الاثنين، 5 نوفمبر، 2012

ليلة أول شتاء .. !

هيضني الجو .. وتفجر شعوري ..
فـي ليلة الـ زعلان راضي عليا ..

الحب لو ماهوب حاجه .. ضروري ..
إنه يبين في قصيدي شويا ..

حبيبتي .. رتبت لك كل أموري ..
ما ناقص الا جيتك لي هنيا .. !


وأعد أنا خصلات شعرك ..
شعره .. شعره ..
يا أميرة قلب عاشق ..
انفتنتي به .. وشعره ..
إي وأضمك ..
وآتنفس حب دافي من قفص صدرك لـ فمك ..


تبسمي واخذي يديك .. بـ يديا ..
تمايلي وأنا أغني .. ودوري ..

عشان أدوَّر خاطري لك حميا ..
وأكسر عناد القلب وأقهر غروري ..


نسترجع الذكرى ..
في ليلة أول شتاء ..
ونحب إلى بكرا ..

 تفجري بـ حروف حبي وثوري ..
لا دام وصلك عقب شوقي تهيا ..

محتاج أعبر هالمساء عن سروري ..
أعطيني الـ حرية الـ حب .. هيا .. !

هناك 4 تعليقات:

  1. حبيبتي .. رتبت لك كل أموري ..
    ما ناقص الا جيتك لي هنيا

    مااقول غير روعه ثم روعه ثم روعه

    ردحذف
    الردود
    1. يسلمك ربي يا غير معروف ..
      الروعه تواجدك وتعليقك الله يحفظك ..

      حذف
  2. هذا هو الشتاء
    مايجيب الا الحنين والذكرى

    بوحك يغذي الروح والوجدان

    عساك ع القوه وصح منطوقك

    ردحذف
    الردود
    1. الله يقويك .. ويطول بعمرك ..
      صح قلبك ..
      شكراً لك على تواجدك وتعليقك ..

      حذف

سيتم إدراج تعليقك بعد الموافقة عليه وشكراً،