الجمعة، 14 سبتمبر، 2012

لغة الصمت ..

آسرتني بصمتها ..
كلّمتَهَا ..
ما جاوبتني ..
بنت ..
أحبك ..
ما ترد ..
وناظرتني ..
إيه ..
أحبك ..
والله جد ..
مطنشتني ..
جيت عند شفاتها ..
ضميتها ..
أبغاها تحكي ..
ما حكتني ..
قبَّلتني ..
وقبَّلتني ..
و قبَّلتني ..
لا شعورياً ..
حكت لي ..
شوقي ذابحني عليك ..
ويمها قوه سحبتني ..
وطيحتني ..
فوقها ..
وبجسمها تطوقتني ..
وابتدت فـ الهمهمه ..
وبلذة حكاها خذتني ..
جمَّدَتني ..
وأي حرف يذوب منها ..
آخذه ..
وأذوبه في مسمعي ..
يا أفهمه ..
يا أعشقه ..
... وأستلهمه ..
من ضحكتي إلين أقاوم مدمعي ..
"خلك معي ..
لا عاد تتركني لحالي .."
ما أبي .. أعيش دونك ..
اسمعي ..
جيتك بعد ما غبت يعني .. ما بهت فـ العين لونك ..
ما تركتك في رضاي ..
وكل لحظه تمرني واحنا بعاد .. آتمنى إنك معاي ..
وهذا صدري ..
اسأليه ..
شمي ريحك فيه حطي صدرك الدافي عليه ..
خلي قلبي .. يحكي قلبك ..
عن " وعد ما راح أخونك " ..
حتى وإن طاولت دربي ..
وما قدرت إني أكون .. راح أكونك ..
والا وش معنى أحبك ؟!
احضنتني بصمت ..
... حتى فيه منَّه حررتني .. !!



ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،