الخميس، 27 يناير، 2011

خيانة وفي .. !


بدايات الألم { روتين } يومياً بدون ادراك ..
يَمشّيني { مسافة حزن } تاقف لـ انتهى طاريك ..

تراكم ذكريات الصبح { مكسورهـ على الشباك } .. !
مثل ماهو مساء { الشوق } من بعدك يفكر فيك ..

تمنيتك ..
وحققتك ..
وغبت وباقي اتمناك ..
لكن بـ القدر حكمه اذا مـ ارضتني بـ ترضيك ..

رحلت هناك .. حتى ما أبي اسألك .. وش وداك .. ؟
أو اتَّبَع دروبك وين ما وجهت له .. وآجيك ..

أبجلس لك هنا ذكرى .. عشان ان ضقت وأنت هناك ..
تجي .. تلقى صدر حاني .. يضمك .. يعشقك .. يبكيك ..

وفاي لـ عشرة سنينك .. كبر بـ معاشرة ذكراك ..
{ أخونك } .. كل ما تطري على بالي { معك } وأغليك ..

كثر ما كنت أحب آشوف بسماتك .. تضم شفاك ..
اذا هَدَّك { براد العشق } وشعوري بدا يدفيك ..

كرهت ايامي بدونك .. عسى ربي يرد خطاك ..
خطاك الشر { متضايق } على الذكرى .. وما أخفيك ..

يضايقني { سؤال العطف } عن حالي عقب فرقاك ..
وأتمنى محد غيرك .. إلى من ضقت يقول : اش فيك ؟

هناك 3 تعليقات:

  1. كل مآحآولت اقتبس بيت احس بغيره على البآقين !!

    وارجع اقرآهآ كأني مآقريتهآ من قبل
    من زود مآ اذهلتني !!

    بس هالبيت بالذآت فتت روووحي تفتيييت =(


    تمنيتك ..
    وحققتك ..
    وغبت وباقي اتمناك ..
    لكن بـ القدر حكمه اذا مـ ارضتني بـ ترضيك ..

    .

    .

    رووووووووعه من روآئعك يَ ابو سآره ...

    صح لسسسآنك [ امطرتنآ احسآس بهالجزله ~

    لآ خلآ ولآ عدم ..

    { الـوآيـلـيـه ~

    ردحذف
  2. الله الله يا أبا ساره.
    تكتب حُروفك بحبرٍ سحري
    يُذهل قارئها.. وتعزف
    بموسيقى هائلة تُطرب
    سامعها.

    لله درك.

    ردحذف
  3. جميل و رائع
    الى الامام

    Hopeless

    ردحذف

سيتم إدراج تعليقك بعد الموافقة عليه وشكراً،