الأحد، 23 يناير 2011

لـ متى بـ اغص فيك .. ؟

امس المساء .. !
.. ما هو مثل أية مساء في يوم عادي ..
من غروب الشمس وآنا منتبه لـ اشياء واجد .. !
كنت هادي .. 
ما أخاف من الظلام ..
.. حتى كنت أحكي بـ طلاقه ما اتلعثم بـ الكلام .. !
شـ اللي صاير ؟
القمر .. مـ الفرحه طاير ..
.. والنجوم تذوب فيه .. 
كوكب الأرض بـ شعوبه .. وفـ بحاره .. يبتسم .. !
زين ليه .. ؟
وش عليه .. ؟
من بـ يعطيني الجواب .. 
يا زوايا غرفتي .. 
يـ الباب .. 
يا صوت المطر .. 
.. أو أنت يا أوفى عطر .. باقي رغم طول الغياب .. !
ما هزتك ريح الجفا .. 
واللي من عيني اختفى ..
ما اختفى ..
.. ما اختفى .. 
جيتك بعد عمري اللي جاي .. واللي عشته مو معاي .. !
لاتحكي غيابي لـ عطري .. القدر ما هو بـ أمري .. 
هات كلك ..
ضمني .. يا طول صبري .. 
عـ الهموم اللي بـ صدري .. من تفراقنا تبيك .. !
ودها ترتاح فيك .. يـ اللي كلي تحت أمرك .. خلها تبكي عليك .. !
منين جيتي .. !
لحظه .. لحظه ..
خلي بـ استوعب شوي ..
.. كنت احس بـ شيء .. حي .. 
غيّر الدنيا علي .. 
اثرهـ أنتي .. !!
.. يا جنونك .. 
.... كفكفي دمعة عيونك .. 
...... لا يسيل الكحل عآد .. والله ما يسوى بـ دونك .. !
يـ اللي زينك .. بك .. يزين .. !
من خصل شعرك إلين .. التراب اللي عليه .. بـ المشي تتغنجين .. 
تسمعين .. !
يا بدايات الألم .. ويا نهايات الحنين .. 
استرحتي .. 
هذا طيفك ..
فجأه جاني .. وفجأه راح .. 
مثلك أنتي يوم رحتي .. !
وأنا باقي في لهاتي .. حكي .. وانفاس .. وشعور ..
ما قدرت افضفضه .. ولاني قادر احتريك .. 
صدق هـ الدنيا تدور .. ؟
ليه طيب ما رجعتي .. ؟
ولـ متى بـ اغص فيك .. ؟ 
جاوبي ..
اسألك بـ اللي خلق امك .. و ابيك .. لـ متى بـ اغص فيك .. ؟


ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،