الأحد، 7 أكتوبر 2012

يا قلبها زير النساء .. خايفك

 يا عروق يدينها خفي علي ..
كن قلبي في هواها ميلته ..

ـــــــــــــــــــــــــــــــــــــــــــــــــــــــ


يا قلبها روح عسى فراقها خير ..
عمر الشقي باقي قبل تلتهي به ..

الغصن لامن طاح بيرفرف الطير ..
شف عاد فرق الصايبه والمصيبه ..

الأرض مطراحي واذا جيت أبصير ..
فضاء لها ضاقت علي الرحيبه ..

يا قلبها روح مدام انها غير ..
في كل شيء وفوق ذيا قريبه ..

خايف على من قبلها للنساء زير ..
من بدهم تجيب قلبه تجيبه ..

الحب ما يرحم وأنا جداً أغير ..
وهي لعوبه مستبده حبيبه ..

وفوق ذا أسرارنا ما لها بير ..
مهما نسوي كلن آخذ نصيبه .. !

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،