الأحد، 24 مارس، 2013

يا فلانه .. رغم أنفي والخيانة فيك مغرم .. !

محتاج أنادي ..
كثر ما أكره عنادي ..
يا .... فلانه ..
رغم أنفي .. والخيانه فيك مغرم ..
فيك أحس الكون هادي .. !

ماني فاقد .. قد ما ناري تواقد ..
رمدتني الدنيا دونك ..
"ليه خلتني عيونك" ؟! ..
تذكرين الشطر هذا .. !!
كنت لك في وقتها ..
وألحين شوفي .. قالوا عاقد .. !!
ايش قالوا ؟
قالوا عاقد .. 

يا ضجيج الكون هد ..
شوشرتني الذكريات ..
ومن يقول الماضي مات ؟! ..
هذا أنا لـ ألحين أعد:
١- أحلام الطفوله .. عام تسعين الجريح ..
٢- بكلتها ورشة عطرها ..
باقي بعد .. متبعثرات ..
الطيش .. نظرات العيون ..
ولعبها .. بين البنات ..
وصوتي العالي .. فلاااااااانه ..
.. أمي قالت لي أنادي ..
إيه أنادي لك .. تعالي ..
وهي تغلى .. بس تجي ..
ما هوب مثل ألحين .. 
أنادي ..

يا .... فلانه ..
رغم أنفي .. والخيانه فيك مغرم ..
بس عيت لا تجي .. !

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،