الثلاثاء، 29 يناير، 2013

الشوق ماهو بـ إحتياج

اعترافك ما وصل ..
لكن حصل مبطي فـ قلبي ..
وفتت شعوري وصل ..

ما بـ أتصل ..
عيدي علي الإتصال ..
إلين أرد وقبل أحبك ينفصل ..

بالك طويل ؟!
أنا معك لـ الليل .. عيدي ..
وش يكون المستحيل ..
حاولي .. حتى أحبك لي .. تصل ..

عندك كرامه ..
يـ أنا .. يعني اللي عندك هو أنا ؟! ..
غصة كلامه ..
ابتسامه ..
شوقه المملي عنا ..
بقلبي غرامه ..

والدُرف ..
تذكر سوالفنا .. الطُرف ..
جت تعترف ..
مشتاقه لك ..
رغم الجُرف ..
وأيام مليانه عجاج ..
أبعترف لك واسألك ..
صح الدموع الـ "تنذرف" ذي شوق ماهي بـ إحتياج ؟! ..

أحتاج أحسك من قريب ..
إني أبو ..
إني أخو ..
اعترفي أكثر لو حصل ..
أحتاج أحس إني حبيب .. !

ما عاد باقي بي عزم ..
لا عاد .. مدري .. جربي ..
واتصلي يمكن أنهزم ..
ما دمت رافقت السهر ..
والجرح ابن عمي لزم .. !

هناك تعليق واحد:

  1. صح حرفك ودام نبضك

    يسلم هالاحساس العذب

    ردحذف

سيتم إدراج تعليقك بعد الموافقة عليه وشكراً،