الخميس، 19 مايو، 2011

( بؤس أوراق ) .. !

بسم الله الرحمن الرحيم
غاضبه كما جائت .. بلا تنقيح .. وعلى عجاله .. !


( أوراق ) وحروفي ابـ دفترك مغبونه ..
قلة أدب ..
والمصيبه جات من مشرف .. !

الحبر دم المشاعر .. عارفـ(ن) لونه ..
كريم وأوقات من زود الألم .. يسرف ..

آهات عمري على الأبيات مركونه ..
انا مع الشعر بـ احساس الحزن مترف ..

أحب افضفض وأقول اللي يحبونه ..
ما دمت قادر على التعبير بـ الأحرف .. !

وشوله أسرق فكر غيري ومضمونه ؟ ..
مع إن غيري به التفكير يتزخرف ..

ماهوب عيب أعترف له إنني دونه ..
واقول قدام الأعضا سيدي أشرف ..

العيب أكابر .. واحاول امتطي متونه ..
واعيش في ظل ( لـولا ) رجل مستشرف .. !

مع العذر للجميع .. ومن يحابونه ..
عرق الغضب حركه .. وانتم بذا أعرف ..

ماني عدائي .. ولا مجنون فـ عيونه .. !
ولا لفيت لمكانه .. شخص مستظرف ..

اخطأ بحقي .. وابي حقي تردونه ..
مليت .. والحرف بـ إسمه صاير(ن) مقرف ..

ومن الأخير .. افهموا ياللي تعرفونه ..
( أوراق ) ماهو كفو يبقى لكم .. مشرف .. !

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،