأول :
    بيت واحد .. كتبته .. وكتب شطر لـ البيت الثاني .. وتركته تكمل الشطر الناقص .. عشان يصير بيتين .. والمعنى مرتبط ..

    ياللي وجودك صعب .. ومفارقك صعب ..
    إلى متى تشتاق لي .. وما تبيني ..
    شفني كـ أني مملكه .. فارقت شعب ..
    وشوف الأمل مقتول في وسط عيني .. ==> هذا من ابداع غادة .. !

    وحقيقه .. كسبت التحدي الأول ..

    الثاني :

    كيبوردياً كتبت لها ..
    قلبي يحبك وعيني فيك مجنونه .. ==> وطلبت منها كتابة الشطر الثاني .. وقالت ..
    ادمنت شوفك حبيبي وانت عارفني .. ==> .. ومن هـ البيت انطلق التحدي بيني وبينها ..

    .... قلت لها كمليه بـ بيت او بيتين .. وانا بـ أكمله .. ونشوف من يكسب .. ؟

    طبعاً هي كتبت مشكورهـ ..

    قلبي يحبك .. وعيني فيك مجنونه .. !!
    ادمنت شوفك حبيبي وانت عارفني ..
    ماعاد يهمني حكيهم لي يقولونه ..
    يكفي وجودك .. ولا به شي يأسفني ..

    ... رآيقه بصراحه .. بس شوفوا انا وش قلت ..

    قلبي يحبك .. وعيني فيك مجنونه ..
    ادمنت شوفك حبيبي وانت عارفني ..
    لاضاق صدر السحاب وجفت مزونه ..
    اجيك تمطر علي احساس .. وتقطفني ..
    اسرار بـ اقصى الحشا للحب مكنونه ..
    خبيتها عنك .. فيني .. لـ أجل تكشفني .. !!

    .. طبعاً لـ أنها واثقه إني بـ اكسب التحدي .. هددتني بـ تحدي يوجع مخي .. !!

    ... الله يستر ..

    ردحذف
  61. لي قلب من غبت يسأل عنك يا روحي ..
    وينك تجاوب .. على نبضه وتنهيدهـ ..

    مليت اداريه .. واخفي عنّه .. جروحي ..
    متى تجي له .. وترسم بـ الفرح عيدهـ ..

    ردحذف
  62. اكذب عليك إن قلت لك .. ما أحبك .. !
    الا أحبك .. كثر مـ أنتي .. تحبيني ..

    لكني احيان .. ودي بس ألعب بك ..
    عشان تبكين .. في صدري .. وتضميني ..

    ردحذف
  63. بهت لونك بعيني .. وأنت وشلونك ؟
    عساك بخير من بعدي .. ومتهني .. !

    انا عني .. قدرت أعيش .. من دونك ..
    وأغير نظرتي لـ الحب .. لكني :

    أبي اعرف من اللي قال .. انا اخونك .. ؟
    وصدقته علي .. ورحت له .. عني ..

    عشان ادعي عليه .. يكون مجنونك ..
    مثل ما هو على فرقاك .. جنني ..

    ويجيبك لي .. عقل مجنون .. وأصونك ..
    وأردك في ضلوعي قطعتـ(ن) مني ..

    ردحذف
  64. اعتبرني .. دمعه طاحت .. !
    واستراحت من عيونك ..

    يا عديم الحس .. تدري ؟
    عيشتي .. حلوهـ بدونك .. !!

    ردحذف
  65. تذبح عشان هلالنا منهزم .. ليه ؟
    ما لك فريق يفوز تذبح عشانه .. ؟

    ليتك تعرف ان اللي ما تاكل ايديه ..
    ما يشبع الا ذل وغيض .. واهانه ..

    وانت الخسيس .. وفعلك اللي تسويه ..
    اكبر دليل انك تعيش بـ مهانه ..

    يـ فلان مثلك لا بغينا ننادينه ..
    ما يستحق الا مسمى فلانه ..

    تكرم بنات الكون .. والقصد تشبيه ..
    بـ اللي يخوض بشيء ماهوب شانه ..

    ردحذف
  66. ريحة دفا .. في هـ الشتاء .. !
    ... وأنا من الصيف الحزين ..
    ... أنطر عسى لي ترجعين ..
    ... وما رجعتي ..
    ليتك .. أنتي .. يـ اللي بـ أحلامي سكنتي .. مرهـ بس تتحققين .. !
    ... وبـ الشتاء هذآ .. تجين ..
    ... لـ أني محتآج لـ دفآك ..

    ردحذف
  67. هاتي شفايفك .. بـ شفافي .. وخليني :
    استطعم اسمي بـ ريقك .. واطرف لسانك ..

    عشان ألبيك .. لا صرتي تنآديني ..
    يـ اللي أحس إني .. مسمّى على شآنك .. !!

    ردحذف
  68. نيل وبشر .. سيّاح وأهل المدينه .. !
    والجو صافي لي مع مشاهد النيل ..

    شفت القمر .. ودموع بنتن حزينه ..
    مار يتكدر مودي لـ آخر الليل ..

    الين جيت وبستها في سكينه ..
    مع عينها .. من شان لا كحلها يسيل ..

    تبسمت والبنت .. ما هيب شينه .. !
    فيها حلا .. لكن قلبي انا حليل ..

    عاد اكتشفت ان الدموع الرهينه ..
    تحررت من حرب حب وغرابيل ..

    تضررت بـ اسبابها الياسمينه ..
    وآثارها .. دمعه .. وبوسه .. على النيل .. !

    ردحذف
  69. صبّحك بـ النور والخيرات والراحه .. !
    يا شمس شرق السعوديه ويا نورها ..

    كيفك عسى روووحك امن الشوق مرتاحه ..
    وعسى عيونك عن دموعك علا سورها ..

    ردحذف
  70. تطبق سماء همي على ارض الحزن .. يـ الغالي ..
    واموت لك .. منك وفيك .. ولا بعد لاقيتك .. !

    تعال وسّع دنيتي وارحم بـ وصلك حالي ..
    ما ودي يذبحني الندم عشان انا حبيتك ..

    ردحذف
  71. الزعل له وقت لكن .. لـ الرضا اوقات بـي .. !
    وأنت أكثر شخص تعرف تستغل الوقت كيف ..

    تقطع ايامي معك والمشكله في عقربي ..
    وانا يـ المسكين راضي حتى لو بـ ايديني سيف ..

    لا تسائل .. ليه .. وش بك .. يا حبيبي وش تبي ؟
    اول اسأل هـ الشتاء .. ( عآدي اذا نسميه صيف ؟ )

    يمكن يجاوب بدالي .. عن مسبب لي تعبي .. !
    لا سألتك عن جمودك .. والسهر لك .. طيف .. طيف ..

    ردحذف
  72. لا تمـوج فـ بـحر عيـن مـعذبـكـ .. !
    إنـتبـه لـ الغدر في مـوج البـحـآر ..

    في خفـآيـا الـروح صدق .. يكذبكـ ..
    لـ أدلـهم الأمـر .. ذقـت الإنكسـار ..

    مثل درب التيـه يـوم يـصـد بـكـ ..
    عن عيـون الـقلب في وضـح النـهـآر ..

    ردحذف
  73. صبــآآح آمــال .. مبـتووورهـ .. !
    صـبـآح .. الـجرح .. يـا روحي ..

    دمـوع الـخد .. بـ الصـورهـ .. !
    سقـتني .. وزادت جـروحي ..

    لـ أن أحلامي .. مكـسورهـ ..
    وأنـا مـا عـادني أوحـي ..

    فمـآن الـرب .. مشـكورهـ ..
    خذيني بـ قلبـكـ .. وروحي .. !

    ردحذف
  74. لا زرت حيّك .. قـلت هـ الحي .. حيي .. !
    والدار دآري .. والشجر .. والشبابيك ..

    مشتاق لـك .. يـابعد ميـتي .. وحيي ..
    مو بس أنـا .. حتى ( الصحافه ) تناديك ..

    ردحذف
  75. إسـمع الـ آهـات فيني .. والضلوع اللي ( تأود ) .. !
    وإعذر عيوني عشآنك لا بكت .. وأسـهرتهـا ..


    * تأود : صوت المشتاق .. !

    ردحذف
  76. لا واللذي صورك يـآ قآيد الغيد ..
    مآلك شبيه .. ومآ لزينك مشآبـه ..

    بدري على سآره ونوره وتغريد ..
    يآتون ربعك .. بـ الحلا .. والذرابه ..

    ردحذف
  77. تلملم الدمع بـ عيوني عليك وتمردت ..
    والشاهد الله .. كتمته .. وانت ما تدري ..

    قوّيت قلبك على الفرقا وانا ما تعودت ..
    من غابت ضلوع صدرك .. ما هدا صدري ..

    ليتك قبل تبتعد وتصد عني .. تهودت ..
    والا اخذت بـ رحيلك .. دمعي وصبري ..

    الهجر كايد لحاله .. ما يبي .. ليه كودت .. ؟
    وأكرمت حزني .. بـ جرحك .. يا بعد عمري ..

    ردحذف
  78. سسسلام عليكم والرحمه

    يَ سبحآن الله مره قريت لك ايام زمان زمان وبعدين طرت مني ونسيت نكك والحممد لله جيت لي مرتن ثانيه :)



    مممممممآشآء الله مره مره حلوه كتاباتك واسمح لي اللطش منهآ( يعني لطشه محترمه )..

    ردحذف
  79. أحدن يجيب البلا لـ نفسه ..
    وأحدن بلاويه يآتن له ..

    والله مدري وش الرمسه ..
    بس الموازين مختله ..

    جاها وكان الطلب لمسه ..
    وأنطت له المختبي كله ..

    حظيظ من لا غفت شمسه ..
    جاه القمر حلم .. ويدله ..

    على طريقن بذر غرسه ..
    وأنبت به اشجارن مظله ..

    ردحذف
  80. انتي سريرك اذا جيتي .. تبغين ياخذك بـ احضانه .. !
    كنه مسا ينتظر قمرا .. تضوي على ليله الحالك ..
    نامي عسى احلامك الحلوه .. تاخذك لي وانتي بردانه ..
    عشان اضمك بـ حنّيه .. وآقول لك : صدري ادفى لك ..

    ردحذف
  81. ظروف .. وفَرَّقَتْ قلبين .. كانوا بـ المرآيا دوم .. !
    لا والله .. قلوب كثار .. صمت النبض فرَّقها ..

    من المسؤول ؟ ..
    .. ما أدري .. ولكني إلين اليوم ..
    رُغم ( الهجر ) يا وجه المرايا .. باقي أعشقها ..

    أحن لـ ذكريات الصبح .. لا جافت عيوني النوم ..
    .. وأتمنى لو إن أحلامي .. التوفيق حققها .. !

    هنآ ..
    كان ( الشعور ) .. أحلى من البسمه .. على المهموم ..
    وسيعه كانت الدنيا ..
    ...... وعلينا الوقت .. ضيَّقها .. !

    ردحذف
  82. نكتب على شاطئ المفارق ( رحلنا ) .. !
    والبحر يمحي ما كتبنا .. بـ مده ..

    ما اقول غير الله يحقق .. أملنا ..
    ونْلَبّس الإحساس .. تاج الموده ..

    ردحذف
  83. ججججججججججججميل جدا ..
    اعجز عن التعبير ولا لدي قدره على التعبير امام شعرك وجزالته وحروفك ذات النكهه الراقيه,
    لا ادري ما اقول :$
    وفقك الله ..


    الـ ع ـنود ...

    ردحذف
  84. ليت المواني قلوب .. والراحه سفينه .. !
    والأماني غيم .. والواقع بـحر ..

    لـ اجل ما تطفو على الكون السكينه ..
    وان بغت تغرق علينا .. جاء مطر ..

    ردحذف
  85. أنـا شـعوري مـثل .. شايب مـصـيـخـين .. !
    من ويـن مـا طالع .. يقـولون دفـوهـ ..
    جـاير عليـه الـعـمر .. ويمشي بصيخين ..
    واليـا بــتسـى ربـعه تنـَحوا وخلـوهـ ..

    ردحذف
  86. غـريـبـه ..
    كـيف تـقـواهـا .. وتـنـطق بـ إنـي الـخــوان ..
    غريـبـه .. يـ اللـئيـم إشـلون .. تخـنق عين مـخـنوقـه .. ؟
    تـكــرمتي .. وقـلتيـهـا .. ولكـن الكـرم : ألوان ..
    .. كـرم روحـي .. عـلى روحـكـ .. بـروحٍ فيـكـ مرموقـه ..
    ولا نـنـسـى كـرم .. زيـفـكـ .. عـلى الـ لوعـات و الحـرمـان ..
    تـهـدجتي عـلـى قـلبي .. ولايـف .. نبض .. مـطلـوقـه ..
    إلـى حـدود السـماء نكفـخ .. عصـافيـر(ن) مـن النسـيـان ..
    وطرنـا بس مـا طرنـا .. لـ أنـكـ حيـل مطـوفـقـه ..
    نسـيـتي .. روحـي بـ روحي .. وطرتي بي بلا جنـحـان ..
    تصـورتيـني آرفرف .. مـعــكـ .. والصـبح بشروقـه ..
    قـسم بـ الله لـي قـلبٍ وأحـس بـ داخـلــه إنسـان ..
    .. وأحـس الـروح فـي روحـه .. مـع الشـريان مـخلوقه ..

    ردحذف
  87. الــغيـم يـبكي .. لا تـلاقـى ويـمـطر ..
    والـعيـن تـمطر .. في وداعكـ وملقـاكـ ..

    ردحذف
  88. العبـرهـ .. اللي حارت فـ كل كـلمـه ..
    حسيتها .. تخنق كلامكـ .. وتخنقـكـ .. !
    لحـظة وداعـكـ .. يوم قلتي وش اسمه ..
    لا تنـطقيـهـا هي تجـمل .. وتسبقـكـ ..
    روحي .. بـعد مـا يرسم الـوجه بسـمه ..
    عل الفراق يـودعـكـ لي .. ويـنطقكـ ..

    ردحذف
  89. مافهمت إش كان يقصد .. لمـا قـال : إصبر علي .. !
    كنت أظنه يختبرني .. وإنه أصلاً .. مدري إيش ..
    إيه صح ألحين بـانت .. ذا حبيبي ما هو لي ..
    إيه قال : إصبر ومـوت .. وشفني مع غيرك أعيش ..

    ردحذف
  90. كل ما قالوا تحبه .. ضاق صدري ..
    إيه أحبه ..
    بس ما أقدر أقول .. !

    ردحذف
  91. هانت حروفي بـ عينك .. يا معلمني الكتآبه ..
    ليه تعطيني الورق .. واحساس شاعر .. ثم ترحل ؟

    شف شعوري من غيابك .. ممتلي ضيق وكآبه ..
    والألم بـ ضلوع صدري ما لقى بالشعر .. حل .. !

    ردحذف
  92. ( نسكر ) بـعض .. ما ( نصحي ) ..
    ولكن مـا سمع .. ( نصحي ) ..
    حبيبي الـ كنت به ( نصـ .. حي ) ..
    قتل كل ما بقى بيا .. !

    ردحذف
  93. من زود ما نيب أغار .. وزود حبي لك ..
    ودي اخبيك بـ عيوني عن عيوني .. !!

    ردحذف
  94. قال ايش ..
    قال بلاك بيري .. وبنّق ..
    وانا عدوي اسمه .. بلاك بيري ..

    مـ اشريه لو قلبي عن النبض هنّق ..
    ما ودي إني ( أنسبه ) مثل غيري .. !

    ردحذف
  95. ليل الحبايب .. عليل بـ روعة شعورهـ ..
    هزي مشاعر حبيبك .. وأطربي ليله ..

    دام العواطف لـ عينك عشق ممطورهـ ..
    اروي ضماك بهطوله .. واحضني سيله ..

    ردحذف
  96. تفتق الجرح بـ ضلوعي وبهذلني ..
    ماغير اسلي دموع العين بـ آهاتي ..

    أتنفس الضيق بـ الأبيات .. وآغني ..
    يطرب علي الألم من قوة أبياتي ..

    عاشق ومجروح .. بس اللي مجنني ..
    إني أحبك رغم زحمة جراحاتي .. !!

    ردحذف
  97. تلمذني الصبر ..
    والإحساس تلمذته .. !
    والظاهر إن المدامع مـ افهمت درسي ..
    لـ امواج ذكراك .. بحر .. سنين ما عمته ..
    لني على ارض نسيانك قدرت أرسي .. !
    هربت منك .. وتركتك يـ بعدي مرته ..
    من يوم قلتي فمان أحلامك .. وعرسي ..
    آسف ..
    نسى الصبر قلبي يا ( معلمته ) ..
    شفتك .. وانا اشوف جنب ( الملتقى ) كرسي .. !!

    ردحذف
  98. حي الله الصبح .. وشعوره .. وتكفاها ..
    لامنها قالت : إكتب لي صباحيه .. !

    يحتار فيها الفكر وأحتار .. وياها ..
    أبيات شعري .. من الأحلام مبنيه ..

    أحاول .. أبدع لها .. وأدور رضاها ..
    وألملم أجمل حروفي .. لـ أجمل بنيه ..

    بـ الورد .. والحب .. وعذب الريق بشفاها ..
    أكتب لها : صبحك .. الله ما خلق زيه ..

    والشمس في نور خدك .. يكمل ضياها ..
    يابنت حواء .. لها أوصاف .. حوريه .. !

    ردحذف
  99. ينساه قلبي .. والمشاعر تذكره ..
    ما هو طبيعي .. حبنا يـ فراقه ..

    يطري علي وأحاول إني أنكره ..
    لكن تبوح حروفي المشتاقه ..

    للحين أحبه ..
    وأحمد الله ..
    وأشكره ..

    إني قبل فرقاه .. ذقت عناقه .. !

    ردحذف
  100. يا صباح بدوي(ن) غارق(ن) بالقهر ..
    امخير لبنت عم(ن) ما تساوي جزمها
    عايشن للمجامل والشقى والسهر ..
    حاطب أحلام عمره بس غيره حزمها .. !!

    ـــــــــــــــــــــ

    زرعت وصفك بـ تفكيري .. وسقيته ..
    لين إكتمل حلم .. ما يخطر على بالي ..

    ـــــــــــــــــــــ

    ليه العذر يا مشقيه قلبي .. ؟
    عادي تضيق .. وتنفرج عادي .. !!
    متعود(ن) جسمي على غُلبي ..
    حتى أحس إن الخطأ .. كادي

    ـــــــــــــــــــــ

    وش فيك ؟
    هـ النظرات مابيها ..
    تذبحني عيونك ونظراتك ..

    ــــــــــــــــــــــ

    لا تشتكين مفارق أحبابك ..
    صدري وطن لك .. وأرض يا عمري ..

    ــــــــــــــــــــــ

    حطي على الكتف راسك .. وافردي شعرك ..
    ودي أشمه وأسولف لك .. عن إعجابي
    خليني أهمس عليك من الشعر .. شعرك ..
    اللي لعينك .. تخطه رعشة أهدابي

    ـــــــــــــــــــــــ

    من قال ضايق ؟
    أبد ..
    شوفيك بعيوني .. يكذب عليك ..
    اصلاً اللي قال لك ضايق ..

    ـــــــــــــــــــــــ

    ياجنوون الشوق
    شووووووووووفه
    جاير بحبه علي
    مدري هي فعلاً ظرووووفه
    والا قلبه ما هووو لي

    ــــــــــــــــــــ

    إييييه ..
    يبي لها الصوت .. الحنون ..
    ماهوب صوتي يـ القصيد ..

    ــــــــــــــــــ

    يا عذبة الريق .. عطشانك .. ذبحه الشوق ..
    والعمر دونك .. قسم بالله ما يسوى
    خابر شعورك .. يقدرني .. وكلك ذوق ..
    سقاك ربي من الجنه .. ابي اروى .. !!

    ــــــــــــــــــ

    إلى هنا يكفي .. وتصبح على نور ..
    يا صوت شعري .. خذاك الوقت قم نمنا ..
    باتسر على خير .. نبنلقى االحزن طابور .. هذا اذا الله أطال اعمارنا .. وقمنا ..

    ــــــــــــــــــ
    سوري ماكنت عارفه شلون اجمعها حستها بالاول ورجعت رتبتها ان شاءالله تجوزلك انا جمعتها ورتبها على راحتك..مزون

    ردحذف
  101. مليووون شكراً يالمزون ..


    ما قصرتي ووجهك أبيض ..


    والله ياني حذفت من صفحة الاشراف بيت بيت ههههه


    الله يسامح من كان السبب

    ردحذف
  102. مانيب خايف من فراق الأماكن ..
    الخوف يمه .. لين فارقت الأشخاص .. !

    لا تندشيني .. خلي القلب ساكن ..
    وأبقي على الموضوع ما بيننا خاص ..

    ردحذف
  103. السهر لـ الشعر .. ما يشبه إلا :
    متغربٍ وده يفضفض .. شعوره .. !

    ردحذف
  104. انس المكان ..
    ولا تفكر بـ الأشخاص ..
    ان زان مودك زان وياك مودي ..
    كني معك .. والشوق ما بيننا خاص ..
    حتى انا مشتاق مثلك لـ بودي .. !

    ردحذف
  105. ينعنشني الـ طعم بشفاك .. وأحس إنه إلين ألحين ..
    باقي فيني .. امحلاك .. وطعم الريق بـ الشفتين .. !

    ردحذف
  106. ريميتي ..
    تلعب على نبض شعري ..
    طفله ..
    بريئة ..
    فاتنه ..
    كلها روح ..
    حقي أدلعها .. ومن حق فكري ..
    يملي على أبياتي غزل .. وين ما أروح ..
    وأكتب لها ..
    يا بعد .. نبضي .. وعمري ..
    مجروح كنت .. وصرت مانيب مجروح ..
    ما دام سمعك يطربه نبض شعري ..
    فـ أنا حييت .. وداخلي ردت الروح .. !

    +

    لهيت .. بـ عيونك .. عن حكاك والله ..
    مانيب لاهي عنك في حد غيرك .. !

    ردحذف
  107. وك شـ تريد يا وردي ..
    رماد فراقنا وردي ؟ ..
    وأنا .. الـ أذكرك في وردي ..
    عسى الله يرجعك ليا .. !!

    +

    بسمة خجل ..
    وعيون تخفي .. موده ..
    وإحساس قلبي ما يخيب .. رجاها ..
    اللي توده ..
    حالف إني أوده ..
    واللي تبيه .. يصير .. وأنا معاها .. !

    ردحذف
  108. مهتويك الخفوق .. ودنيتي تهتويك ..
    والـ أصح كل مابي ذايبن في هواك ..

    لا تغيب .. وتجرب كيف انا بـ أحتريك ..
    خايف أموت والله .. قبل حزة لقاك .. !

    ردحذف
  109. بكيت ضيقه ..
    لا وربك .. مو كذا .. !
    أبكي فرح لمعانقك .. لهفة الروح ..

    حبيب قلبي ..
    ما يجي منك أذى .. !
    أطيب أنا وياك .. لو كلي جروح ..

    ردحذف
  110. هنآ أرض ..
    وسماك هناك ..
    وش اللي جابك لـ أرضي ؟
    حياتي ..
    غير عن دنياك ..
    وفرضك .. غير عن فرضي ..
    تقولين الحنين أضناك ؟
    وجابك طول .. في عرضي ..
    نسيتي ..
    والجروح أشواك ..
    فرشتيها .. وأقول إرضي .. !
    أبمشيها .. مدام فداك ..
    عمري .. عشقي .. وعرضي ..
    وأبقفي عنك ..
    وأتحراك ..
    تردين لسماك .. أرضي .. !!

    ردحذف
  111. فاهم عليك .. إش بعد أحبك حبيبي ؟
    خلي دلعك شوي .. وأبغى الصراحه ..

    من عذب حبك .. ودي أعرف نصيبي .. !
    والـ بعد عني .. من عطاك إقتراحه ؟

    مليت أشوفك بـ الصور .. تلتهي بي ..
    ومليت أهل الدمع .. وأشرب قراحه ..

    كوني صريحه .. وإن بغيتي .. تغيبي ..
    خوذي معك قلبي .. وخوذي جراحه .. !

    ردحذف
  112. لهيت عنك كود تسلى جروحي ..
    والشاهد الله ما لهيت .. وذكرتك ..

    شربت من ذكراك .. يا روح روحي ..
    إلين مدري ..
    فقت .. والا سكرتك .. !

    ردحذف
  113. فلة شعرها وإنتثر فوق كتفي ..
    وأنا كذا جالس معاها .. تبسمت ..

    شميته وقالت لي أرجوك .. يكفي ..
    لو ما تعبر في كلامك .. ترا قمت ..

    تمتمت ..
    حلوك ..
    تهت .. وبك تاه وصفي ..
    خليني أعبر شعوري لك .. بـ صمت .. !

    ردحذف
  114. صافح وعايد من عرفت ومن جهلت ولا تمل ..
    المسلمين اخوان والرحمن رب المسلمين ..

    ماتدري إنه بسمتك أحيان للمسكين أمل ..
    والفرحه بعيد الفطر هي حاجة القلب الحزين .. !

    ردحذف
  115. رحت بدلعها ولـ أدري وين ودتني ..
    تسأل عن العيد و اهيه ماسكه ايدي ..

    حطت على الخد شفتها وحبتني ..
    وبلا شعور ابتسمت وقلت " ذا عيدي " .. !

    ردحذف
  116. بيته من الأحلام .. والحب .. مبني ..
    وأنا من الـ آهات بيتي .. تهدم ..

    باسي قوي .. لكن فراقه غلبني ..
    أطرد وراه .. ولا وصلته .. تقدم ..

    أستاهل اصلاً دام هو ما طلبني ..
    وشوله أبني بيته .. وآآآآآتندم ؟

    ردحذف
  117. في عالم النت .. كل الناس تقرا لك ..
    ولسانك حصانك .. ليا صنته يصونك ..

    إكتب .. على كيف كيفك بس حط بالك ..
    الآخره من أمامك .. والقبر دونك .. !

    ردحذف
  118. ما ناقصك حاجه ولا أنتا بـ رايق ..
    تدري طبيعي لا ولا بـ اسأل شفيك ..
    هاجر كتاب الله وبيته وضايق ..
    وين الغرابه لا غدى الهم كاسيك ؟

    ردحذف
  119. تعذر ..
    بـ الظروف ..
    أو أي شيء يطري على بالك ..
    انا مسامح ..
    ولكن لـ الكرامه حق ترضيها ..

    رضاي ..
    أكبر عليك من الزعل واحساسك الهالك ..
    أحبك ..
    والخطايا منك .. لو تكثر بـ أعديها .. !

    ردحذف
  120. لا تمنعوني لا ولا تسألوني ..
    رايح ولـ أدري وين رايح بلاها ..

    خلوني أرحل يمكن ألقى عيوني ..
    اللي قبل ترحل خذتها معاها .. !

    ردحذف
  121. عضت اطراف الشفايف ودمعت ..
    قلت وش بك .. وش ورا هذا السكوت ؟ ..

    ارفعت يدينها لـ ربي ودعت ..
    جعلنا نبقى سوا حتى نموت .. !

    ردحذف
  122. كانت حياتي .. من فرحها .. حياتي ..
    والضيق لو دب فحشاها .. تضايقت ..

    راحت .. وانا من فارقتني أحاتي ..
    واضيق مدري ضايقه او انا اشتقت .. !

    ردحذف
  123. غيرك الزمن .. والا تغير هالزمن لـ أجلك ..
    أنا مدري ولكني .. أحس بشيء متغير ..

    كثير اشياء من حولي تواسيني وتنده لك ..
    وكبر الكون فـ عيوني .. غدى بفراقك صغير .. !

    ردحذف
  124. لـ امتلى صدر { دلّي } في هموم الزمان ..
    واستهاض الأنين فـ عالمه لا تغيب ..

    شرّع ضلوع صدرك بـ الدفا والأمان ..
    واحضنه لو تحبه .. كون يمّه قريب .. !

    ردحذف
  125. لما إلتقيتك قبل ... أعوام الجفاف ..
    عرفت وش يعني المطر لـ الذابلين ..

    يا ارتوائي ..
    ليه من بعدك أخاف .. ؟
    الوقت ما يرحم قلوب الطيبين .. !

    شفت بغيابك أنا .. ما لا يُشاف ..
    ما قلت لك يا عذبتي .. لا ترحلين .. !!

    ردحذف
  126. أرغمت نفسي على التطنيش .. واللي حصل كله بـ سبّك ..
    عشان لا غبت أعرف أعيش .. وأريح القلب من حبك .. !

    ردحذف
  127. بعثرني الوقت ..
    بس الحب .. رتبني ..
    وأصبحت .. صاحب فكر .. يستلهم أفكارك ..

    يا شاعرة ..
    كل مـ انهد الشعر .. تبني ..
    أبياتها في قصيدي .. هاتي أشعارك .. !

    لا تطلبين العذر ..
    في حجة .. " إكتبني " ..
    تلميذك اليوم أنا .. ما فيني أشارك ..

    ردحذف
  128. حياك ربي .. أو بلا هـ التحيه ..
    لا دامك بترحل .. قبل تكتمل لك ..

    أتعبتني ..
    ما بين روحه .. وجيه ..
    يـ اللي عجزت من المعاتب .. أملك .. !

    ردحذف
  129. التقينا صدفه بـ أمر القدر ..
    وافترقنا غصب ..
    في مفرق .. طرق ..

    لو بـ ايدينا ..
    هـ المفارق ما قدر ..
    ياخذ أحلى سنين حب .. ونفترق .. !

    ردحذف
  130. ما كنت أظن العمر يبـ يصفى لي ..
    من عقب لا عيت تطيب أوجاعي ..

    يـ اللي تحسن في وجودك حالي ..
    ما لـ الدكاتر في حياتي داعي .. !

    ردحذف
  131. استنزف الحرف تفكيري ولا زالت تنزّفني من الأشواق أشعاري ..
    وأستلهمك حب يكتبني ويقراني إذا جاء بـ الفكر طاريك ..

    حاولت لاكنها عيّت دموعي لا أخفيها وباحت رغم إصراري ..
    مالومها لنها دونك تشوف أشياء كثير بدنيتي من غيبتك تبكيك .. !

    ردحذف
  132. السوالف دافيه .. والليل بارد ..
    والحنان بـ صوتها .. حلّاها ..

    تنشد علام الذهن كنه شارد ..
    ما تدري إني ضايعن بحكاها .. !

    ردحذف
  133. عالجوا أكثر مشاكل هالبلد ..
    ومابقى الا حتات وأكبر مشكله ..

    أم الولد ساقت ولكن الولد ..
    مسجون ظلم وما لقى من يكفله .. !!

    ردحذف
  134. من رحم حزني .. إنخلق شاعر ومات ..
    نقطة بدايه للنهاية حياته ..
    ما ميّز من أصواتهم .. غير أصوات ..
    كانت تنادي له بـ لحظة وفاته .. !

    ردحذف
  135. يا ( واطيه ) درب قلبي من وطى دربك ..
    ردي خطاويك .. ما لي بك .. ولا لك بي ..
    عايش ولاهمني بعدك ولا قربك ..
    دام إن ريميتي وأحلامها قربي .. !

    ردحذف
  136. وجه الفرح من دون طلة محياك ..
    ملامحه شؤم وتفاصيلها سود ..
    يبيني أضحك وأنت عارف بلياك ..
    من زود حزني ضحكتي مابها زود .. !

    ردحذف
  137. أزال المؤلف هذا التعليق.

    ردحذف
  138. البارحه مات الغياب فـ جيتك ..
    عظم الله أجر شوقي في حضورك ..

    صافي النيه وصفي نيتك ..
    الليله الليله يبي يروى غرورك ..

    فـ الشعر دوري بـ يملي يديتك ..
    لين ما تملين يديني فـ دورك .. !

    ردحذف
  139. يا فَلَذَّت كبد أخوي .. يا طفل حلَّى الطفوله ..
    كانت الدنيا بعيني .. ما تساوي شيء قبلك ..

    يا مشابه للمطر .. في نشوته ويا هطوله ..
    يا مخلي دنيتي تشبه إلـ ملحك وقبلك .. !

    ردحذف
  140. الجو حنون وشاعري ..
    يامن أسرتي مشاعري ..
    لا تندهي لي شاعري ..
    وأنتي بحلاتك شاعريه .. !

    ردحذف
  141. لازمتني بسمتك لحظة غيابك ..
    يا جمالك .. وأنت راحل بـ ابتسامه ..

    روح جعل الله يحفظ لك شبابك ..
    مبتسم .. مرتاح إلى يوم القيامه .. !

    ردحذف
  142. تلحفني برادك يـ الرياض وفوقه همومي ..
    وانا مانيب حمل أوجاع .. فيني ما يكفيني ..

    بهالساعه عسى آمين ما يصبح علي يومي ..
    الا وداخلي فرحه تعوض ماضي سنيني .. !

    ردحذف
  143. عشقت اشياء كثيره في حياتي بس مثلك ما عشقت ..
    يا بعد هالكون كله يا بداية عمر يا معنى المسره ..

    إيه يمه لو أقول أنا أحبك مره وحده ما صدقت ..
    ما تكفي هالحروف الأربعه لو قلتها مليار مره .. !

    ردحذف
  144. فيني ..
    تبي تستاثم وربك أقوى ..
    صابك .. مصابك .. وابتعدت وتكبرت ..

    ما طبت من جرحك ولكني أشوى ..
    يكفيني إني من غرامك تحررت .. !

    ردحذف
  145. استكان المطر والناس وإحساسي ..
    من عقب ضوضاء حطت فـ الصدر كلمه ..

    يا ليل ..
    ( أحبك يا بعد ناسي ) ..
    خذها على الواقع المعدوم في حلمه .. !

    ردحذف
  146. أصبح على خير مع شوقي وتفكيري ..
    وأحلامي أنتي، عسى ربي يحققها ..

    تجين ما لك فهالدنيا حضن غيري ..
    وما لي بعد غيرك إنسانه أعانقها .. !

    ردحذف
  147. صب القهر في قلبها ولقلب عاشقها تسرب ..
    قدر الله والصبر واجب على من ابتلي ..

    واقع الدنيا شقى والصعب منه إنا نتهرب ..
    والمواجه بالدعاء والأمر فـ ايدين الولي ..

    ابشري بالخير .. همك يالعزيزه وإن تكرب ..
    بالدعاء والصبر لازم عن حياتك ينجلي .. !

    ردحذف
  148. عادي واذا لقيت وجهي مقفاك ..
    بـ اضحك على ماضيك واذكرك في بيت ..

    لقيت من يسوى طوايفك .. ويسواك ..
    يـ اللي على التقصير .. كفيت ووفيت ..

    ردحذف
  149. ترسم تجاعيد وجهك، دربي الزاهر ..
    ياللي تضوكعك زوّد همتي همه ..

    ياجعلي افداك وافدا قلبك الطاهر ..
    وآبر بك لين يوم الدين يا يمه .. !

    ردحذف
  150. تكثر هموم الزمان، وتمتليك إزعاج ..
    والناس ماهمها حزنك ولا ضيقك ..

    فقير لله، وردد كل ما تحتاج ..
    يارب تغني فقيرك عن مخاليقك .. !

    ردحذف
  151. صدري على حطت يدك من رحلتي ..
    ما ضم غيرك واسألي شدة البرد ..

    ذبل شعوري مثل مـ أنتي ذبلتي ..
    ما عدت أحس الورد عقبك هو الورد .. !

    ردحذف
  152. تعطشك الشعور بكل ما أوتيت من غربك ..
    ورحت استجدي الذكرى تبلل عمري الضامي ..

    أبي أتنفس الدنيا، مثل ماكنت في قربك ..
    أحسك حلم .. حققته .. وعشتك أجمل أيامي .. !

    ردحذف
  153. برضاي حبيتها .. من بد خلق الله ..
    وشلون غصبن علي كرهتها .. مدري ..

    لها غلا بالصدر .. باقي على حله ..
    لكن اذا شفتها .. يضيق بي صدري .. !

    ردحذف
  154. البعد ما نقّص بـ الآلآم قدرك ..
    متربع فـ كومة جروحي ولـ أشره ..

    معذور لو ماينفع القلب عذرك ..
    لن استحاله عقب حبي لك .. أكره .. !

    ردحذف
  155. تطمني، يا جافيتني .. تعودت ..
    ما صرت أكابد ليلتي فـ إنتظارك ..

    شبيت في ماضيك حتى ترمدت ..
    آسف على حبك، وشكراً لـ نارك .. !

    ردحذف
  156. الشتاء جمد ضلوعي فوق مـ أنتي جافيه ..
    حنني نفسك علي بكل قطرة حب فيك ..

    مشتهي أعيش ليلة برد .. لكن دافيه ..
    تمطرين بـ عشق شوقي وأقطفك ما ارتويك .. !

    ردحذف
  157. رآيق وأبي من ظلمت الليل بسمه ..
    ودي أغازلها قبل ما تضايق ..

    خايف يجي بكرا مع الجرح إسمه ..
    وأنسى على ويش المساء كان رآيق .. !

    ردحذف
  158. الصبح غذا بروحي فكرة الفرقا ..
    والليل عيا علي أجزم وأسويها ..

    تغريبة الشوق تنزل بي وأنا أرقا ..
    أكتب قصايد بها وفيني تغنيها .. !

    ردحذف
  159. اختنقت وذكرتك .. ليه ما أدري ..
    رغم إني معاهد النسيان بـ فراقك ..

    يمكن عشانك هنا متربع فـ صدري ..
    اتذكرك كل ما أحتاج لـ عناقك .. !

    ردحذف
  160. لـ القلوب عقول تعرف وش تبي ..
    والصراحه ما يكفي شويها ..

    كنت صادق إيه لكني غبي ..
    ماعرفت أكذب عليها زيها .. !

    ردحذف
  161. دللت آهي لأنها جات منها ..
    ياما روتني من سماء الحب فرحه ..

    لادامني راضي وانا محتضنها ..
    ممنون قلبي ما يألمه جرحه .. !

    ردحذف
  162. قربت جوالي، وقلبي معاها ..
    مبطي ونغمتها على حطت ايدي ..

    مدت لي الذكرى وقلبي عطاها ..
    أيام كانت تحتسب من رصيدي .. !

    ردحذف
  163. ميلاد الأرواح موت جروح ماضيها ..
    يا طفلة الحب، في موتي وميلادي ..

    ناداني البعد .. ورحت أتبع خطاويها ..
    لقيت ذكراي ما تدري من تنادي .. ؟

    ردحذف
  164. معشوقتي صعبه ولا به مثلها ..
    واللي مصعبها أنا محبوبها ..

    تفتن وزينه ماهو بس بشكلها ..
    حتى فـ قساوة طبعها واسلوبها .. !

    ردحذف
  165. ابتسمك الحنان بـ دمع شاعر حزين ..
    ازدوجتي شعوره بين وصل وجفا ..

    ابتدا الحب يمك وإنتهى بالحنين ..
    ما سأل عن غرامك ليه عنه اختفى ..

    أودع القلب صبره وإلتهى بالسنين ..
    وإعتزل كل أنثى لنه منك اكتفى .. !

    ردحذف
  166. شقق ثيابك وإلـطم الخد يـاهيه ..
    آ يـا قليل الدين .. صفـق لك إبليس ..
    إنا لـ ربي .. والأمل دايـمـ(ن) فيه ..
    حلّال .. كربات العيون النواميس .. !

    ردحذف
  167. صابني لحظة وداعك .. ملـملـه ..
    وإنطلق دمع المـحـاجر .. في خجل ..
    المـوادع .. سحر سـاحر .. حلـحلـه ..
    والفراق الـمر .. يشـبـه لـ الدجـل .. !

    ردحذف
  168. الله يـســامـح من تركـني بـلا أسباب ..
    أسهـر جفوني وأضرم الحـرب فيني ..
    جيش الدمـوع يضـدهـ القلب منصاب ..
    والـروح أسيرهـ بـين روحـه وبيني ..

    ردحذف
  169. شفتي الشاعر وهم البين .. بين ..
    انطوى عشقه وجرح القلب راح ..
    وابتدى العمر الجديد فـ بسمتين ..
    بسمة الفرحه وبسمة للجراح .. !

    ردحذف
  170. تسمعين بشيء إسمه اختصرتي ..
    المسافات البعيده والليالي والتعب ..
    لاحبيبه لاوليفه اخت صرتي ..
    احترامك والسلام ولا أخيب لك طلب .. !

    ردحذف
  171. لا لا تسـوء الـظن في مـن يـحـبـكـ .. !
    صـف النـوايـا .. دام الارواح حيه ..
    لا تـعـتقد من سب ياخي يسـبكـ ..
    واصفح ترى صفح الحبايب هديه ..

    ردحذف
  172. حقيقة الصمت ..
    ماهي مقدره عـ الصمت ..
    الا كلام .. أخرسته الضيقه بـ فمي ..

    يمرح معي ..
    وأنتظر يمكن ليا من قمت ..
    ألقى صدر يتسع له مثل صدر أمي .. !

    ردحذف
  173. لـ الظلام أسرار في صدر المساء ..
    لو أبيحت للصباح .. النور ظلّم ..
    مثل وحده جامعه زين النساء ..
    في حكيها بس ما تبغى تكلم .. !

    ردحذف
  174. عليك شايل صدتك .. وإنتظاري ..
    غيّبتني وياك ماغبت وحدك ..

    ليلي أبد ما يختلف عن نهاري ..
    الوقت كله ضايعن فيك بعدك .. !

    ردحذف
  175. عزمت الغيم ويا ثقل الضيافه ..
    ثلاث اشهور يمطرني جفافه ..

    تيبس صدر شعري في مغيبه ..
    وعذب الحرف عقبه صار تافه ..

    زرعته بوح واحتجته وجيته ..
    اثر غيري سبقني بـ اقتطافه .. !

    ردحذف
  176. ملامحها .. زمان أول .. بعين الشايب المكسور ..
    ملامحها .. تحنني .. وأسولف عن ملامحها ..

    رمتني للزمن وأقفت .. وأنا أحسب الزمان يدور ..
    أثاريني على الذكرى .. أدور الله يسامحها .. !

    ردحذف
  177. محتاج لك لاتنام .. ليلي ذبحه الهموم ..
    ضاق فيني الكلام .. والصبر ماهو كريم ..

    امش عقب الملام .. لا تهاب الغيوم ..
    ضمني بـ إحترام .. لين مافيك أهيم .. !

    ردحذف
  178. أغص بـ أخطاي فـ الدنيا وبـ عيوبي ..
    ودعاي دايم ليا من زادت الغصه ..

    يارب تسترني وتغفر لي ذنوبي ..
    وتخلي أمي وأبوي .. وجدتي حصه .. !

    ردحذف
  179. بعد السكوت إحتاج صدري لساني ..
    وده يفضفض ضيقته لا تكلمت ..

    عييت خايف تستباح الأماني ..
    ثم يتساوى عندي البوح والصمت .. !

    ردحذف
  180. أمسي على أطراف العيون الشوارد ..
    بين الرموش أدور الحب فيها ..

    ماودي الا لا غدى الليل بارد ..
    تضمني بعيونها .. وأحتميها .. !

    ردحذف
  181. مستكثر .. أحبك .. علي ؟ .. قلها .. وكني ما سمعت ..


    هذي انت ..؟؟ ابياتك الوحيدة جيب لها اخوان..
    بليز لو له تكمله قلها..ولا تحرمنا التلذذ بالجمال.

    ردحذف
  182. بعض الأشطر .. ما تبي اخوان ..
    ابحاول إن شاء الله .. !

    ردحذف
  183. ما تغير نظرتي بـ اللي أعزه ..
    والصديق إن طاح لابد أرفعه ..

    ما عن الأخطاء بـهالدنيا منزه ..
    ولا تضايق من تسامح في سعه .. !

    ردحذف
  184. أبرد وإذا كلمتني .. تدفيت ..
    في صوتها بحه اترد روحي ..
    عوبا تغنج .. عشان أبتكر بيت ..
    وهي تعرف إنها ( سر بوحي ) .. !

    ردحذف
  185. وصيت نفسي لنها مو زايده ..
    والنقص هو هو فـ البشر ونفوسها ..
    لا لا تهاون بـ الأمور الكايده ..
    واخذ العبر من دنيتك ودروسها ..
    اقنع برزقك لا ترجى فايده ..
    ما فاد بعض الناس كثر فلوسها ..
    دف وتدفى دام نارك قايده ..
    قبل المنايا تاخذك وتحوسها .. !

    ردحذف
  186. اشحذ ملامحك قبل النوم ياخذني .. عشان الأحلام فيك تكون ورديه .. !

    ردحذف
  187. للأنوثه سقف وأنتي فوق سقفه يا سماي ..
    والبنات اللي بعيني كلهم دونك يجون ..

    ما أبي من بعدك أروى لا وقف عندك ضماي ..
    ولا رحلتي عن عيوني ما أبي بعدك عيون .. !

    ردحذف
  188. فكرت أعيشك مع الذكرى .. ولا قررت ..
    واحترت بين السوالف معك .. وطيوفك ..
    أتعبت نفسي على ( ياليت ما فكرت ) ..
    ولـ هالسبب .. ياحبيبي ودي آشوفك .. !

    ردحذف
  189. في سرها يا خال أنا قلبي ارتاب ..
    والسر ما له طعم لا من تفشى ..

    اللي لها صورة على اطراف الاهداب ..
    من حقها بعيون غيري تمشى ..

    كانت وصارت .. لكن الحب غلاب ..
    والعقل من زود المحبه ( تغشى ) .. !

    ردحذف
  190. بذر التوجد فالهوى ينبت جروح ..
    وياما وياما ذقت مر الزراعه ..
    آخر قطاف القلب، سلمته البوح ..
    واسأل قصيدي عنه من ( ربع ساعه ) .. !

    ردحذف
  191. تبتر يدين القصايد جفوة يديها ..
    وإن صافحتني عطيت الشعر يدينه ..

    إلهامي أبطى من اللهفه يناديها ..
    وأبطيت عنه أتسائل عقبها .. وينه ؟

    ردحذف
  192. العمر مره والفرص فوتها ..
    لرضاك وأنتي ما رضيتي فيني ..

    أحلامي البيض فـ وله سودتها ..
    ما هو حرام بلا سبب تنسيني ؟

    ردحذف
  193. أفواه شوقي فيك تحتاج تكميم ..
    يـ مدميه حرفي بليا خطيه ..

    ردي لسماء شعري لذيذ الترانيم ..
    والا خذي وياك مر الأسيه .. !

    ردحذف
  194. مضطر أودع ما بقى من حنيني ..
    عشان أعيش العمر وأنسى رحيلك ..
    مدري مع الأيام ويش بيجيني ..
    لكن أبي تدرين ما راح أجيلك .. !

    ردحذف
  195. سابقتك الحروف وجات ما تبغى تشوف الا شعوري بـ اهتمامك ..
    واستبقت الشعور وقلت لك قلبي وأنا محنا بحاجة اهتمام ..

    عقب ذاك السكوت اسألك بـ الله قولي وش بينفعني كلامك ؟ ..
    صرت أصمك ولا اسمع (اشتقت وأحبك) ما يفيدك هالكلام .. !

    ردحذف
  196. يـ مشيده قلبي بحبـ (ن) عامر ..
    خفي عليه وخففي من هالضغوط ..

    هذا طلب .. كانك تقولين آمر ..
    ردي لأني صرت آيل للسقوط .. !

    ردحذف
  197. خطاكم أدمى .. وجه وأنفاس وشعور ..
    زدتوا وزاد الظلم والدون فيكم ..
    مانيب ناسي فعلكم بي من شهور ..
    واحد .. معي ربي عويني عليكم .. !

    ردحذف
  198. ما همني بشار والا الثوره ..
    يهمني كيف الطفوله .. تحرم ..

    أوجاعهم ماهي مثل بالصوره ..
    وأمواتهم .. ربي حسيب المجرم .. !

    ردحذف
  199. دام غصن الفقر في مَدَتْك مال ..
    وما عطيت امن الكلام الا المفيد ..

    ولا خذيت القيل من لا جا وقال ..
    والمراجل ما لقت غيرك عضيد ..

    أفتخر بك كل ما جا لي مجال ..
    وإن طروك أقول أبوي وما أزيد ..

    الحكي بـ عيونهم أبلغ مقال ..
    لـ اغبطوا حظي لأني لك (وليد) .. !

    ردحذف
  200. ما شلت هم الإتفاق وغيره ..
    يـ اللي علينا تدورون الزله ..

    هلالنا ما هو مخيب ظني ..
    يا (كاسنا) بكرا الوعد بـ إذن الله .. !

    ردحذف

سيتم إدراج تعليقك بعد الموافقة عليه وشكراً،