الجمعة، 10 سبتمبر 2010

لا جديد .. مـ أقدر انسى انسان ميت .. وأنتظرهـ بـ ليل عيد .. !

يا ليلة العيد .. عدّي .. ما بقى بي صبر .. !
مات قلبي .. عليه من الوله .. والحـنين ..

لا جديد .. !
.. هذي عادهـ ..
كل ما طافت سنه .. أنتظرك بـ ليل عيد ..

لا جديد .. !
المساء .. يا طول ليله ..
.. والصباح .. أبعد بعيد ..
وأنا يـابسمة حياتي .. أنتظرك بـ ليل عيد ..

لا جديد .. !
الثواني .. عن سنين ..
وأنا يذبحني الحنين ..
وأنتظرك بـ ليل عيد ..

لا جديد .. !
من زمان اشتاق لك ..
... واسأل متى راح أوصلك .. ؟
والجواب إني حبيبي .. أنتظرك بـ ليل عيد ..

لا جديد .. !
الصغير أصبح .. كبير ..
والـزمن مافيه خير ..
وأنت لاهي عن حياتي ..
وأنا يا قلبي أحاتي .. وأنتظرك بـ ليل عيد ..

لا جديد .. !
الفرح بـ عيون ناسك ..
وأنا بين ايديني كاسك ..
يا عيوني ..
.. من عيوني .. يمتلي لـ أجلك دموع ..
وأنتظرك بـ ليل عيد ..

لا جديد .. !
ما بـ هالدنيا سعآدهـ ..
دام شرب الحزن عادهـ ..
من أخذك الموت .. مني ..
... ليه أقول إني متهني .. ؟
وأنتظرك بـ ليل عيد .. ؟

لا جديد .. !
رغم كثر الناس حولي ..
لـيتهم بس فـسحوا لي ..
واتركوا يمك .. مكآني ..
حتى لـو مـ أنت بزماني ..
أنا بـ أتخيل وجودك .. وأنتظرك بـ ليل عيد ..

لا جديد .. !
أوعدك .. إني أجيك ..
مثل الأعياد .. اللي راحت ..
واتهادى يم قبرك .. وآتعيد ..
حتى لو إني مقيد ..
وأنتظرك بـ ليل عيد ..

لا جديد .. !
إيه صح .. العيد فرحه ..
لكن آسف ..
أنا يا قلبي وفي ..
مـ أقدر أنسى .. انسان ميت ..
دام ذكرهـ فيني حي ..
وأنتظرهـ .. بـ ليل عيـد ..

الـ جديد .. !
إني بـ أدعي لين صبح العيد يآتي ..
يا قوي .. ويا عزيز ..
أنت تفعل مـا تريد ..
.. فـ ارحم الأموات مـنا ..
.. واجزهم .. حسن الثواب ..
واجعل الجـنه لهم .. ياربنا هي المآب ..
ثم .. أبفرح ..
... وابدأ ابارك .. بعد ما كنت أحترق .. وأنتظرك بـ ليل عيد .. !


اببتسم لـ العيد وافرح وأغني ..
وأغازل طيور الصباح السعيدهـ ..

وأقول لك : كل عام وأنا متهني ..
بـ دعاي لك .. يا نبض قلبي .. وعيدهـ ..

هناك تعليقان (2):

  1. لا جديد .. !
    رغم كثر الناس حولي ..
    لـيتهم بس فـسحوا لي ..
    واتركوا يمك .. مكآني ..
    حتى لـو مـ أنت بزماني ..
    أنا بـ أتخيل وجودك .. وأنتظرك بـ ليل عيد ..

    <- ألييمه جدآ وحزينه =(
    كـ عادتك ياابو ساره مُبدع بكل حالاتك ماشاءالله
    لاهنت خيي (f) ..

    ردحذف
  2. لا جديد .. !
    رغم كثر الناس حولي ..
    لـيتهم بس فـسحوا لي ..
    واتركوا يمك .. مكآني ..
    حتى لـو مـ أنت بزماني ..
    أنا بـ أتخيل وجودك .. وأنتظرك بـ ليل عيد ..
    بجد رووووووعه ودوم هالابداع يـآرب

    ردحذف

سيتم إدراج تعليقك بعد الموافقة عليه وشكراً،