السبت، 22 سبتمبر، 2012

رضا أمك

يا صاحب العمر دمي ساري بـ دمك ..
والكلمه المستحي منها بـ أبديها ..

هو سر لكن لأنه جداً يهمك ..
بـ أصارحك فيه وأحلامك بـ أراعيها ..

بيت الشعر تنفضه من كمك لـ كمك ..
دام القصايد كثيراتـ(ن) قوافيها ..

أهم شيء الرضا في ما لفظ فمك ..
والغصه .. بـ حكمتك قادر تعديها ..

اسمعني بـ قلبك وكني منب يمك ..
بعدين قرر بعقلك وأنت راعيها ..

الراحه اللي تجي من دونها أمك ..
اسألك بـ الله قلي .. وش تبي فيها ؟!


ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،