الجمعة، 7 سبتمبر، 2012

شوفيني وحسيني

من الأرشيف:
نـامـت عـنـنـا الـفرحـه .. !

.. قديمـه صح .. ؟

طيب إلـبسي الـطرحـه .. !

.. وشـوفيني ..
 
تعالي هـاتي كفـوفـكـ .. 

وحطيـهـا على عيـوني .. 

تشـوفيـني .. ؟

حـلو .. طيب .. 
وهذي كفوفي بـعيـونـكـ ..

أشـوفـكـ .. ؟ .. لا .. !

أحـسـكـ .. إيـه ..

وأنتي مـا تحسيني .. ؟!

إذا حـسـيتي بـ إيديني ..

مـثل مـا أحس بـ إيدينكـ ..

فـهذا ( الحـزن ) بـ الدنيـا ..

مـجرد ( شيء ) نشعر بـه ..

هـاتي إيديكـ بـ إيديني .. !

صحيتي صح .. ؟

وصحيـنـا الـفرح بـ الـشوف .. !

عرفتي إشلون .. ؟!

شـوفـيني .. وحسيني .. 
تشوفين الـحزن مبسـوط .. !

إذا ودكـ نعيش بـخير .. !

شـوفيني .. وحسيـني .. 

ـــــــــــــــــــــــــــــــــــــــــــ

إضافة:
شوفيني ..
وحسيني ..
عشان أعيش فيك بـ خير ..
كانت .. هـ السطور آخر .. كلامـ(ن) جاك من عيني ..
سكبته لك بدمع الحب ..
قبل مـ أنتي تخليني ..
ذكرتيني ؟
يـ آخر من رحل .. وأول من أحسه مجافيني ..
أنا أحبك ..
ومعك إنتابني هـ الحس .. 
لحالك بس ..
فقدتك .. مو أنا لحالي ..
معي حتى .. دواويني ..
دواويني .. الـ جميله بك .. 
وبـ أوصافك ..
وبـ أحلامي .. 
وفي صورة ملامح وجه .. عيا لا يخليني ..
ملازمني بكل الـ صدق ..
لا جاء الكذب باغيني ..
جميل .. الذنب ..
يا عفوه ..
والأجمل منه بـ غيابك ..
عن إقدامي له أنتي يـ الضـ.. ــمير الحي .. بشعورك تصحيني ..
حبستيني ..
عن الـ ممنوع ..
والممكن ..
تبين الصدق ؟
حتى إنه عن الـ جائز ..
عن المفروض .. 
يا عمري منعتيني .. !
صحيح إنك تركتيني ..
وعشتي بعدي سنينك ..
ولا أدري .. 
إذا أنتي إلين ألحين .. 
من قلبك تحبيني ..
ولا حتى أبي أدري ..
لـ أنه بس يكفيني .. 
أحبك وحدك .. 
ومـ الله ..
خلق بعدك أحد يفتن .. شعوري كثر ما أنتي .. فتنتيني .. !!

 


 

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،