الأحد، 25 سبتمبر، 2011

آه ياذيك السنين

ما تشوفين ؟
الليل .. 
والصبح الحزين ..
ارفعي راسك ..
غدي قلبك يلين ..

تذكرين ؟
السماء .. 
والشمس .. 
.. وأنفاس الحنين ..
ليلنا الدافي ..
قصة العشق الدفين ..
نبض قلبي ..
لما قلتي بـ ترحلين ؟

وين .. 
وين ..
كنت ارددها .. إلين :
احتضرتك ..
.. وانتظرتك .. ترجعين .. 

ما تحسين .. ؟
بـ قلب جواتك رهين ؟
ماهوب .. قلبك ..
قلب عاشق ودعّه بك .. قبل مـ أنتي تودعين .. !

قولي آمين ..
جعل الظروف المؤلمه .. 
تجي مثل مـ آنا أبي ..
والا مثل مـ أنتي تبين ..
وتصير بـ أمر الله فرح ..
ونعيد .. هذيك السنين .. !

الجمعة، 9 سبتمبر، 2011

ذكراه .. !

سافرت بـ حبال الفكر صوب ذكراه ..
والقلب سافر .. والمسافه طويلة ..

عشقـ(ن) ربى في داخلي كيف ابنساه ؟
وأنسى معاه الذكريات الجميلة ..

سنين ..
صدري كان حضنه ومرباه ..
ولـ ألحين ..
عايش بالضلوع النحيلة ..

ما صادفت عيني من الناس شرواه ..
نادر وجود .. ومـ أنخلق له مثيلة ..

أجمل صفات الكون .. تلتم بـ حماه ..
لـ الأوله راعي .. وراعي جميلة ..

إن جيت له مخنوق .. وأتحشرج الـ آه ..
يمسح عناي .. ونص همي يشيلة ..

أزعل عليه أحيان ورضاي لـ رضاه ..
مـ أقوى على ذرف العيون الكحيلة ..

هادي ..
ويجذبني ..
والـ إحساس لولاه ..
ما صار يتبعثر شعر بالجزيلة ..

شريك عمْر ..
الا عمر كلي فداه ..
حتى وانا ادري رجعته مستحيلة ..

حبيب روحي ..
طيّب الله مثواه ..
راح وترك خلفه مشاعر عليلة ..

يارب عفوك ..
صدمتي يوم فرقاه ..
أعيشها من عام في كل ليلة ..

وتسافر حبال الفكر صوب ذكراه ..
وتعود لي في كلمتينـ(ن) ثقيلة ..

الموت حق ..
ومن بقى الموت ما جاه ..
لو طالت الأيام لازم يجيلة .. !