الجمعة، 20 أغسطس، 2010

يوميات رمضانيه .. !


تقبل الله منا ومنكم صالح الأعمال ..
.... وكتب لنآ العتق من النار .. !
ثم ..
حبايبي .. أنا وإياكم هنآ خلال الشهر الكريم .. 
.. كل واحد يجيب لقيماته معه .. ويقلط ..


( ١ ) 


راحت سنه .. !
.. وجيت لـ مكاني ..
وقالوا إن الدار دآرك .. !
مـ أقتنعت ..
كيف يوم إني هنا ..
كنت بـ يمينك ..
إيه أنتي ..
وكان شهري بك ( مبارك ) ..
لا ..
عيوني ..
ما أصدقها عيوني ..
لو تقول إني هنا ..
أنا بدونك \ بـ إنتظارك .. !
وإفهمي ربكة كلامي ..
حتى لو مـ أنتي بـ أمامي ..
قصدي لو ماني بيسارك ..
... لك معزهـ داخلي .. تشبه لـ صافي نهارك .. !
آسف .. ( أدري حتى لو ضيقت صدرك ..
.......................... وأنا مني ضاق صدري ) .. !
بـ أنتظر منك رساله ..
فيها مثل اللي أقوله ..
لك بـ آخر هـ الرساله ..
( يا عسى شهرك مبارك ) .. !! 


( ٢ )


ليه تزعل والشهر توه بدآ ؟
لا تضايق من حياتك ياكتوم ..

ابتسم دامك على دين الهدى ..
وافرح بدنياك .. واتصدق وصوم ..

( ٣ )

مات صمتي والبقآ براس الحروف .. !
تكتبك يا عشق إلين .. أموت بك ..

والكلام العذب .. من حولك يطوف ..
لـ أجل تسمع كل حرف يليق بك ..

( ٤ )

شكيت همي .. !
على صدري .. وقآل : آسف .. 
... أنا من الحب فيني .. ما يكفّيني ..

ـــــــــــــــــــــــــــــــــــــــــــــــــــــــــــــــــ

رفعت راسي للسماء وانا تحت .. !
مخنوق .. لكن مدمعي مثلي كتوم ..

ــــــــــــــــــــــــــــــــــــــــــــــــــــــــــــــــ

صباح الـ آهـ .. !
           والأحزان ..
               والضيقه ..
صباح الـ آهـ .. !
         يا قلبي ..
           ويا نبضي بعد فرقآهـ .. !

( ٥ )


قبل أعرفك كنت مدري وش أحب .. ؟
ويوم شفتك .. صرت حاير بين أحبك .. أو أموت ..
                       فيك طبعاً .. مو فـ غيرك يا حبيبي ..


ـــــــــــــــــــــــــــــــــــــــــــــــــ


زحمة مكان .. !
      وذكرياتي هنا فيك ..
بـ حدود مكه .. والحرم .. ألتقي بك .. !
سافرت عن شمس الرياض وطواريك ..
وأثرك معي سافرت ... ربي حسيبك ..
فضحتني .. من كثر .. مـ أسهى واناديك ..
   وأمي ترد بـ ضيق : من هو حبيبك ؟
وأقول يمه .. كيف شكل الشبابيك .. ؟
   والطير وأحلام الطفوله .. وشيبك .. ؟
وتقول يكفي .. يا عسى الله .. يهديك ..
وتشوف قبل الحب الأعمى يـصيبك ..
وتعيش راضي .. والصبر بين اياديك ..
إلين تلقى في حياتك .. نصيبك ..


( ٦ )


شف عاد .. !
تسأل : هي لها أي قيمه ؟
معقول يعني .. ذا الحكي لي تقوله ؟
هيه أنتي أنثى في حياتي عظيمه .. !
وأنتي على ما قال ثغر الطفوله ..
بستان ورد .. ونهر صافي وغيمه ..
وعيون طفله .. وابتسامة خجوله ..



( ٧ )


يحسب إني في غيابه مت هم .. !!
ما درى إني بدونه عشت عادي ..


وإني مـ أعرف غاب عني عام كم .. ؟
لكن أذكر من متى وإحساسي هادي ..


( ٨ )


يا قلب تبكي على وشو وانا مدري .. ؟
بـ الله قلي .. عشان أبكي على شانك ..

حرام أشوفك حزين .. وضايق بصدري .. 
وأنا أتبسم .. مع إني سبة أحزانك ..

ــــــــــــــــــــــــــــــــــــــــــــــ

اضحك معي دمعه .. !
.. وإبْكي علي .. ضحكات .. 
الصبح .. به شمعه ..
.. والليل له .. شمعات ..
اشواق .. مجتمعه ..
.. وفرقاها .. ما مات .. 
دام إني بي .. دمعه ..
وبشفتك .. ضحكات ..
فـ الحب له .. لمعه .. 
.. والبعد .. به دمعات ..

( ٩ )

يا غايتي .. علم ظروفك .. !
قلها .. مشتاق أشوفك ..
وإني يذبحني الـ ( وله ) ..


لاتستحي .. كلّم علي .. !
ولا يهمونك .. هلي ..
دام حبي .. بـ أوله ..

ـــــــــــــــــــــــــــــــــــــــــ

كونت من بين الحروف الأبجديه .. !
.. ثلاث كلمات تصلح لك .. 
هي أحبك .. 
   إيه أحبك ..
      موت أحبك .. !!
 ويحق لك .. تختار وحدهـ ..
اما أنا مختار ( أحبك ) .. !
  وأنت قلي .. وش اخترت ؟

( ١٠ )

والله إن الصدر لامن ضاق .. ضاق .. !
والكلام الزين .. ما ينفع معه .. :(

اتركوني دامي أشعر بـ إختناق ..
مايحس الضيق من عاش .. بـ سعه ..


( ١١ )


هنا صمتك ألم وجروح .. !
  بعد ما كان حكيك ( روح )
    " تبعث في حشاي الـ حب "


أنا من لي سوى ( صوتك ) ؟
  اذا عذبني ( سكوتك ) ؟
    وسآد الصمت في ( ظلي ) .. !!


طلبتك ارجعي ( لحظه ) ..
  أبسمع ( بحتك ) لحظات .. 
    قبل تذبحني ( أشواقي ) ..... !


( ١٢ )


زعّلتني .. !
  رح عاد لا ترضيني .. 
خلّه يجي غيرك .. يسمّح قلبي ..




( ١٦ )

لو سمحتي .. !
إدخلي لو مرهـ صدفه .. !
إدخلي لو بـ الغلط ..
اقري اللي أكتبه ..
لا يجف الشعر مني ..
وأنتي ما تدرين عني ..
يا .. شعوري .. 
وبسمة أيامي .. وسروري .. 
من أنا .. ؟
لـولاك أنتي ؟
لو سمحتي ..
ارجعي .. لـ حضن المكان ..
ارجعي .. بـ لهفة زمآن ..
ارجعي لي .. ارجعي لـ حروف شعري .. !
كلنا فاقد حنان ..

ـــــــــــــــــــــــــــــــــــــــــــــــــــ


قل ما معي رقمك عشان أبتسم لك ..
وأقول : دوك إزهم علي لا تغلى ..


ـــــــــــــــــــــــــــــــــــــــــــــــــــ


على كيفي صباح الخير أغنيها على كيفك ..
مدآم إن الصباح أحلى معك يا بسمة ايامي ..


( ٢٢ )

يعجز لسان الشعر عن وصفك وترتيبك ..
مثلي وأنا واقف أمامك .. مكبّل ..

وأشوفك أحلى شيء حتى عذاريبك ..
صارت بعيني مثل وجهك .. تهبّل ..


 ( ٢٤ )


العيد ماهوب عيد الفطر يا قلبي .. !
العيد ضمة حبيبك .. من بعد فرقآ ..


ـــــــــــــــــــــــــــــ


أيام راحت .. آآآهـ ياليتها تعووود .. !
وأعيش فيها .. عادي لو بس لحظه ..

واللي توفى يصير ويآي .. موجود ..
وأنا بـ حضنه .. وآتوحى لـنبضه ..



هناك 8 تعليقات:

  1. آبو سسآرهـ +2 هع16 أغسطس، 2010 12:46 ص

    يآنآس يآعآلم ياهوهـ والله كتآبآتك تصصك بـ المخ
    وقسسم آنك آبدآع لبى رآسسك وآلله يآجعل عيني مآتبكيك <~ مضيعه ؛) لآ وآلله من جد كتآبآتك
    عذآب عسسى ربي يخليييك لعين ترجيك ويخلي لك سسوير
    لبى قلبهآ وقلبك ياششيخ وآلله آنك تنحط ع الجرح يبرى آه لو آمدح فيك من اليوم ليييين بكرـآ مرآح آوفييك كآمل حقوق آنت انسسان تفوق الوصف انتظر كتآبآتك بكل شششوق .. بنت سعود فيذآ :)

    ردحذف
  2. انا + ٢ هع .. هههههههههه

    يالله إنك تحيي هـ الطله ..
    شكراً على الكلام الحلو .. والمدح الغزير ..

    بنت سعود .. الله يخليك لـ أبوك .. واللي يحبونك ..

    منوره المدونه وصاحبها ..

    ردحذف
  3. ابوسسآرهـ +2هع16 أغسطس، 2010 7:51 م

    :

    ههههههههه
    آقسسسم قسسم قاسم آني حبيت الاسم
    فديت رآسسك ويآك يارب الع‘ـفو يابعدي
    والله النور نورك ونور الخوآطر اللي تكتبهآ والله آنها ابدآع قسم آنك غطييت ع آحمد الصصانع بذا الكلآم ششف ترآ آنآ مآتعلمت اكتب
    خوآطر الا منك فديت ذآ الخششه يآآبو سوير آمططخ لي خدود سوسو ^_^ وآلقابله فطورك عندي هذآني آترقبك يالله ورآي مشوآر طويل الاجل *_^
    ..

    ردحذف
  4. حبتك العافيه ..
    .. يسلمك راسك ..
    أحمد الصانع .. أنا من معجبينه قبل ما اتعلم الكتابه .. !
    .. وعيونك الحلوه هي اللي تشوف كتاباتي بطله .. والا هي ترا ماهنا زود ههههه
    انتي تكتبين ؟
    .. فيه هنآ مكان لـ كتابات زوار المدونه .. :
    http://36shan.blogspot.com/2010/03/blog-post_796.html

    اذا ممكن .. اطربيني بـ خواطرك ..

    ابشري .. البوسات تبي توصل لـ سوسو ( الأم ) .. !
    اما سوسو ( البنت ) .. اذا جاب الله امها .. وجت .. مانيب مقصر معها .. وبوساتك بتوصل لها إن شاء الله ..

    ما تقصرين .. وخيرك سابق .. اعتبريني افطرت عندك .. وما يجي منك قصور .. !

    ردحذف
  5. ابوسسارهـ+217 أغسطس، 2010 7:12 ص

    هههههه فـ احد مايعجب فيه وقسسمن انه مووبدع
    يالله ابششر بدعم وانا اختك وان ششاءالله راشدالماجد يششتري كلماتك وتتحدا السرحان وشلته ^_^ يب اكتب ابششر من عنوناتي بطربك لين تهج من دون عقل *_^اجل الله الله عجل علانا نبي نشوف عوالك؛)
    لاجبت ولد سسمه سسعود<~ شطحات لابد منها
    فديت ذا الراسس يازقرت هذا من طييب اصلك
    يالله اششوفك هونيييك .

    ردحذف
  6. عظيمةٌ تلك آلأسطر ؛ تحمل من آلجمآل آلكثير آلكثير ♥

    بسيطةٌ هي أحرفك ولكن تأثيرهآ كبير =]

    أبو سآره , رآئعٌ أنتَ , مدونتك تستحق آلمتآبعه بصدق ؛)

    دمتَ لمحبيك , ودآم نبضك ..

    سـآره عبدآلله !

    ردحذف
  7. لو سمحتي .. !
    إدخلي لو مرهـ صدفه .. !
    إدخلي لو بـ الغلط ..
    اقري اللي أكتبه ..
    لا يجف الشعر مني ..
    وأنتي ما تدرين عني ..
    يا .. شعوري ..
    وبسمة أيامي .. وسروري ..
    من أنا .. ؟
    لـولاك أنتي ؟
    لو سمحتي ..
    ارجعي .. لـ حضن المكان ..
    ارجعي .. بـ لهفة زمآن ..
    ارجعي لي .. ارجعي لـ حروف شعري .. !
    كلنا فاقد حنان ..



    ^
    ^

    ششششششي يسسسسسطل يسسسسطل يسسسسسطل "

    عجّزتني مآشآءالله علييييك "

    والله إني كل ما نسخت شي رجعت ونسخت غيره..!

    احآسيسك وطريقة كتآبتك خُرآفِيييييه !!

    بإختصآر ,

    [ تونآ نعرف وش معنى شِعر !!

    تحيتي /

    ..... الوآيلـيّـه ]|

    ردحذف

سيتم إدراج تعليقك بعد الموافقة عليه وشكراً،