الخميس، 2 يونيو، 2011

فمان الله .. والبقا فـ الآهـ .. !

سكت صوت الرعد ..
والبرق تلويحه كسف غيمك ..
من غيابك جفاف الصدر .. مَوّت زهرة سنيني ..

نضب دم الجسم ..
والقلب .. نبضه يآمل فـ ديمك ..
تعطشتك شعور .. وكنت متحريك ترويني ..

خذيتك نور لأيامي .. وأخذتيني لـ تعتيمك ..
فقدت الشوف من قبلك .. ومن بعدك .. ظلمتيني ..

حرام ..
اتحشرج السكرات .. وتحييني على ضيمك ..
بلياك العمر ماضي .. على وشو قتلتيني ؟ ..

عشقتك متهم بـ الحزن ..
والأفراح .. تحكيمك ..
حكمتي .. والبقا فـ الآهـ .. اذا كنتي .. عشقتيني ..

لـ صوت الحب .. حريه ..
ولـ الأشواق .. تكميمك ..
ولـ امواج البحر .. ذكرى .. على شطك ترسيني ..

صباحات الشتاء عَدّت .. وبَقّت لي ترانيمك ..
تسليني عصافيري .. واذا غنت .. تبكيني ..

فمآن الله ..
ومن بعده .. فمانك يـ المطر .. غيمك ..
من غيابك .. جفاف الصدر .. مَوّت زهرة سنيني .. !!

هناك 4 تعليقات:

  1. بلياك العمر ماضي .. على وشو قتلتيني ؟ ..


    على وشو قتلتني بهـ النص يآبو سآرة ؟ ..!!
    أخوك ( أيآم أبو طربوشة ههههه )

    ردحذف
  2. المعروف .. لا يعرف .. !

    تو ما نورت المدونة .. وحروف راعيها ..

    أنتظر تدشين ( مدونتك ) على أحر من جمر ..

    بالضبط .. كني جماهير الأهلي .. تنتظر كاس الملك .. !

    ثارنا بـ رقبتكم يا ذيبان ..

    ردحذف
  3. وش رآيك .. ردينآ الثآر والآ لآ خخخخ ؟ ..!!
    على فكرة .. أخبر أرسلت لك أبيآت ..!!
    وصلتك أو لآ ؟ .. أنتظر ردك عليهآ ..!!

    ردحذف
  4. ايه والله كفو يا عبادي ..

    خلوا لنور الاستعباط .. وأنتم خوذوا الكآس .. !

    وصلت الأبيات .. وأبشر بـ الرد إن الله قدرني ..

    ردحذف

سيتم إدراج تعليقك بعد الموافقة عليه وشكراً،