الجمعة، 17 يونيو، 2011

جارحه .. فقيره .. سارقه .. ضايعه .. !

صدق تحكين ؟
كل هذا الشوق لي .. !
ما اصدق ..
عيدي .. عيدي .. ودي اسمع ثاني مره ..
قد الأرض ..
ومن بها ..
اشتقتي أنتي ..
لـ مين ؟
أنا .. !!
يآه .. 
ياربي شـ أقول ؟
والشعور  اللي بقلبي .. 
ما يوصله الكلام ..
قبل ما تُبدين شوقك ..
عاد كيف ألحين يعني ..
بعد حكيك .. لك أعبر ..
حتى مدري ..
منين أجيب حروف غير ..
ما تشابه لـ الحروف .. 
وكيف أركب شيء من لا شيء بس يلوق لك .. !
يا جارحه ..
زين البنات .. بزود زينك ..
يا فقيره ..
بـ الغرور .. وفوق ذا متواضعه ..
يا سارقه ..
نور القمر .. والشمس لـ أجلك شارقه ..
يا ضايعه ..
بعدك بلاد .. وبسمة أيام .. وثواني ..
يا أماني ..
قلب ..
وإحساس .. 
ومواني ..
يابحر موجه خذاني ..
فوق شط الحب .. و فيه .. غارقه أحزاني .. !
لا تسأليني ..
إيه أنا .. مشتاق لك .. وأكره أنيني ..
لا ندهتك ..
وإنتظرتك .. تسمعيني ..
يا دوا .. عبرة سنيني ..
يا غنيه .. في حنيني ..
يا كريمة .. حظ فيني ..
يا وجودي ..
يا بعد هالدنيا .. أودي ..
أوجديني .. في حدودي ..
واحضنيني ..
واسمحي لي اسألك ..
تحكين صدق ..
كل هذا الشوق لي ؟

هناك 5 تعليقات:

  1. والله يا بو ساره ...

    انك تلفت انتباه الذائقه ... في زحمة الشعر والشعور ...


    ما أقول غير ... الله يسعدك ...


    تخيلتك تحداني ...

    ردحذف
  2. هلا هلا بـ تخيلتك تناديني ..

    ياجعل ربي يسملك من كل شر ..

    شكراً لك على تواضعك ..

    وتواجدك بالمدونه أفخر به ..

    ردحذف
  3. كلمـاتُك ياسيّدي كالورود {رائحةًً ولغةًً} إلاّ أنّ الورودَ
    تذبلُ وكلماتُك متفتّحةٌ علـى الدوامْ....
    هيَ ياسيّدي كالورْدِالذي يُنادي بصمْتِه فلا تسْمعـَـهُ
    الأذنْ..ولكنْ تسْمعه العَينْ....
    وهل تعلم ......؟؟؟
    كلماتُك كالصّباحِ إلا أنّني أراهُ ضَيّقٌ عَليْها.
    بـلْ هيَ كالْمطرِ صـفاءًً ونَقَـاءًً ..
    اذهلتني احرفك ونقاء اختيارك
    فلكل كلمه اثر لايفهمها الا من عاش بداخلها
    كل الود لك
    استمر داىما بمثل هذ1 العطاء

    ردحذف
  4. عزف المشاعر ..

    شكراً لـ تواضعك ..

    ردحذف
  5. [ إيه أنا مشتاق وأكره أنينيِ ]

    أعزف أعزف يبو سآرهَـ تضبط النغم أنت وحدكَ
    تضبطها

    ردحذف

سيتم إدراج تعليقك بعد الموافقة عليه وشكراً،