السبت، 16 يوليو، 2011

السر .. !


السر بين أثنين والله يعلم ..
سري كتمته بين قلبي وبيني ..

وش صار ..
مدري لكن الظاهر أحلم ..
من علم العذال قصة حنيني ؟

يخونني قلبي والأحلام تظلم ..
واللي عطيته دنيتي .. ما يبيني ..

الهجر كافر لكن الحب مسلم ..
وأنا معلق بين دينه .. وديني ..

هداه ربي ليت بالوصل يسلم ..
من قبل لا يستاثم الوقت فيني ..

البعد مؤلم عنه .. والحاجه أألم ..
وأقسى من الأشواق .. دمعي بعيني ..

كني غديت بـ سكة الحزن .. مَعْلَم ..
لا تاهت دموع الحزانى تجيني ..

يا شمس عمري دونك الكون مظلم ..
ما لك وما للناس .. نَوّر سنيني ..

صحيح سري باح .. والله يعلم ..
ما زال عشقك بين قلبي .. وبيني .. !

هناك 4 تعليقات:

  1. الله علييييك يا ابو سآره ..

    رقيق بِ آحسآسك جداً


    weariness

    ردحذف
  2. تعب ..

    الله يخليك ويرضى عليك ..
    شكراً .. ومن ذوقك ..

    ردحذف
  3. مبدع كعادتك ابو سارهـ
    دام احساسك

    ردحذف
  4. عسى ربي يخليك ويرضى لي عليك ..

    أشكرك .. والله يديمك على خير ..

    ردحذف

سيتم إدراج تعليقك بعد الموافقة عليه وشكراً،