الاثنين، 25 أبريل، 2011

تعال اغفى على صدري .. !

علمتني أبتسم .. 
في عز ضيقة صدري ..
وشو له أرمي قسم .. وأنت بعذابي تدري .. 
لقيتك .. وحبيتك ..
اقفيت .. ما خليتك ..
تبعتك .. وناديتك .. ( شلني وفا في صدرك ) .. !

يانبض عمر .. معَذّب ..
تعرفني ما اكذب .. 
افديك بـ نون عيوني .. وشعوري فيك مهذب ..

كلي عواطف .. عذبه .. 
يا صدق حكيي .. وكذبه ..
لملم بقايا ضيقي .. واحضن وفاي ولذ به .. !

الحب .. قصة عمري ..
يا بردي .. ويا جمري ..
عشتك بـ احوالك .. و اوامرك فوق أمري .. !

تغريبك لـ اشواقي ..
.. ولـ عمري اللي باقي ..
نمّت بـ روحي عشقك .. ولمتك بـ اعماقي .. !

لا تنتثر .. يا جمعي ..
خلك شبيه لـ دمعي ..
مهما حصل او صار .. يبقى ويرضى بـ قمعي .. !

لو لـ ابتسامي ( اسم ) ..
سميته بـ اسمك .. علمتني ابتسم .. بس باقي اضمك .. !

عروقي الولهانه .. 
وضلوعي المشتانه ..
مبطي وهي تنده لك .. حتى معاهم آنه ..

يكفي تعبت احتريك ..
والله ما لك شريك ..
في دنيتي وحدك .. والليله هذي ابيك .. !

انسى هلي وناسك ..
جعلي فدا راسك .. 
" تعال اغفى على صدري " ^ .. وعطرني بـ أنفاسك .. !


هناك تعليقان (2):

  1. ابدااااااااااااااااااااااااع
    صح لسانك ,,

    ردحذف
  2. كعادتك يا امير الكلمات مبددع ..
    اسعدتني حروفك ..

    ردحذف

سيتم إدراج تعليقك بعد الموافقة عليه وشكراً،