الأحد، 20 يونيو، 2010

حنين .. شوق .. لهفه .. انتظار .. و كبت .. !!!

.. !

( ١ )

ليه أخـاف .. ؟
دامك بـروحي .. أمان ..
.. مـا على جروحي خلاف .. !
هـاجري ..
غرّبيني ..
وإتركي روحك مـعي ..
وأوعدك .. لا مـا أخـاف ..

( ٢ )

قلق .. حيرهـ .. !
.. عـلى هـ الحال .. يـا عيني .. !
سـهرتي .. ضيق .. وأسهرتي .. معك قلبي وشراييني ..
وكل هذا عشان .. أحزان .. ؟
بس أحـزان .. إنسـانه .. ؟
عطتك  عيون .. تلمحـهـا .. !
.. وشفتيـهـا ..
... قصدي شـفتي الدنيـا بهآ وشلون مليآآآنه .. !
طلبتك .. خبي شجوني .. !
.. لـ أنهـا مـا تبي عيـوني ..
بـعد هـ اليوم ولهآنـه .. !

( ٣ )

قمـت أنام .. !
... يـابعد قلبي .. سلام ..
الوعد بـ أول سحـابه ..
بـ أول أحلامي .. تعآلي ..
... وثآني أحلامي .. تعـآلي ..
وإن بـدت هـ الشمس تطلع ..
يـا أشوف الـنور فيـك ..
أو سـلآم ..
إتركيني بس أنــام ..
تـكفي أحلامي مـعك .. !!!

( ٤ )

ارجوك يكفيني .. !
... أنا مـا فيني أبكيني ..
تعبت أقول يـاربي ..
... أنا مابي تخليني .. !
أبيها دايمـ(ن) عندي ..
أبي تعطف على عيني ..
أبي دموعي .. تكفكفها ..
.. أبيها بس .. تبكيني .. !

( ٥ )

نهـار السـبت .. !
... وأجوائي هـي أجوائي .. 
ملل .. ضيقه .. حنين .. و كبت .. 
أنا ما غبت .. !
أنـا مشتآق لـ أيـامك .. !
... أنـا العطشان يا مائي .. !
أبد من يوم ودعـتك .. 
.... وجسمي يـذكرك بـ الخير .. !
لكني أنـا مـا تبت .. 
... أبي أرجع لـ أحضانك .. !
عشان أرتاح .. من ضيقي .. 
ولكن لـ الأسف .. مـ أقدر .. !
أعيشك عمر مـن ثآني .. !
... وابدد ماضي أحزاني .. !
وأخلي ضيقتي .. لذهـ .. 
... من آخر يوم ودعتك .. إلين السبت .. !!
عسى الله يذكر أحلامي معك بـ الخير كل مـ ارتبت .. !
ويـلهمني الـصبر .. والـنور .. !
.. ويسقيني مـطر وصلك .. قبل لا ينتهي عمري .. !
وأقول إني بـدونك .. شبت .. !!!!!!!


الخميس، 17 يونيو، 2010

يمكن يمر اسمك يصحي منامي .. !



كيـبورديـه .. !


يـا غايبه عني لـك ألحين كم عـام .. ؟
جآني شـعور البـارحـه .. من أمامي ..

شفته وقلت اوقف .. عسى منتب أحلام .. ؟
راح وتركـ قلبي يـنآجي عظآمي ..

يـمكن تجي .. يمكن هواجيس وأوهـام ..
أو هـو شـعور(ن) جـاء يداعب هيآمي ..

لكن أكيد إن الأمل مـا بعد نام ..
واقري بـ آخر بيت كيف إهتمامي ..

البـارحه يـا غايبه .. قبل لا أنام ..
رغم الجفاف بـ ضحكتي .. وبـ كلآمي ..

ركدت جوالي على وضعـه العآم ..
يـمكن يمر إسمك .. يصحي منآمي ..

الثلاثاء، 15 يونيو، 2010

سارهـ .. قصه مثيرهـ .. !

رحت بخيآلي أكتبك .. قصه قصيرهـ .. !
من حكايا العشق .. وأنواع الجنون ..

وإسمحي لي .. إنتهت جداً .. مثيرهـ ..
مـاهو بـ ايدي يـاقمر .. قلبي يمون ..

اسمعيها .. والبدآيــات .. الأخيرهـ ..
تـنتـهي .. قبل أبتدي .. حكي العيون ..

كآن يـا ما كآن بـ الدنيآ .. أميرهـ ..
إسمهـا سارهـ .. ويعشقها حنون ..

التقوا بـ ( النت ) في وقت الظهيرهـ ..
مرحبـا .. كيف أنت .. قلي من تكون ؟ ..

لين طل الليل وهم .. نفس الوتيرهـ ..
والصرآحـه .. كلهم .. يستهبلون ..

استمر الحآل مدهـ .. مـو كثيرهـ ..
وبعد مـا شافوا بعض .. جآهم سكون ..

وفكروا بـ الوضع في شبه الجزيرهـ ..
دينهم .. عاداتهم .. مـا يسـمحون ..

قالوا : أسلم نفترق .. والبعد خيرهـ ..
خآيفين الحب .. يسـكن بـ الجفون ..

ابعدوا بـ أجسادهم .. كلن بـديرهـ ..
والوله بـ أرواحهم .. يبعث شجون ..

ذكريآت الصبح .. فيهآ تسـتثيرهـ ..
والمساء دونه .. لهآ .. ما فيه لون ..

ليـن بعدين .. التقوا من غير حيرهـ ..
بـ الحلال الله جمـع مـا يشتهون ..

دآرت الدنيا .. وذا الدنيا صغيرهـ ..
وجمـعت سارهـ بـ عاشقها الحنون ..

البارحه كن السماء مابها روح .. وانا الوحيد اللي هنا طحت من فوق .. !!

الغصه اليا داعبت محجر البوح ..
أحلى القصايد .. تبكي الشوق لـ الشوق ..

والشاعر اللي لـ أختنق .. داعب النوح ..
كتب له بويتـ(ن) من الحزن مرموق ..

( البارحه كن السماء مابها روح ..
وأنا الوحيد اللي هنا طحت من فوق .. )

ايا سماي الثامنة وين أنا أروح .. ؟
والارض عقبك يا سماء ما بها ذوق ..

الناس تجرح .. والبحر كله جروح ..
وأنتي قذفتيني وبـ ايدينك الطوق ..

شوفي هنا تحتك يديني لك تلوح ..
بـ أمدها لك .. أنقذي شخص مخنوق ..

مل وصدى صوته من الضيق مبحوح ..
من كثر ما ردد .. ( متى صمتك يفوق ) .. ؟

ردي علي الصوت .. حكيك اذا يفوح ..
يعطر الدنيا .. وينعش له عروق ..

ويزول ليل الغصه بمحجر البوح ..
وأقسى القصايد تبتسم لو بها شوق ..

الجمعة، 11 يونيو، 2010

::..| إنتبه لك .. ملكتي يـوم ( الأحد ) |..::

صـمت وكئآبـه .. !
... إنتظرتك كم يـوم .. 
وينك أنتي .. ؟
إتصلتي .. ؟
مـ أتصلتي .. ؟
لا رسآله .. !!
لا خـبر .. !!
لا حس .. أو حـتى إجـابه .. !!!!
كـنت أعد .. !
يـوم وآحد .. لا أحد .. !!
أثنين ايضاً .. لا أحد .. !!!
حتى وصلت أسبـوع كآمل .. أنتظر مـنك وعد .. !!
يـوم الخـميس .. !
... دق رقمك .. عشـت لحظآتي .. عريس .. !
احتفـلت بـ يآهـلا .. وينك أنتي .. إشتقت لك .. !!!
قـد السمـاء .. قـد الـنجوم .. وقد مـا عشت .. ا مهموم .. !!
واختنقت فـ بحـتك .. !
... حسيـت فيك .. ا محزّنه ..
... يـا لا ..
وش فيـه ..
.. احكي .. 
هآهـ .. مدري .. !!!
ضآق صـدري .. وإرتبـكت .. !!
وبـعد مـا آنـا سـكت .. 
طار صوتك دآخلي ..
...  وانحنى له .. غصن جرح .. !
رفرفـت له .. عبرتك .. 
واستكـانت بـه دموعك .. 
إحـكي .. إحكي .. أسـمعك .. !!!
جآوبوك .. ؟
.. استجابوا لـ رغبتك .. ؟
... أو يـبون يـزوجوك ؟
.. جـاء ابوك .. !!
قولي هآنت .. ؟
أو بـعدهم .. يـتعبـوك .. ؟
.. أنتي هـمي .. !
الحكي بـ أطراف فـمي .. بآغتك .. ؟
لـ أني والله .. كـنت أعد .. !
وكـنت .. 

إسـكت .. 
.. واللي يرحم وآلدينك لا تـعد .. !
إنـتبـه .. لك .. !
.. غصب عني .. ملكتي يـوم ( الأحد ) .. !!!!

السبت، 5 يونيو، 2010

::..| وأنـا بصدرك .. أحس بـرجفة ضلوعك |..::

أنت يـ اللي كل مـا أرفعك .. طحـت .. :(
واللي يــررررحم والدينك .. لا تطيييح :)


عآدتي لاصرت ضآيق .. !
.. أكتب أحـلى شيء عشـته .. 
وأرجع أقرآهـ بـهدآوهـ .. ليـن أروق .. 
ويـن ابـبـدآ .. ؟
.. وش هـي أحلى ذكريـآتي .. ؟
.. يـا حيـاتي .. 
.. اسئلـه .. كثر الـنجوم .. !
مـا تخليني أنـوم .. 
.. ومـن هنآ تأتي ( الإجابه ) .. 
السـهر .. أنـتي .. أنـا .. 
... وأشيـائنـا دآيـم تشآبـه :
حـلمـنآ .. أشـواقـنـا ..
واللهفـه اللي في سمآنـا .. 
يـا سحـابـه .. !
.. تذكرين أول هـطول .. ؟
.. وارتواءات الذبول .. ؟
ودي اكتب .. نبضهآ .. 
.. ودي اقراهـا .. علي ..
لـ أني والله .. بـعدهآ .. 
مـا أعرف مـنهم .. هلي ..
لـحـظة اللي عشـت .. حبـك ..
.. وإنتشى كلي .. بـ عمرك .. 
كنت أسـمّي .. !
.. كـنت أحس دمك .. بـدمي .. !
كنت أنـا خآيف .. عليـك .. 
.. لا يجي صدرك .. لـ همي ..
يضيّق ضـلوعك .. علي ..
جبت صدري عـند صدرك .. 
بـ أستحل أقصـاك .. لي ..
.. ولحـظة اللي شفت عينك .. 
وارتشفت أحلـى ابـتسـامه ..
.. ذبت فيهـآ .. 
.... زآح هـمي ..
...... ونـسـتني حليب أمي .. !
وعشـت .. أنتي .. !
.. أحس بـرجفـة ضلوعـك .. 
.. حـتى لـو مـا تكلمتي ..
تقول بصـوتك المبحوح : أنـا أحبـك .. !
.. وأنـا أحبـك ..