الأربعاء، 29 فبراير، 2012

خاطر الحب

للحب خاطر .. غريب .. 
امسي كئيب .. 
وفليلته مت وذكرتك .. طيب .. تغريبة حبيب .. 
وعشت أحبك من جديد .. 
 بكل تنهيدة قصيد .. 
تشيب .. في دفتر حنانك .. ما تغيب .. 
وتنتظر تحنانك .. 
 من يقول الحب عيب ؟ .. 
دام له خاطر غريب .. 
يجيبك فليلة وله .. 
بسمة قريب .. 
اقفى غريب .. 
 وودع الماضي المريب .. !

الاثنين، 27 فبراير، 2012

ليه أكابر ؟

أكابر ..
ليه أكابر ؟
وأنا صدري سور .. جواته مقابر .. !
كم توفوا ..
وسط صدري ..
كم حبيبه ..
خلت الدنيا كئيبه ..
إيه ..
أنا مشتاق غابر ..
ذرته ريح الجفا يم الجفاف ..
وما أخاف .. امن الأكابر ..
ليه أكابر ؟
والمطر .. ما مر عابر ..
جاء يهدي لي حنيني ..
بين قلبي وبين عيني ..
يدري إني كنت صابر ..
وإني أتناسى سنيني ..
 يوم كنت أحاول أنسى بعضهم .. 
وأنسى .. نسيت .. !
ليه أكابر ؟
عيب أحب .. ؟
ما هو بـ عيب ..
لو لهذا الكسر .. جابر ..
لو ورا هالطيب .. طيب ..
كان أقول الحب .. عيب .. 
ليه أكابر ؟
يا أول الموتى .. اسمعي ..
رحتي .. وخليتي معي " احساس إنك ترجعي " .. !
وما عشت أثابر ..
قلت أحب الثانيه ..
والثانيه هألحين جنبك .. ترتوي من مدمعي .. !
ليه أكابر ؟
والكتاب اللي خدعني مو أنا .. 
أبغى أواجه .. 
شفني جيت .. 
ياللي أنت .. تقول حكمه :
كيف حكمه ؟ 
" قلبك إليا من تحطم .. 
حطمه تلقى علاجه "
وأنا حطمته .. ثلاث .. 
وما شفيت .. !
انقذني تكفى ..
رد لي شوي منه ..
عطني من قلبي شوي ..
محتاج أحب إنسان حي ..
دام صدري سور جواته مقابر ..
ليه أكابر ؟

 

الجمعة، 17 فبراير، 2012

سكوت محتاج هالليله أموت .. !

ابعدي يـديـنك هنآك .. !
.. ابـعديهآ .. مآ أبيـك ..
.... و إسـكتي يـ ( الذكريآت ) ..
..... ودي أسـمع صـوت .. صـمـت .. !!
ودي أتـكلم .. سـكوت .. !
.................. لـ أني اللـيـلة أمـوووت .. !!

كـنت مـدري .. !
لـكن أدري ..
مـن زمآن إن ضاق صدري .. !
طـحت من طولي عليـه ..
.. وشـآل قلبي في يـديـه ..
وشآلـني .. لـ أعـلى سمـاء .. !
تسـمـعيني يـ الحيآة .. ؟
إسـكتي .. بس اسـمعيـني ..
.. كيف هـ الليلـة أمـوت .. !!!!!

"

شـخص عآدي .. !
.. مـنخلق بـ الـكون هآدي .. !
مـن عطآهـ الله عيـون ..
... مآ يـشوف الا .. سـكون .. !
وإبتسآمـات الرضآ ..
في شفآهـ أمـه .. وأبـوهـ ..

"

كآن طـفل .. وكل هـمه .. !
.. لا بـرد يـدفى بـ أمـه ..
.. وإن بـكـى .. تـمسـح دمـووعه ..
مآهـو يـمسحهآ بـ كـمه ..

"

ذآك أبـوهـ ..
طآح مـن طوله عليـه وشآله لـ أعلى سمآء .. !
... وإن ضـمآ ..
ارتـوى .. بـ إيدين أبـوهـ .. !

"
.. | تـمـتـمآت يـتيـم مآتوا كل مـن لـه وإتركـوهـ | ..

لـيـتني بآقي طـفل .. ومآ كبرت أحضر عزآي .. !
.. بـ كل لـيـلة مـوت .. أشيب ..
والبكآء مآهوب عيـب ..
... لا بـكيـت اللي تـركـوني ..

يـمـه أنـتي .. !
.. صـح مـ أنتي اللي وَلَدَتْني ؟ ..
أبغـى أسـمع ..
..... ودي الليله أمـوت .. !!

كآنـوآ جـآبـوني هنآ ..
.. رآحليـن .. إي رآحليـن .. !
سآفروا ..
... لا مـآ رجعـوا .. !
إحكي .. إحكي ..
كيف مآتـوآ .. ؟
أو ..
كفآيـة ..
المنآيـا بـ أمر ربي ..
... وأنـا بـ أمرهـ صـرت تآيـه .. !

لـو سـمحتي .. !
... ودي أعرف .. كيف أمي ودعـتني .. ؟
كـنت أصيـح .. !
احضـنــتـني .. ؟
.. بـوسـتني .. ؟
قآلت : بـنرجع نـجيب .. لـك هدآيـا لا تصـيـح .. ؟
أدري مـآ جـو ..
.. أدري مـآ جـابوا هدآيـا ..
وأدري مآهـم رآجعـيـن ..
لـكن إحـكي ..
إحـكي .. إحـكي ..
ودي الليـلـة أمـووووت .. !!!

الاثنين، 13 فبراير، 2012

ناقصه اهتمام .. !

دام غصن الفقر في مَدَتْك مال ..
وما عطيت امن الكلام الا المفيد ..

ولا خذيت القيل من لا جا وقال ..
والمراجل ما لقت غيرك عضيد ..

أفتخر بك كل ما جا لي مجال ..
وإن ذكرت أقول أبوي وما أزيد ..

الحكي بـ عيونهم أبلغ مقال ..
لـ اغبطوا حظي لأني لك (وليد) .. !


بالسماء الشمس هامت واستنار الظلام ..
عقب ذاك الغروب أشرق أمل من جديد ..

لملم الغيم صمته .. وامتلى بـ الكلام ..
وفضفض الحزن صبره فوق أرض القصيد ..

وربّع الحرف بسمه مع هديل الحمام ..
عاندت كل عبره بالمحاجر تقيد ..

رفرف البوح، راحه رغم أنف الغمام ..
صاحبت حلم صاحب فـ التمني بعيد ..

تشتكي لي .. حياته ناقصه إهتمام ..
مبتلى، والأيادي تحسب إنه سعيد ..

مدته لـ التفاؤل تفرض الإحترام ..
نَقَّص الهم عمره ... وابتسامه يزيد ..

ما على هالظروف ليا تمادت ملام ..
دام الانسان منها لـ انكوى يستفيد ..

يآلف الموج بحره لو به الغدر عام ..
ومن توفى غريق بـ رحمة الله شهيد ..

غابت الشمس .. لكن يستنير الظلام ..
في أمل كل يوم يجيب عمرن جديد .. !


سابقتك الحروف وجات ما تبغى تشوف الا شعوري بـ اهتمامك ..
واستبقت الشعور وقلت لك قلبي وأنا محنا بحاجة اهتمام ..

عقب ذاك السكوت اسألك بـ الله قولي وش بينفعني كلامك ؟ ..
صرت أصمك ولا اسمع (اشتقت وأحبك) ما يفيدك هالكلام .. !