الثلاثاء، 15 يونيو، 2010

سارهـ .. قصه مثيرهـ .. !

رحت بخيآلي أكتبك .. قصه قصيرهـ .. !
من حكايا العشق .. وأنواع الجنون ..

وإسمحي لي .. إنتهت جداً .. مثيرهـ ..
مـاهو بـ ايدي يـاقمر .. قلبي يمون ..

اسمعيها .. والبدآيــات .. الأخيرهـ ..
تـنتـهي .. قبل أبتدي .. حكي العيون ..

كآن يـا ما كآن بـ الدنيآ .. أميرهـ ..
إسمهـا سارهـ .. ويعشقها حنون ..

التقوا بـ ( النت ) في وقت الظهيرهـ ..
مرحبـا .. كيف أنت .. قلي من تكون ؟ ..

لين طل الليل وهم .. نفس الوتيرهـ ..
والصرآحـه .. كلهم .. يستهبلون ..

استمر الحآل مدهـ .. مـو كثيرهـ ..
وبعد مـا شافوا بعض .. جآهم سكون ..

وفكروا بـ الوضع في شبه الجزيرهـ ..
دينهم .. عاداتهم .. مـا يسـمحون ..

قالوا : أسلم نفترق .. والبعد خيرهـ ..
خآيفين الحب .. يسـكن بـ الجفون ..

ابعدوا بـ أجسادهم .. كلن بـديرهـ ..
والوله بـ أرواحهم .. يبعث شجون ..

ذكريآت الصبح .. فيهآ تسـتثيرهـ ..
والمساء دونه .. لهآ .. ما فيه لون ..

ليـن بعدين .. التقوا من غير حيرهـ ..
بـ الحلال الله جمـع مـا يشتهون ..

دآرت الدنيا .. وذا الدنيا صغيرهـ ..
وجمـعت سارهـ بـ عاشقها الحنون ..

هناك 7 تعليقات:

  1. صح لسانك ابو ساره

    ردحذف
  2. صح السانك
    قصيييييييده رائعه ..
    ابو ساره سؤال ونبي الصراحه
    هذي صارت لك ..؟

    ليـن بعدين .. التقوا من غير حيرهـ ..
    بـ الحلال الله جمـع مـا يشتهون ..

    ردحذف
  3. غير معروف ..
    صـح بـدنك ..

    غير معروف ٢ ..
    صـح بـدنك .. وشكراً ..

    لا والله مـا صارت .. من وهج الخيال ..

    ردحذف
  4. ساره عبد العزيز16 يونيو، 2010 10:45 م

    .

    كنتُ كـ كثير متابعينك , عطاشى للزلالِ وجداً

    هالخياليه جميله كثير يا بو ساره

    صح كلّك .

    ردحذف
  5. الشاعرهـ : سارهـ عبدالعزيز .. !
    .. والـورد مـا يزين الا بـيدين الزين ..
    صـح قلبك ..
    وشكراً لك ..
    بـجد نورتي المدونه ..

    ردحذف
  6. وللشعر انثيالات تروي ظمأ ( المحبين ) له
    وإن كانوا لايجيدون نظمه
    وانثيال شعرك ( معين ) يفيض عذوبة
    فلتواصل أبا سارهـ..!..
    \\
    زخـ مطرـة _

    ردحذف
  7. زخــ مـطر ــة .. !
    .... أنتي زخـة الإمام ؟
    ..... مـا أخفيك سر .. وإشتياق .. أنا إنتظرتك كثير هنآ .. !
    كـنتي متـابعـه بـ الامام .. وتهمني متـابعتك ..
    أكثر مـا كان يعيقني عن فكرة الابتعاد عن أجواء الامام .. الناس الطيبه .. والذواقه .. !
    ... اتخذت القرار بـعد مـا كونت لي عآلم .. وانتظرت الناس الطيبه .. وهذاك جيتي ..

    الله لايحرمني يـارب من النـاس اللي كـانوا معي من بداياتي خـطوهـ بـ خطوهـ .. إلين ألحين .. ويارب تخليهم لي .. وتعينني على ارواء عـطشهم الشعري .. !

    أتمـنى من كل قلبي .. ومتى مـا صار لك خاطر .. تمرين على مساحـتكم هنآ في المدونه .. وتخطين لي من ذوقك مـا تشتهين .. !


    شكراً لك ..

    ردحذف

سيتم إدراج تعليقك بعد الموافقة عليه وشكراً،