الخميس، 21 أبريل، 2011

.. | يوميات ٢ | ..

ابفترض قلبك صريح .. وبـ اتجاوب لـ اعترافه ..
عاشق وقلبي وفي .. وبيني وبينك .. عهد ..

قلتي ان الحب لي .. وحبك لـ غيري خرافه ..
والحنان اللي بروحك .. عن هوى غيري .. زهد ..

جاوبيني بجد طيب .. واتركي عنك الظرافه ..
اسألك بـ الله قولي .. من متى اسمي فهد ؟ ..
ــــــــــــــــــــــ
 
ارقا سنود العز .. وانزل فـ وادي ..
واليا اظلمت دنياك تلقى هنا ضي ..

بـ عيون أبو سارهـ ترى الكون هادي ..
اقلط ..
تفضل .. واسترح دامني حي .. ! 



ــــــــــــــــــــــ

ترضون والا عمركم ما رضيتوا ..
هذا الزعيم اليا لعب لازم يفوز ..

ما هوب ذنبي لو حصل مـ احتفيتوا ..
المركز الأول .. لـ الأبطال محجوز .. !

ــــــــــــــــــــــ


بطولة الواحد وخمسين جبناها ..
كالعادهـ أصلاً ما نفوت بطوله ..

هلالنا غيمه تحوم بـسماها ..
والله يعين الخصم لـ أعلن هطوله ..

قلوبنا بـ العشق يروي ضماها ..
من قدنا ما فيه منهو يطوله .. !


ــــــــــــــــــــــ

يهمك تعرفين اللي بقى بـ صدري من الماضي ؟
تعالي ( وسّدي ) راسك .. على كتفي وانا أعلمك ..

بقت ضيقه .. من فراقك وانا في ضيقتي راضي ..
وأمل صوتي وانا اردد .. ( عسى ربي .. لي يسلمك ) .. !


ــــــــــــــــــــــ

لا تزعلين إن كان زعلتك بـ شيء .. 
أنا غروري ما يسامح غرورك ..


منك الخطأ يا آنسه ما هو شوي ..
وبـ دفتر التجريح .. مكتوب ( دورك ) .. !

ــــــــــــــــــــــ
 
يـاخي حيـاة النـاس هذي غريــبه .. !
.. عيـشـة قـهر .. والا مـدامـع على الـمـوت ..
الـحي : قـال الـمـوت ربي يـجيـبه ..
.. وإن مـات قـلـنـا راح .. مـا يـنفـع الصـوت ..
أمـر الـقدر مـحــتوم مـا فيـه ريبه ..
.. يـنـزل عليـكـ مـن السـمـاء .. لوّك بـحـوت ..
إصـبر على ضـيـم الشقـا والمصيـبه ..
.. وإذكر عـظيـمـ(ن) يعرف إش فيـكـ مـــكـبـوت ..

ــــــــــــــــــــــ 

بـ أنـفاس مـوته .. حـس قلبي وحـلّمــت .. !
.. شـفـته وهــو رايـح لـ جنـات ربي ..
مـات الـعـزيـز .. ومـات قلبي من الصمت ..
مـا عاد يمدي أعلن اليوم حـبي ..


ــــــــــــــــــــــ

فكرت فيك بلا شعور وتبسمت ..
أبسط حقوقي .. أنبسط في خيالك ..


ما دام صوت الحب .. مخنوق بالصمت ..
سلم على قلبي ليا من طرا لك ..


عادي تكلم لي .. واذا ما تكلمت ..
أسمعك .. وأنشد عنك وأنا فـ بالك .. !


 ــــــــــــــــــــــ

ما عاد تعني لي سواليفهم .. شيء .. !
.. لا والخبر ..
.... حتى ولا من يجيبه ..
فكري معك ..
.. والشوق في داخلي .. حي ..
ينبض وله .. لـ معانقك بعد غيبه ..

 ــــــــــــــــــــــ

مع احبابي انا .. وانتي مع احبابك ..
تفارقنا .. وهذا اللي تمنيتي ..

عسى اللي ماخذك مني .. تهنى بك .. !
وعساك انتي بعد مثله .. تهنيتي .. 



ــــــــــــــــــــــ 


اكتم نفس صدري ليا مر طاريك .. !
وازفر قهر غيبتك .. واقول عادي ..

اصلاً رحلت .. وكنت ناوي أخليك ..
مع ان قلبي عقبك .. أعلن حدادي ..
 

ــــــــــــــــــــــ 


دنق على قلبي وبلل ضمى الشوق ..
خل الغياب يموت ما ذاق قلبك ..


لا دام راسي حي وتنبض بي عروق ..
بـ أعيش لين أموت وأنا أحبك ..

ــــــــــــــــــــــ

جففت ريقي بالغياب وضميتك ..
وينك .. عيون الناس نامت .. تعالي .. !


خطاي غبت .. وسامحيني رجيتك ..
لـ الحين .. أحبك يا بعد كل غالي ..


انسي جروحك .. دامني ما نسيتك ..
هاتيك لي .. من عقبك الكون خالي ..

هناك تعليق واحد:

سيتم إدراج تعليقك بعد الموافقة عليه وشكراً،