الخميس، 19 يوليو، 2012

يوميات رمضانية

السلام عليكم ورحمة الله وبركاته
مثل كل عام راح تلقون هنا السواليف الرمضانية وابياتها ..

البداية:
تعودت أكون مع أهلي في كل شهر رمضان بمكه ..
والسنه اللي راحت وهذي ما قدرت اروح معهم عشان عندي دوام ..

ارسلت بيتين للوالده:

للمسافة ظروفـ(ن) جات ما صحتها ..
ودي ابقى معاكم لكن الله معاكم ..
جنتي تحت رجلك ليتني تحتها ..
عقب ما كنت دايم وين رحتوا وراكم ..


البيت الثاني .. مثل منتم خابرين الحريم الكبار اللي يزود من العفش يقولون ميخالف حطوه تحت الرجلين، اقول لأمي امتلى تحت الرجلين تقول حطه تحت رجليني يكفي .. ثلاث ارباع العفش صار تحت رجلينها .

هناك 29 تعليقًا:

  1. بـ تصوم ؟ ..
    جعل الله يقبل صيامك ..
    حرمت نفسك متعة الأكل والشرب ..
    أتقن عبادك .. واترك اللي أمامك ..
    من ملهيات .. وصوَّم العين لـ الرب .. !

    ردحذف
  2. يا شوق ..
    توي ما بعد فقت ..
    من فقدي الأول ..
    تصدمني بالثاني ؟

    مـ أمداني أسلى عنه ..
    ولـ أمداه ينساني ..
    عطنا شوي وقت .. !

    ردحذف
  3. ياما لهينا فـ الدروب العتيم ..
    حتى التقى الصمت الحروف وحكى ..

    مو كل من يلزم سكوته حكيم ..
    بعض الكلام نبوح به فـ البكى .. !

    ردحذف
  4. تبغى تحس فـ دقة القلب راحه ..
    غصبـ(ن) عن اللي يطيَّحك كل ما قمت ..

    جاوب على نفسك بعقل وصراحه ..
    خوفك من الله شايله وين يممت ؟ ..

    ردحذف
  5. ارم البقايا ما لحاجتك فيها ..
    ما يستفيد الا الوجود بـ رحيلك ..

    خذ راحتك من وين ما تستقيها ..
    لا تحسب اللي تنتظره بـ يجي لك .. !

    ردحذف
  6. احتمدت الأفكار حولك وتوهتك ..
    استرشد فعقلك وقلبك دليلك ..

    ردحذف
  7. ليت السواقي الدافيه .. سالت على وادي الحنين ..
    قبل الجفاف يصيبها .. والوقت يستوطن عليه ..

    الصبر محتاج لحياة .. وعمر غير العمر دين ..
    وقلب يقوى عـ المفارق .. دون يسأل: كيف وليه ؟ ..

    ردحذف
  8. تبات الأيام .. والحسره على بكرا ..
    لا صار وضعي مثل ماهو قبل وألحين ..

    ميسور الأحوال من عدت به الذكرى ..
    على أمور الحياة إلى أمور الدين .. !

    ردحذف
  9. شكراً ..
    مثل كل رمضان ..
    وصلت ..
    ( شهرك مبارك ) ..
    وأنا نايم .. !

    ردحذف
  10. مابي أشوفك خايف العين تبكيك ..
    وأفطر على ملح الدموع بـ تذكرك .. !

    ردحذف
  11. جنية الشوق ما راحت ولا ارتاحت ..
    ولا تصفد أذاها من تصفدها ..

    تاخذني الليل وأتركها إذا صاحت ..
    وأرجع لها بالدعاء وأكسر معاندها .. !

    ردحذف
  12. أحسها بـ أطراف جسمي تلاعب ..
    مثل البحر لا لاعب الموج شَطه ..

    من مدها والجزر سوت متاعب ..
    كل ما أشيل الهم ترجع تحطه ..

    وإلى كشفت مسببات المصاعب ..
    عن شوف عيني قلت للقلب غطه .. !

    ردحذف
  13. اللهم اعتق رقابنا ورقاب والدينا من النار ..

    اللهم اجعل كتابك حجة لنا لا علينا يوم القيامة ..


    يقشعر بدني ..
    وأحس ان صدري يتشقق اذا دعاء الامام هذي الدعوتين ..

    اليوم السبت ..
    اقوى صداع مرني من بدا الشهر ..
    ومثل العادة السبب تغير جدول النوم ..

    عندي مشكلة كبيره ..
    عفواً ..
    اعتراف نفسي صغير ..

    كثير من المشاكل الصغيرة والروتينية ..
    أكبرها بقلقي حولها قبل وقت حلول المشكلة ..
    ولماتجي ويجي وقتها تصير عندي اصغر من الذرة وتنحل بسرعة ..
    وبعدها أحس براحة كبيره ..
    كبر تكبيري للمشكلة .. حلوه الجمله هذي ههههه

    صدق اللي قال لا تصنع من الحبه قبه ..

    اليوم في خاطري اردد كثير ..
    ابتسامتك في وجه اخيك صدقه

    +

    من يجيب لي مدى صحة الحديث فيما معناه ( الشؤم في ثلاث الفرس والمرأه والدار )


    وش وجه الشبه بين الفرس والمرأه ؟!
    يمكن كلهم فتنه وحلوين ..
    والدار والمرأه ؟!
    العيش والمبيت والسكن في الدار ..
    والعيش في المرأه وبلاها فلا عيش ..
    المبيت في قلبها أمان للنفس ..
    والسكن إليها ..

    ردحذف
  14. http://www.salmajed.com/fatwa/findnum.php?arno=5869

    ردحذف
  15. من صداع أمس ..
    نمت الساعة ١٢ .. وصحيت للدوام متأخر .. !

    لكن اليوم الحمدلله .. طاقه زايده ..
    من زودها .. حلقت شعر راسي مكينة .. ولا يهون الدقن والشنب .. على قولة أخوي الصغير .. ( وجهك باين ) .. !

    من يُفقد المرأه غيرته .. يفقدها .. وبلا غيره .. قد تبحث عن غيره ..
    تتفقون معي ؟ ..

    على طاريها ..
    فيه غيره تكره الواحد عيشته ..
    أقصد الغيره اللي عليك والا لا ؟ ..

    محتاجني ..
    قصدي أنا مـ أحتاجني ..
    الثانيه عيني معك .. والأوله طبعاً بلاك .. !

    ردحذف
  16. ما وحشتيني لحالي ..
    ولا وحشتي هـم أخوي ..
    يمه حتى البيت يمه ..
    فاقدك .. أنتي وأبوي .. !

    ردحذف
  17. برنت سكرين لـ الرابط اللي وضعها غير معروف قبل ردين من هذا الرد:
    https://dl.dropbox.com/u/36481232/Picture%204.png


    ويتعلق في حديث الشؤم في ثلاث ..

    شكراً يا غير معروف .. !

    ردحذف
  18. تذكرون الكتاب اللي قلت لكم عنه ؟

    هذي صورة الغلاف ..
    https://dl.dropbox.com/u/36481232/123.png

    وصلت به لـ ٣١ .. وزدت عليه صفحتين ..
    وما زال تحت التصميم والتجميع والمراجعة .. !!

    ردحذف
  19. فتحت صفحة الـ برنت سكرينات ..
    ولقيت هالصورة ..
    مصوره من عتبة باب بيتنا ..

    https://dl.dropbox.com/u/36481232/20120407457.JPG

    اشتقنا والله اشتقنا .. !!

    ردحذف
  20. وشلون تقدر تحب انسان قلبه يحبك ؟!
    واللي تحبه وش يخليه يعشقك ؟!

    مجرد تساؤل !!

    ردحذف
  21. سلمني لأمي يالله ..
    خل لي أمي يالله ..
    انا مزاجي ابيها كذا لاحد يغلطني هههههه
    جالس اشوف دعايه ..
    هذي اللي يسمونها قرقيعان ؟!
    وش جوهم او وش عباره عنه القرقيعان ؟!

    ردحذف
  22. لما يدق الجوع بطن الفقيرة ..
    ويدين ابوها تتعب وما تحصل ..

    أتذكر أصحاب الزكاة الكثيرة ..
    واسأل: متى للمستحقة توصل ؟!

    ردحذف
  23. أزال المؤلف هذا التعليق.

    ردحذف
  24. لـ الله صل وصوم وزك وتزكى ..
    بيض نواياك الخفيه بصدرك ..
    مافيه داعي من همومك تشكى ..
    يجزاك ربي فالبلا قد صبرك ..

    ردحذف
  25. ما فاتك من الخير قادر تعوضه ..
    لا دام راسك حي بادر وعوض ..

    ردحذف
  26. مخنوق ؟
    عادي ..
    من بهالناس مرتاح ؟!
    غير القنوع بدنيته والمثابر .. !
    يا صاحبي لـ اليوم خلك من الـ راح ..
    واعمل ترانا بننتهي فالمقابر ..

    ردحذف
  27. يا مشتكي لـ الحزن غبن المذله ..
    مثلك تراي ولكن الصبر أقوى ..

    يـ أما تعاوني وأعاونك لـ الله ..
    والا توكل ما أحب أتشكوى .. !

    ردحذف
  28. اكسر قيود الفكر .. حاول .. تعلم .. عيش ..
    افشل عشان النجاح .. وحب من حبك ..

    سـو (من .. إلى ..) بـ اهتمام أو في جنون وطيش ..
    ضمن الحدود المحيطة فيك من ربك .. !

    ردحذف
  29. باقي على العيد .....
    مدري كم له باقي !!
    من سنتين الرحيل أترقب الملقى ..
    مدري بيجيني وتبرد حرة أشواقي ..
    والا بـ أعيد وفيني غصة الفرقا ..

    ردحذف

سيتم إدراج تعليقك بعد الموافقة عليه وشكراً،