الخميس، 31 مارس، 2011

من هنا وهناك .. !

يذوب برد الشوق في نار وصلك .. 
وارض الضمى .. تروى من غيوم لقياك .. !


يا غايبه .. 
مليت ..
وضلوع صدري من سبب غيبتك عني .. ذايبه .. !



مبطي وأنا قناص واحب طيري .. 
والصيد .. لامنه تهيا .. قنصته ..

والحين من شانك فـ البلاك بيري ..
ما غيرك بـ لستت حبيبك .. اضفته .. !

تبطين .. وأبطي لو تخليت عنك .. !
كم لي وأنا اقاوم ملذات غيرك ..


غصب الدموع تخط فرقاك بـ الخد .. 
واقري عذاب العين .. من عقب فرقاك ..

قلتي برب وصبري اليوم .. من جد ..
مبطي وهو ينطر تقولين لي .. باك .. !


تدري ( صباح الخير ) ماهيب حلوه ..
لامنها جتني .. على لسان غيرك .. 

حتى أحس الشمس تبكي بـ قسوه ..
كله عشان الصبح ما ذاق خيرك .. !


عشيقك ..
لـ أنجرح من دنيته ..
 يبريه ريقك .. !

أرسلت ( بنق ) وما تخيلت ردك ..
يبطي علي هالقد .. يا مايس القد ..

تدري قسم بالله ما اطيق صدك ..
تكفى بسرعه لا طلبتك .. علي رد ..

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،