السبت، 26 يناير 2013

دليات

امتداد لـ الشعور ..

هناك 149 تعليقًا:

  1. ينزل بك الشوق والتحنان ما يرفع ..
    قلبي من الحب مسروق(ن) على غفله ..

    زعلت لا ترجعين العذر ما ينفع ..
    وأنتي تعرفين زين الزعله .. الزعله .. !

    ردحذف
    الردود
    1. صح لسانك
      عسى الله مايجب الزعل لحياتك ابد

      حذف
  2. أذكرك في نغمة (هلا بك هلا بك) ..
    لا جاب جوالي على الشاشة (الحب) ..

    الله يقطع ظرفك اللي غدا بك ..
    اشتقت أرد لـ نغمتك (أرحب أرحب) .. !

    ردحذف
  3. يطيحون من عيني وتبقين يا روز ..
    فـ القلب لك حشمه وقدر ومداهيل ..

    ما لي بهم يا سيدهم ترا عوز ..
    دام الجروح بـ ذكرياتك .. تساهيل .. !

    ردحذف
  4. سامحت عمري .. يا جروحه ..
    آسف إني كنت روحه ..
    والله آسف ..

    ردحذف
  5. زحمة صباح الرياض إن كانها تنسى ..
    لا يمكن أنساك فـ الزحمه ولكني:

    أحاول بقد ما أقدر عليك أقسى ..
    حتى عن الحب .. ربي يبعدك عني .. !

    ردحذف
  6. اتأمل بوجهها وأسمع سوالفها ..
    نصف الأنوثه بـ هاللحظات مجتمعه ..

    والباقي اليا بديت أمزح وأخالفها ..
    واتعبرت واحضنتني ونزلت دمعه .. !

    ردحذف
    الردود
    1. الله يجعلها لك.بداية خير

      حذف
  7. فوق سطح البقا ما عاش فيه آدمي ..
    كلنا للتراب (ا)من التراب (ا)بنعود ..

    راضي فـ ما مضى وراضي فـ قادمي ..
    والأمل فـ المحبه ما تحده حدود ..

    سيدي خادمك وسيدك خادمي ..
    مملكتنا (شعور) (ا)بها القصايد جنود ..

    ليني جانبك مع غيري وصادمي ..
    انتهيت بحياتك ما بقى لي .. وجود .. !

    ردحذف
  8. الحمد للي تشرق الشمس باسمه ..
    ما مت في لحظة غضب ليلة الأمس ..

    العمر يسوى غير منهي تحسمه ..
    والله يعوض خير بمفارق الخمس

    مخلوف دمع الليل فالصبح بسمه ..
    يقفي قمر لكن بداله تجي شمس

    والحمد للي تشرق الشمس باسمه
    مامت في لحظة غضب ليلة الأمس

    ردحذف
  9. يمر صوتك وانتبه له واناديه ..
    محتاج والمحتاج مذلول حاجتْه ..

    غريب كني ضيع ابسط مباديه ..
    لامن سمعت اصواتهم عنك .. ما جته ..

    ردحذف
  10. وسادتي تبتل من فقدها شوق ..
    ريحة دموعي خاشرتني منامي ..

    حزني كذا من بين الآهات مرموق ..
    يرقد معي وافرض عليه احترامي ..

    عشرة عمر فالحب والطبع والذوق ..
    يعطي وانا آخذ منه حامي بحامي ..

    ردحذف
    الردود
    1. صح لسانك
      حلو تصوير علاقتك بالحزن
      يارب الجاي لك احلا

      حذف
  11. صباح الأحلام منثوره ..
    فالواقع اللي بك اتحقق ..
    ياروح يومي ويانوره ..
    "صَبَّحك بالبسمه" تخقق .. !

    ردحذف
  12. ما زلت اعيش ايامي الصبح واله ..
    على صباحك ضحكتي لذة الهمس ..
    لا تحسبيني عقب فرقاك داله ..
    زولك بعيني كل ما تشرق الشمس ..

    ردحذف
  13. اللي تحاول غيرتك تقتلها ..
    جنب هواها غيرتك تستاهل ..

    ردحذف
  14. تمر ليلة خميس وخاطري عايف ..
    ما للسهر حوج يقضبني على شانه .. !

    ردحذف
  15. ناداك نبضي في غيابك ..
    ياه ياني منتظر لحظة لقاك ..
    وهذا أنتي ..
    ايه أنا زعلان وفي صدري عتب ..
    ما جيتك أبكي ..
    جيت أطفي نار صدري في شفاك .. !

    ردحذف
  16. رحتي سنه .. عيت بقلبي تعدي ..
    تعبت أصده كل ما جاب طرياك ..

    يميل حرفي لك وتمنعه يدي ..
    حالف عليه إني مع الوقت بنساك .. !

    ردحذف
  17. الحلو فيك .. رضاك يا فاتنتي ..
    والشين فيني زعلتي منك غيره ..

    مدري شـ أسوي بسمتك حيرتني ..
    أزعل أو أرضى .. في عيوني أميره .. !

    ردحذف
  18. أرد .. لا لا خلك شوي ناطر ..
    شهرين صابر ليه ما تصبر شوي ؟! ..

    ما كن لي للحب للشوق خاطر ..
    ذق ما تذوقته معك يا بعد حي .. !

    ردحذف
  19. العشق ما يبغى سبب واهي ..
    يـ هلالي المعشوق .. وأحبابي ..

    من يوم ترسم بسمة شفاهي ..
    حتى تنزل دمعة عتابي .. !

    ردحذف
  20. حدر البياض النوايا غادره مدري ..
    ملحوق عيبي قبل ما أدور عيوبك ..
    خلك بوجهي صريح وسهمك بصدري ..
    لا تطعن بظهر غير الحب .. محبوبك ..
    وش تنفع الذكريات ليا نقص قدري ..
    وأنا أشوف الجروح السود ولوا بك ؟!

    ردحذف
  21. تمشين ما كن الضلوع رجالك ؟! ..
    ذروك فزعه وامتلوا بك غيره ..

    حتى وداعك ما يترجم حالك ..
    كنك تقولين المفارق .. خيره .. !!!

    ردحذف
  22. يخلفني المنحر على رزة العنق ..
    وأدن منها بين صاحي ومخلوف ..

    أقضب رضاها والوله داخلي حنق ..
    مابين ذيك وذيك مدري وش أشوف .. !!

    ردحذف
  23. سلواي بحكاك هنت ولا بعد هنتي ..
    صفي نواياك لو مره وصافيني ..
    لو اني أكرهك ما ناديت لك بنتي ..
    في وقت يعجز لسانك لا يناديني .. !

    ردحذف
  24. صيف المسافه ما خذا من بردي ..
    والقلب يعشق سيرتك بعيوني ..
    نامي بها ياجعل حلمك وردي ..
    نامي بها واتلحفي بجفوني .. !

    ردحذف
  25. لو كانت الراحه بالأيام تترا ..
    ماعاشت الدمعه بالأيتام واجد ..

    خذ ما عطاك الله وحاسب لبكرا ..
    وادع المنايا تاخذك وأنت ساجد .. !

    ردحذف
  26. وأحب الـ كبت ..
    لا ضاقت علي وارتبت ..
    ليه أحكي ..
    على من حبني وأبكي ؟! ..
    فضاء صدري ..
    يشيل همومي الواجد من آخر يوم لين السبت .. !

    ردحذف
  27. فداء وشو ..
    إذا أيامي انخشوا بصدرك .. لكن انغشوا .. !

    ردحذف
  28. سلام .. اتبسمي وادعي ..
    أنا الواقف على وصلك ..

    عشاني حاولي واسعي ..
    كثر ما ودي أرجع لك .. !

    ردحذف
  29. عليك بسم الله من كل داوي ..
    أزعج منامك وأيقض الدمع بالعين ..
    تعبك يتعبنا معك يا هداوي ..
    ولانطيب إلا إليمن تطيبين .. !

    ردحذف
  30. عشرين من هذا الشهر طلته غير ..
    اليوم غيم ومطرته بـ احتفالك ..
    الله يجمعكم على الحب والخير ..
    عقبال ما تفرح بشوفة عيالك ..

    ردحذف
  31. كنك سنين الشايب المسلوبه ..
    لما حكيتي شب فيني عمره ..
    يا مستبده بالغلا يا عوبه ..
    نفسك كاسي والشفايف خمره ..

    ردحذف
  32. ليه ما اجيب الزعامه في قصيدي ؟!
    وانا عاشق للزعيم بكل حال ..
    الفرح له من وريدي لا وريدي ..
    ربي لا تحرمني من فوز الهلال .. !

    ردحذف
  33. حكمتي للغد تجربة الفريدي ..
    الوفاء للعشق ما يجزيه مال .. !

    ردحذف
  34. اطلقي ضحك الطفوله للمحال ..
    دام قلبك فالسما وانتي هنا ..
    عيشي الواقع بقلبي والخيال ..
    واكبري عن كل شي الا انا !!!

    ردحذف
  35. يبكي وعينه تسهر الليل يا ريم ..
    عام الرجال الدمع طعمه هزيمه ..
    ما هوب في وقت انتكاس المفاهيم ..
    كن ميعة الدمعات ضحكة حليمه .. !

    ردحذف
  36. ممتلي بالذكريات .. اليوم جمعه ..
    عام (عشقك) لين عشق الانتظار ..
    من صباح "اهواك" لين امسي بدمعه ..
    ودعيني كل جمعه ب انكسار .. !

    ردحذف
  37. فاقد هواء ..
    ياليلة البارح .. أحس ..
    لا ترحلين أبطي معي ..
    أبغى نفس ..
    ممكن تخلينا سوا ؟! ..
    أنا وهي .. والـ .. لا أحد ..
    ودي نبقى للـ أبد .. !
    قلبين جمعهم هوى .. !

    ردحذف
  38. مفتاح الإدراك عين القلب يا جاهل ..
    ميزان عقلك كلامك فعلك اسلوبك ..
    ردات فعلك إذا ما جات تستاهل ..
    تخفي جمايلك وتكثّر من عيوبك .. !

    ردحذف
  39. مروية الردف خصرك لا يعاديني ..
    من وين أجيبه كذا والا كذا مخفي ..

    طوقت مدري تطوق بين يديني ..
    الشاهد الله جمالك يروي ويشفي .. !

    ردحذف
  40. أوصاف الأجساد ما تقصر على المرسوم ..
    الدافع شعور وعيون المحب .. عميا ..

    راحت وأنا مع بقاياها حريب النوم ..
    أبلل أطراف صورتها .. وهي ضميا .. !

    ردحذف
  41. تروح مني سواليفك لك وترجع ..
    وأدور أحب مع ما راح ولا ألقى ..

    الا كثير الوله واحساسي الموجع ..
    والدمعه الصابره من لحظة الفرقا .. !

    ردحذف
  42. لا تحرج الشعر ما ودي به أحرجها ..
    وإن كنت من فارقت منتب على بعضك ..
    يعينك الله يا قلبي ويفرجها ..
    محاجر الضيق ما تبطي على نبضك .. !

    ردحذف
  43. جمع بك الله كثير الزين .. يا بنتي ..
    لولاي أحبك .. كتبت بـ فتنتك سيره ..

    ارضي علي ما أبي يدرون مين أنتي ..
    مانيب كاتب غزل تذبحني الغيره .. !

    ردحذف
  44. ما سمعتي .. لك نـ عيد ..
    قلبي وآنا نعيش عيد ..
    لو نشوفك من بـ عيد ..
    اعبري صدفه عليه .. !

    ردحذف
  45. صباح السبت كيف أكرهك .. وأحبك ..
    بداياتك مزيج من الفرح .. والضيق ..

    إذا صحتني الحلوه .. أرحب بك ..
    عليها صوت تصبيحه .. يبل الريق .. !

    ردحذف
  46. يا بنت نجد وكل بنت لدارها ..
    لو حاول التشويه غرب يوجهك ..

    تبقين أصيله ما نقص مقدارها ..
    ولا بهذي الأرض .. أنثى تشبهك .. !

    ردحذف
  47. يصعب علي النوم قبل ألتقي فيك ..
    في ما حفظته من صورك ورسايلك ..

    آسف لأني كنت مجبر أخليك ..
    فرقا جسد ..
    ما زلت بالقلب شايلك .. !

    ردحذف
  48. أكبرك فيني يا مساي وأصغرك ..
    يا صبحي الباسم ويا عينيه ..

    حلمي المرسوم بـ أطراف شعرك ..
    يشبهك بالحب والحنيه .. !

    ردحذف
  49. قايل لها ما غيرك تونسني ..
    في دمها الشربات وبضحكتها ..

    إذا فرحت استلمت تبوسني ..
    وإذا زعلت بـ دمها فكتها .. !

    ردحذف
  50. يحز في نفسي كدرك وتململك ..
    أحب أشوفك يـ أبيض الوجه باسم ..
    الحال من بعضه ولانيب مهملك ..
    يصير نجمع ضيقنا ونتقاسم ؟! ..

    ردحذف
  51. بطاك عن عيني تغلغل لروحي ..
    والفقد من قلبي يعل ويحرر ..
    اطلقتك أبعد فالدوا عن جروحي ..
    ما فيه داعي ياعزيزي تبرر ؟! ..

    ردحذف
  52. يرتاح فيك الصبح ربي يريحك ..
    وأموت بهبالك وثقلك ورزتك ..
    يا ليتني في صورة اليوم مشلحك ..
    بمذهب أطرافه تلامع معزتك ..

    ردحذف
  53. طرف شعرك أشمه واحتضن خصرك ..
    أحبك من هنا وألمس جبينك وأحكي لثغرك ..
    طعم توتي ..
    أذوق أذوق ..
    رديني عشان أبوق من صغرك ومن كبرك ..
    ومن دلعنتك وطهرك .. !

    ردحذف
  54. ماهيب حلوه اذا ما ضاهت عيونك ..
    الكلمة اللي عن الصورة مجهزها ..
    وش زين وش واو وش لبيه ي جفونك ..
    انتي جمالك به الوصف الحلو يزهى ..

    ردحذف
  55. امشي لعين الطفولة أو لعيني هدا ..
    شاب قلبي عشانك وارتكى بالحنين ..
    باقي أيام عمري لانتظارك فدا ..
    كان للحب خاطر اوعديني تجين .. !

    ردحذف
  56. تعال باقي فالمطر عذبه ..
    يا شعري الممنون لرضاها ..
    يكفيك ما دامت تلذذ به ..
    وتجيبك اليا حدرت ماها ..
    على شعور ان كان به كذبه ..
    هو الفراق وصادق خطاها ..
    ارواحنا للحين منجذبه ..
    وان خلت الأحلام فرقاها ..
    اكتبني أكثر والوله لذبه ..
    عندي شعور فيوم ابلقاها ..
    تعال باقي فالمطر عذبه ..
    يا نبضي الممنون لرضاها ..

    ردحذف
  57. في داخلي حرب ومقاديح نيران ..
    والوقت ما قصر علي بدلالي ..
    حتى رأيت اليوم الأفراح بـ ايران ..
    متواجده والفوز أحسه هلالي ..

    ردحذف
  58. حاولي بالتجرد من خمول الحياة ..
    تشعلين المبيسم بالكلام الوفي ..
    لي على أطراف وجهك نجمه وذكريات ..
    اسدلي الشوق عنها قبل ما تنطفي ..

    ردحذف
  59. أقاسم الليل دمعي وابتسم لك غباء ..
    ما يكون العقل من دون بعض الهبال ..
    فارقتني حياتك والزواج يهبا ..
    يجيب من لا محبه يالحبيبه عيال ..

    ردحذف
  60. يكفي تأسي يا أمل وين الأمل ..
    والشعر ضاع وسلوتي بأشعاري ..
    احساسي المخذول ناقص لا كمل ..
    فاقد هواها لعنبو هالطاري .. !

    ردحذف
  61. شباب لكن من ضمورك شايب ..
    اربع سنين اللي مضت خانتني ..
    عقبك أنا عن كل أنثى تايب ..
    حتى شريكة خنتها وصانتني .. !

    ردحذف
  62. اقتليني وآنا داري ..
    قلبي عاري ..
    لبسيه الذكريات ..
    اقتليني وآنا داري .. يا مضيعة انتظاري ..
    حطي سم بشفتك .. محتاج أنا قبلة ممات .. !

    ردحذف
  63. الضيق يا يمه بالأنفاس .. مدري ..
    ماهيب كحه خابره وش تحتها ..
    هذي بقايا فاتنه وسط صدري ..
    الروح تزهقها بعد ما حيتها ..

    ردحذف
  64. تعبان هذا الليل آخ ..
    مين يدخل في ضلوعي .. ويحتضن هذا الصراخ .. !

    ردحذف
  65. لو كان صدرك مثل صدري ..
    ما قدرت تنام بدري .. !

    ردحذف
  66. طفلة الحاجة من الشوق اسمعي ..
    دام قلبك فالمحبه بـ أوله ..
    لا نثرك الضيق للحب اجمعي ..
    لين تقصر كل ليلة مطوله .. !

    ردحذف
  67. المال شماعة ليا قل الاحساس ..
    والذل في وصل المحبين نايد ..
    ما قد خبرت انسان عايش بلا ناس ..
    الا وفي قلبه همومـ(ن) طرايد .. !

    ردحذف
  68. احترام الغيم لأصوات الحمام ..
    مستمد من السماء .. بنت الحصير ..
    فوق راس ابليس مولودة حرام ..
    راقية من ظهر رجالٍ حقير .. !

    ردحذف
  69. أطريك وأقول: راحت ما علي منها ..
    وأسج في صورتك عند البحر وأبكي .. !

    ردحذف
  70. ما عاد بي غيره تحمل رجوعك ..
    أفنيت كل أعذار قلبي ولا فاد ..
    أنا طبوعي تختلف عن طبوعك ..
    لكن تلاقينا بشيء اسمه عناد ..
    يشبعني غيابك ليا زاد جوعك ..
    ويقل شوق الروح لك كل ما زاد ..

    ردحذف
  71. النوم طار بسهرة الـ وين رحتي ..
    ملامح غيابك على صورتك صمت ..
    لو تسمعين دعاي لك مـ أسترحتي ..
    والليل ما يسألني اش فيك ما نمت ..

    ردحذف
  72. لذيذ الحلم يا طفله .. بجوفك لا تعيشينه ..
    براءة وجهك الطاهر .. حرام تجابه الواقع ..

    ردحذف
  73. بـ أطراف وجهك غيم سايق تباشير ..
    وفـ مبسمك وادي عسل دونه التوت ..

    ملامحك ممطورتي كلها خير ..
    من وين أشوفك أرتوي لين ما أموت .. !

    ردحذف
  74. زعلاتك المتكررة يا نديمه ..
    حطت على عين التسامح غشاوة ..
    حتى ان دمعك ما غدى فيه قيمة ..
    يذرف على لا شيء .. يا للغباوة .. !

    ردحذف
  75. أشتكيك لـ مين ؟ لك يا ظالمه .. !!
    ما يصير المنظلم يشكي ظلومه ..
    كي حالي !!
    زين وأنتي سالمه ..
    بس عيني من هنا النوم محرمه .. !

    ردحذف
  76. غيرت رقمي والرسايل راحت ..
    من هاتفي لكن بلاي بـ صدري ..
    أذكر بريحة عشرتك لا فاحت ..
    النوم ياخذني لحضنك بدري .. !

    ردحذف
  77. يا طلة الصبح عودي ما رويت المنال ..
    باقي أحس يعطش شوقها بل ريقه ..
    اللقاء بعد غيبه صار مثل الخيال ..
    والخيال بلقاها صار مثل الحقيقة .. !

    ردحذف
  78. الليل مو هادي ..
    جدد معاناتي ..
    حبيبتي تكذب .. وتقول لي عادي ..
    تطرب على أبياتي ..
    وترقص على أحزاني ..
    وتقول لي عادي ..
    تذبحني الغيره ..
    والحب يفضحني ..
    مدري من البادي ..
    لكنها خيره ..
    ما دمت جارحها .. فـ هي بتجرحني ..
    وتقول لي .. عادي ..
    يالليل ريحيني ..
    وش بك لها حادي .. قلي أسامحها .. وهي تسامحني ..
    وتقول لي .. عادي .. !

    ردحذف
  79. على مساء الندى وخدود رويانة ..
    أشيش الروح لين الشوق يلعب بي ..
    أزود بالحب واسأل: هاه عطشانه ؟
    وترد عطشانتك للموت يا حبي .. !

    ردحذف
  80. بك نوم ؟! ..
    مـ أسمح لك تنامين ..
    مهموم والا أبسمع أنا مين ..
    أي حبيبك ..
    وش بعد ..
    بعد أبوك ..
    ووش كمان ؟! ..
    دنيتك .. روحك .. أمان ..
    أي كذا هـ ألحين أسمح لك تنامين .. !
    لحظة باقي ..
    وين حقي من عسلك ..
    يا مذاقي .. طنشي بغمضة كسلك ..
    الليل هذا ماهو عادي .. الليل هذا فيك راقي ..
    ويش باقي ؟!

    ردحذف
  81. لا تردد ..
    قل أحبك ..
    خلها بهمسك تجدد ... وش تخاف ؟!
    قلها حيه لا تموت .. قلها حتى بدون صوت ..
    قل أحبك لا تردد .. !

    ردحذف
  82. على جبال الحزن ودموعك ركيت ..
    بايـنٍ لي في شعورك ململه ..

    أدري إن الهم يبطي ما شكيت ..
    بس أنا طالبك ضيقك لي قله ..

    ردحذف
  83. العام ترقص لي طرب وتقول قول ..
    لبى غزلك الشاعري يا شاعري ..

    وألحين قافي كل ما أكتب يطول ..
    به حديث الحزن عن مشاعري ..

    ردحذف
  84. اسمحي يمه قصوري ..
    ليه أبين لك غثاي ؟!
    غيبتي بعض الدقايق عنك ما تلغي حضوري ..
    اتركيني فوق أطالع ..
    مر بعيوني حزن .. وانسل طعمه وسط زوري ..

    ردحذف
  85. عابثه هالذكريات ..
    تنثر نجوم السماء .. وشوي من باقي حياة ..
    وتترك الصبح يتحمل هالسهر .. ويلملم شعور الشتات .. !

    ردحذف
  86. عشان تكسب من تحبه .. اخسره ..
    وإن ترك .. أبرك لقلبك تركه ..
    من يخلي جيتك له مسخره ..
    موت ولا تصبح لعب في سركه .. !

    ردحذف
  87. وشلون أنام ..
    ولهفة أنفاسك غفت ..
    واللي باقي به شموعـ(ن) ما طفت ..
    وأنا يـ المتعود أحضن صوتك الدافي وأنام .. !

    ردحذف
  88. موجوع والدمعات بعيونك .. تعب ..
    يمه ولا تسوى عليك الضيقه ..
    ادعي تيسر ما على ربي صعب ..
    الحزن بضلوعك عجزت أطيقه .. !

    ردحذف
  89. كنت راضي .. بس افا ..
    زعلت منك واعتراضي من متى هـ الحب فاضي ؟!

    ردحذف
  90. ما مت قبل مفارقك .. من راحت الأغلى وشفتك ..
    ايه عفتك ..
    روحي للي سارقك .. فدوه بواقي وارقك ..
    يا سر نبوت الهوى .. سنين فيني حارقك ..
    غيبي ولا لي ترجعين .. انا اعترفتك ..
    واعتدت أعيش مفارقك .. !

    ردحذف
  91. زرعتك بالحلم نبته ..
    ورتبته ..
    ولما حان وقت القطف .. ما كنتي ..
    ولا كان الحلم أنتي ..
    شـ أسوي فيك ؟! ..
    زلببببببته .. !

    ردحذف
  92. البر يابوي تلبيتك إذا تنوي ..
    تآمر على الروح لا ودك بغى حاجه ..

    لَكَن سيرة زواجي ذكرها يكوي ..
    أدله الروح عنها .. مـ أقدر أواجه ..

    في داخل النفس صرخه وقعها يدوي ..
    مابيك تدري ضلوعي ويش محتاجه ..

    الوقت يكفل لي أنسى ما طرى وأطوي ..
    بضعه سنين بتجي وضروف منعاجه ..

    صبرك علي ووعد للي تبي منوي ..
    تآمر على الروح لا ودك بغى حاجه .. !

    ردحذف
  93. لأنك عايشه فيني .. تعديت بـ وله فرقاك ..
    زواجي منك أكبر من سرير بـ أربعة رجلين .. !

    ردحذف
  94. والحرف لو جر الحكي ما خلصنا ..
    نبتل نعيد وننكر اللي نعيده ..
    وش فايدة آهاتنا لا نقصنا ..
    بعيون أمانينا مـ دامت بعيده .. !

    ردحذف
  95. مدري وش أقول ولكن الحقيقة سم ..
    حرب الحبوب أوجعت معقول ذا حنا ؟! ..

    أرقام وأحداث يا عالم تجيب الهم ..
    ادعوا .. ي ربي تزين حال موطنا .. !

    ردحذف
  96. أنتي أغلى منك عندي .. داريه ؟! ..
    ويقي بـ صدري وشوفي قيمتك ..

    في ضلوعي ذكرياتك .. ذاريه ..
    والـ (أحبك) من شفاك و(ريمتك) ..

    ردحذف
  97. واثق إني راح أضمك من جديد ..
    في عيوني بعد ما طيحك فعلك ..

    ما يضر إني أحبك .. من بعيد ..
    دام قلبي كل ما أبعد .. رجع لك .. !

    ردحذف
  98. المحب إنسان قلبه .. من قصيد ..
    وآنا قلبي يكتبك لكن مكسر ..

    داري إن النبض دونك ما يفيد ..
    بس بالذكرى على الشوق أتجسر .. !

    ردحذف
  99. بين ايديك أحكيك لا تنده أبيك ..
    يا شبيه العيد يانور الفرح ..
    وين أروَّح عنك وأنا المشتهيك ..
    ليه أرجع حرفي اللي بك سرح .. !!

    ردحذف
  100. بَكَّاك .. ما بَكَّاك وش هم .. يا ويش ..
    احترت فـ مسماك من حرَّتي .. وآه ..

    يادوب فالباقي من إحساسي أعيش ..
    ممكن تخليني أموت فـ بقاياه ؟! ..

    ردحذف
  101. دامي على قيد الحياة .. اذكريني ..
    بالخير ولا تنسين عذب العلاقه ..

    ولا مت .. خلي بين قلبك وبيني ..
    "مرحوم" يا من كان ودي فراقه .. !

    ردحذف
  102. للذيب سامي يالمساكين لمسه..
    حطت على وجه المخَاصَم علامه..
    اليوم الاتي بجبهته شال خمسه..
    والقادم أألم يا خصوم الزعامه.. !

    ردحذف
  103. تميل أيام عشناها ..
    على غصن الصباح تميل ..
    ولك قلبي يرفرف حب .. أنا مشتاق لك بالحيل .. !

    ردحذف
  104. وراك تصيح ؟! ..
    ابد ما فيه ..
    من التجريح ؟! ..
    يمكن ايه .. لكن الأكيد أشياء كثيره من عيوني "تطيح" ..

    ردحذف
  105. الغنادير الصغار ..معذبات..
    وكل قاسي قلب شوفتهن تثيره..
    بس انا يا صفوة زيون البنات..
    ما رغبت إلاك ولو إنك كبيرة..

    ردحذف
  106. يرضيك أنام وشايلً منك صدري ؟!..
    والا "أحبك" لي إذا كنت راضي ؟!..
    الليله إن عدتك أبعرْف قدري..
    وأنت وضميرك .. والعشق والتغاضي..

    ردحذف
  107. ب ألقاك أنا .. لكن متى ..
    هذا السؤال ..
    قولي تعال ..
    لي كم أنتظرك تجين ..
    آخرها أول هالشتاء .. !

    ردحذف
  108. كنت معك وليتني ما كنت معك..
    أصعب من الحب.. عادات الحبيب..

    ردحذف
  109. خوذيني
    قبل ماذا ياذيني ..
    خوذيني ..
    آخذتك بس ماتكفي ..
    أخذتك بين يديني ..
    أخذتك في شراييني ..
    أخذتك لي ومابه شيء هالحظه ي بو ساره يجي مابينك وبيني ..
    أخذتك .. لاتحاكيني .. أحس بصوت نبضاتك .. هروبك لي .. أخذتك بين يديني ..
    توسد كتفي .. احكي لك .. وانسيك برقيق الحكي ياعمري تعب ليلك .. أخذتك لاتخليني

    ردحذف
  110. بين ضلعين "حب" الذات زاد النحيب ..
    ليت للنور .. نور .. وليتني كنت حي ..
    حيل صعبه تعيش بذكريات الحبيب ..
    وانت ما لك بصدره اي شيء اي شيء ..

    ردحذف
  111. العمر كله فـ انتظارك .. بذلته ..
    إلين ما جابتك صدفه وياليت ..

    ما كنت لـ أجل الحب قلبي خذلته ..
    ومن يوم كذبتي علي .. عنك صديت .. !

    ردحذف
  112. 2010 .. كانت حروفنا ضحك..
    والحين جات الرابعة دوننا كيف ؟
    ادناة كلمة من شعوري تفرحك..
    والبرد في عذب الشعور انقلب صيف..

    ردحذف
  113. ياويل قلبي.. من الطفله ويا ويلي..
    من صوت ثاني بها زوّد براءتها..
    تقول "دلي حبيبي" وانهدم حيلي..
    اسمع بها سارتي واذكر طفولتها..

    ردحذف
  114. صوتك.. الراسخ بسمعي من وراه ابيك لكن..
    حدت الدنيا على فرقاه.. وانا ما ابي..
    لون عمري دون قربك.. يا بعد هالعمر داكن..
    جيتي اول تركضين .. اش عاد لو جيتك حبي..

    ردحذف
  115. منين ابتدي ؟
    في صوتك الدافي..
    او بيَدَّك ؟..
    ياليتها كانت يدي..
    ومن قلب بسم الله عليك..
    وفيك انا..
    منين ابتدي ؟

    ردحذف
  116. تعطي ولا تنتظر منا وحنا لك..
    من غير لا تنتظر منا عطا نعطي..
    بقلوبنا لك دعاوي.. تشبه عيالك..
    اللي تربوا على عزك ومن مبطي..

    ردحذف
  117. أكرهك من زود حبي لك .. تحبيني ؟! ..
    أكثر من الحب .. ما ظنيت .. كذابه ..

    لو كان ذا الصدق .. وشو له تخونيني ؟! ..
    متعوده صح ؟! .. لـ أنك "حيل جذابه" ..!

    ردحذف
  118. ما كنت احس الجو.. جوك..
    الا بعد ما جيت حافي..
    انزل لصدري من علوك..
    تـ تحس برد الليل دافي..

    ردحذف
  119. منزوع من صدري.. عمر.. هذا هو احساسي يقول: ما عاد للظلما قمر.. والنجم قارب للأفول..

    ردحذف
  120. لا تخليني عليك اعتب.. واروح..
    والله اني واصلن حدي معك..
    فيني الكافي من انواع الجروح..
    اكثر امن الضيق ف املح مدمعك..

    ردحذف
  121. ما قدرت أبوح ولساني تخدر..
    حرة الفقده بصدري قايده..
    يا كثير الدمع بعيوني تحدر..
    وأنا داري ما بذرفك فايده..
    ابن عمي.. ليت عمي ما تكدر..
    ابن عمي.. والفجيعه كايده..
    قدر الله، من يرد اللي مقدر ؟!..
    والأوادم كل أبوها بايده..

    ردحذف
  122. جمالك الفاتن وزدتيه حنا..
    حنا وأنا من نقشت إيدك تمنيت..

    لو الزمان يطيب والا لو انَّا..
    نكون بـ أحضان الهوى دون تشتيت..

    ما همنا وش قالوا الناس عنا..
    ناخذ بعضنا من بعضنا على بيت..

    صدره محبتنا وعجزه وطنا..
    وأيامنا تبقى لنا دون ياليت..

    ردحذف
  123. يا بنت الأجواد وين أنتي ؟!..
    جوي بلياك مو جوي..

    زعلانه ..
    آسف ويا بنتي ..
    لرضاك قولي وش أسوي ؟!..

    ردحذف
  124. تدرين والمفروض ما تعرفينه..
    وأنا معلمك الحكي يا صغيره..

    إن الشعر ما بين قلبي وبينه..
    قصه وذكرى وابتسامة أميرة.. !

    ردحذف
  125. كل دمعه حزينه.. عند ذكرك تبخر..
    يوم أشوف ابتسامك بالصور آتلبك..

    يا حبيبي كـ أنك لي من الله مسخر..
    والسعادة بقلبي جات من صرت أحبك .. !

    ردحذف
  126. معسول حرف .. وموتي اصلاً .. حروفه ..
    أدري كلامه كذب .. لكن أحبه .. !

    ردحذف
  127. ازدوجني شعوري فالإجابه على..
    من تحب الهلال اكثر او الزلفي..
    احبهم كلهم لكن بقلبي غلا..
    للون الأزرق عن الإحساس ما يخفي..

    ردحذف
  128. صغيره بتفكير أعقل كبيره..
    وبعاطفتها نضج، فتنه، طعامه..
    شعوري اشلون تعرف تستثيره..
    بالحب والطاعه .. ولذة منامه.. !

    ردحذف
  129. ‏فالقلب واحد والهلال الواحد..
    ‏يالزلفي أعزك ولا تزعل علي..
    ‏ولا تعتبرني في ولائي جاحد..
    ‏"مـ الحب إلا للحبيب الأولي"..

    ردحذف
  130. صبحيني بعطرك.. وابتسامة هوى.. انا بذمة شروقك دامني فايق.. باقي القلب من زينك بعد ما روى.. خلي اليوم هذا يبتدي رايق..

    ردحذف
  131. تبكين وش منه وعليه .. ما دامك بقلبي عمر ..
    والفايت بحبي لقى .. ذكرى بقلبك تحتويه ..

    يوم أزرع أحلامي معاك .. آمنت بـ إنك لي ثمر ..
    لو كان ماهو في يدي .. بضلوعي كافي ألتقيه .. !

    ردحذف
  132. جبتها يا شوق من حضن العدم ..
    شايله ذكرى موادعنا بـ خوف ..

    حس قلبي في حكيها بالندم ..
    ما خطأ فينا أحد غير الظروف ..

    ردحذف
  133. الحزن .. لو بَيَّن علي ما نكرته ..
    يا كثر ما قلبي تدمى وعانى ..

    فـ الشعر ياما بحت عنه وزفرته ..
    حتى مـ بين سطوره أصبح مدانا ..

    ردحذف
  134. جف صدرك من فراقي ؟ جعل صدري ..
    فدوة أحزانك على مر السنين ..

    عيشي القادم بعمرك لـ أني أدري ..
    إنه أحلى .. بس لازم تضحكين .. !

    ردحذف
  135. العتاب لـ غيبتك فيني قضى ..
    والخطى متباعده يا كيف أجيك ؟ ..
    قلبي مسامحك .. وشعوره فضى ..
    إن بقيت أبيك وإن فارقت أبيك ..

    ردحذف
  136. أبعد من نجوم السماء عن .. شوفك ..
    لو تقول أموت وارجع ما رجعت ..

    كنت الأقرب .. والبقا بـ ظروفك ..
    مات حبك قلتها لو ما سمعت .. !

    ردحذف
  137. وش جابك فـ بالي الليلة وأنا لاهي ..
    حروفي اللي قريت بـ جيتك تاهوا ؟!
    مو كافي إنك خذيتي بـسمة شفاهي ..
    خلي لي العقل ما باقي لي الا هو ..

    ردحذف
  138. ما هو بـ وقتك يـ الوله .. مشغول فكري بـ شيء غير .. خل الليال الأوله .. تصبح على الفرقا بخير ..

    ردحذف
  139. هدوء الليل ياخذني على الأبيات وأكتب لك ..
    أنا مشتاق ما تكفي .. أنا ميت من الأشواق ..

    ردحذف
  140. صباح الخير للمشتاق ..
    والذكرى على خده ..
    بكى والبعد ما ينطاق ..
    بكى فرقا مـ هي بـ يدّه .. !

    ردحذف
  141. المشاعر تموت ولا يموت الغرام ..
    وأذكرك بالقصايد كل ما سقتها ..

    ردحذف
  142. أزال المؤلف هذا التعليق.

    ردحذف
  143. رفرف القلب يمك في هدوء الحنين ..
    ساكن الحب حركته .. ولبيته ..

    إن كان لي قلبك اشتاق وبغيتي تجين ..
    منتب غريبه، وصدري ناسه وبيته .. !

    ردحذف
  144. تاريخي الزاهر .. بـ معرفتك ..
    بدا من أول حرف بـ اسمك ..
    عمري أنتي ..
    والمحبه مثل نسمات الربيع ..
    تاخذك فوق الخيال .. ويوم شفتك ..
    ما عرفت الا أضيع .. بـ كل قطرة زين فيك ..
    وأسقي التاريخ بك .. يا عمري الزاهر .. !

    ردحذف
  145. حريتي أنتي .. وقيودي ..
    والحقيقه والخيال ..
    وأنتي أحلامي .. وأنا في حبك أكبر ..
    وأبتسم .. وأعيش .. أودي ..
    وأعشقك وأحبك أكثر .. !

    ردحذف
  146. الوقت لا فات ما تقدر على التعويض .. اغنم زمانك وقابلني وقبلني .. قبلة وداع الجروح اللي تبي ترويض .. من بعد فرقاك لا من جت تذبلني .. !

    ردحذف

سيتم إدراج تعليقك بعد الموافقة عليه وشكراً،