السبت، 4 أغسطس 2012

تهمته قاتل أبوه .. !

تسكن فـ بطن الأرض محدن نشدها ..
صمت الحقيقه ما به أي شيء مشبوه ..

متى الخيانة تستتر في لحدها ..
والقلب يدفن طيبته يوم خانوه ..

هذي أو اللي قبلها أو بَعَدْها ..
متعودات إن جاء لهم حب خلوه ..

يبغون من دنيا التسلي أبدها ..
وإن ما نسو مثلي بـ ذكره تناسوه ..

اما الوفيه .. ما تخلي سندها ..
لو حدت الأقدار تبكيه لـ أطروه ..

والنادره ..
تعبر على من فقدها ..
قدام عينه كثر مـ اقفوا وبكوه ..

مثل أم خلت في قفاها ولدها ..
بـ ساحة قصاص وتهمته قاتل أبوه .. !


ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،