الاثنين، 15 يوليو 2013

حزني يفطر

تصوم عين الغزل عن شوف غيرك ..
والبنات كثار .. والحلوات أكثر ..
بس مـ أقدر ..
لو على طول المدى بيني وبينك ..
مروا أعمى ..
ما أشوف الا غديرك ..
لـ أجلك أضمى ..
ولـ أجلك أصبر ..
والله يجمع مصيري يا غناتي في مصيرك ..
المسافه لا تطول ..
كم سنه راحت أبيك ..
كم ليله أحتريك ..
كم صباح يمر دون تجين فيه .. ولا أجيك ..
كم قصيده صفوها عقبك تكدر ..
كم .. وكيف .. وليه .. وأكثر في سواليفي تبيك ..
أصغر بـ أطراف وجهي .. ولا لمحتك في مراية كنتي بجنبي عليها .. قلبي يكبر ..
وأتذكر ..
وأتذكر ..
زهره من عمري روت ..
لين كبرت ..
والله كتب مني تروح إلى القدر ..
وأبقى أنا .. مع بوحي المملي عنا .. لا من طرت ..
لا من طرت .. دمعي بريقي يختلط .. حزني يفطر ..
ما يفطر شوف انثى .. غيرها ..
حزني يفطر .. !

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،