الخميس، 27 يناير 2011

خيانة وفي .. !


بدايات الألم { روتين } يومياً بدون ادراك ..
يَمشّيني { مسافة حزن } تاقف لـ انتهى طاريك ..

تراكم ذكريات الصبح { مكسورهـ على الشباك } .. !
مثل ماهو مساء { الشوق } من بعدك يفكر فيك ..

تمنيتك ..
وحققتك ..
وغبت وباقي اتمناك ..
لكن بـ القدر حكمه اذا مـ ارضتني بـ ترضيك ..

رحلت هناك .. حتى ما أبي اسألك .. وش وداك .. ؟
أو اتَّبَع دروبك وين ما وجهت له .. وآجيك ..

أبجلس لك هنا ذكرى .. عشان ان ضقت وأنت هناك ..
تجي .. تلقى صدر حاني .. يضمك .. يعشقك .. يبكيك ..

وفاي لـ عشرة سنينك .. كبر بـ معاشرة ذكراك ..
{ أخونك } .. كل ما تطري على بالي { معك } وأغليك ..

كثر ما كنت أحب آشوف بسماتك .. تضم شفاك ..
اذا هَدَّك { براد العشق } وشعوري بدا يدفيك ..

كرهت ايامي بدونك .. عسى ربي يرد خطاك ..
خطاك الشر { متضايق } على الذكرى .. وما أخفيك ..

يضايقني { سؤال العطف } عن حالي عقب فرقاك ..
وأتمنى محد غيرك .. إلى من ضقت يقول : اش فيك ؟

الأحد، 23 يناير 2011

لـ متى بـ اغص فيك .. ؟

امس المساء .. !
.. ما هو مثل أية مساء في يوم عادي ..
من غروب الشمس وآنا منتبه لـ اشياء واجد .. !
كنت هادي .. 
ما أخاف من الظلام ..
.. حتى كنت أحكي بـ طلاقه ما اتلعثم بـ الكلام .. !
شـ اللي صاير ؟
القمر .. مـ الفرحه طاير ..
.. والنجوم تذوب فيه .. 
كوكب الأرض بـ شعوبه .. وفـ بحاره .. يبتسم .. !
زين ليه .. ؟
وش عليه .. ؟
من بـ يعطيني الجواب .. 
يا زوايا غرفتي .. 
يـ الباب .. 
يا صوت المطر .. 
.. أو أنت يا أوفى عطر .. باقي رغم طول الغياب .. !
ما هزتك ريح الجفا .. 
واللي من عيني اختفى ..
ما اختفى ..
.. ما اختفى .. 
جيتك بعد عمري اللي جاي .. واللي عشته مو معاي .. !
لاتحكي غيابي لـ عطري .. القدر ما هو بـ أمري .. 
هات كلك ..
ضمني .. يا طول صبري .. 
عـ الهموم اللي بـ صدري .. من تفراقنا تبيك .. !
ودها ترتاح فيك .. يـ اللي كلي تحت أمرك .. خلها تبكي عليك .. !
منين جيتي .. !
لحظه .. لحظه ..
خلي بـ استوعب شوي ..
.. كنت احس بـ شيء .. حي .. 
غيّر الدنيا علي .. 
اثرهـ أنتي .. !!
.. يا جنونك .. 
.... كفكفي دمعة عيونك .. 
...... لا يسيل الكحل عآد .. والله ما يسوى بـ دونك .. !
يـ اللي زينك .. بك .. يزين .. !
من خصل شعرك إلين .. التراب اللي عليه .. بـ المشي تتغنجين .. 
تسمعين .. !
يا بدايات الألم .. ويا نهايات الحنين .. 
استرحتي .. 
هذا طيفك ..
فجأه جاني .. وفجأه راح .. 
مثلك أنتي يوم رحتي .. !
وأنا باقي في لهاتي .. حكي .. وانفاس .. وشعور ..
ما قدرت افضفضه .. ولاني قادر احتريك .. 
صدق هـ الدنيا تدور .. ؟
ليه طيب ما رجعتي .. ؟
ولـ متى بـ اغص فيك .. ؟ 
جاوبي ..
اسألك بـ اللي خلق امك .. و ابيك .. لـ متى بـ اغص فيك .. ؟


الخميس، 6 يناير 2011

مسافة صمت .. !

بـ افضفض لك .. ألم صدري .. !
غديك تحس بـ آلامي ..

انا معك ابتدا عمري ..
وأحس بـ تنهي أيامي ..

حبيبي .. طال بي صبري ..
تعبت اضماك بـ احلامي ..

من الفرقا نشف .. ثغري ..
وأنا اتخيلك قدامي ..




.. مسافة صمت ..
خذتني لـ الوله والضيق ..
من غبتي ..
فقدني بـعدك التوفيق ..
ابي انطق ..
ولو كلمه .. 
ولو أربع حروف أول أغنيها لك بـ نبضي ..
 ( أ حـ ـبـ ـك ) يا بعد هـ النبض ..
سكت قلبي ..
قسم بـ الله يا فلانه ..
شعوري صعب ..
بعد ما كان لي .. بك .. عذب ..
أحبه فيك ..
واستمتع اذا نبضك تحرك له ..
وحركتيه لـ أجل ارضيك ..

.. مسافة صمت ..
جابت لي حروف الـ حزن ..
وحطتها على صدري ..
عشان ان نمت ..
والا قمت ..
تحاكيني عن الذكرى ..
وتكتمني اذا اتكلمت ..
وأعيش .. سكوووت ..
يشابه حشرجات الموت ..
ما لـ العمر ..
بعدك عمر ..
والا شيء ..
عشانه بس ..
ابقى حي ..



عد كلامك حبيبي ماني مستوعب .. !
ما اظن قصدك ( غياب .. بدون ما ترجع ) ..

صح انت ودعتني عشان بي تلعب ..
والا انت عارف غيابك وش كثر يوجع ..