الأربعاء، 18 مايو 2011

تمام بخير .. !

تمام .. بخير .. !
اذا قالوا لي .. وشلونك .. ؟
وأنا ياربي أتعذب .. 
ذبحني عالم التقصير .. 
وفيت كثير ..
وخانوني ... كثر ما خانني التعبير .. !
حبايب قلب أسميهم ..
وانا .. تهت بـ أساميهم ..
ألم .. 
حسره ..
قهر ..
غبنه .. 
وآهات الطعون إهداء منهم .. وش أبهديهم ؟
اذا عيوني لهم راحت .. ونبض القلب يفديهم ..
وتفكيري ..
معاهم وين ما راحوا .. شـ اسوي بس انا فيهم ؟
تعبت .. اصبر .. 
وأقول : الله يهديهم ..
ولا لانوا .. قُساة قلوب .. مدري من مقسيهم .. !
غريبه طيبتك يا قلب ..
إلين ألحين متحمل ؟
أنا .. مليت .. 
وذي آخر تناهيد التعب .. لكن ..
حرام أقسى ..
وحتى لو قسوا عادي ..
يحبونك ..
ودايم يسألوني عنك .. وشلونك .. !
تمام بخير .. 
وعارف هم .. يخونونك .. !

هناك تعليقان (2):

  1. ولا أروع ..

    وآهات الطعون إهداء منهم .. وش أبهديهم ؟
    وتفكيري ..
    معاهم وين ما راحوا .. شـ اسوي بس انا فيهم ؟
    تعبت .. اصبر ..
    وأقول : الله يهديهم ..

    حرف باذخ , مؤلم , ساحر ..
    هنيئا لمفرداتك بك ..

    سلمت يمينك

    ردحذف
  2. لله درك يا عذب ..


    لقد أسعدني المكوث بين أفياء قلمك الباذخ

    سيدي ..


    لروحك عبق الياسمين


    عطر الورق

    ردحذف

سيتم إدراج تعليقك بعد الموافقة عليه وشكراً،