الخميس، 2 أغسطس، 2012

لـ الحلم .. لك نسّاي .. !



سكوتي عنك ما يعني رضاي ..
وابتعادك مو عذر ..
ولا خطاك انك خطاي ..
اللوم كله فالبذر ..
لما غرستك وسط صدري ..
آمنك .. تارك وحدك ..
مو معاي ..
تستظل بسقف قلبي ..
على أمل أقطفك حب بلا حذر ..
بعد السنين ..
وبعد مـ الدنيا لك تزين ..
وتستقر ..
هذ جزاي ؟!
بذمتك ..
ذا اللي خذيته من وفاي ؟!
كذا تروح ..
ولا كأنك لي عمر .. !!
وتطول الغيبه بعد ..
وفـ لحظة أحتاجك تمر ..
تصب فـ شعوري جروح ..
ولا كأني انتظر ..
ولا كأن الشوق ناي ..
يعزف على حزني مطر .. 
ويدندن الحرمان ..
على جفاف الماي ..
ذنبك .. عشقت انسان ..
لـ الحلم .. لك .. نساي .. !!

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،