الجمعة، 30 أغسطس 2013

جميل الشوق

جميل الشوق ..
اذا جانا بحزن مرموق ..
جميل الشوق ..
وماضينا بعد أجمل .. 
وذكرانا الجميلة .. ذوووق ..
جميل الشوق ..

كذا لك دايم أشعاري ..
أبديها بـ جميل الشوق ..
كذا والقلب مو داري .. متى بتفوق ؟! ..

يا قطعة من ألم .. يا قلبها المخنوق ..
متى بتفوق ؟! ..

منتظرك ..
وإذا بترجع .. مسامح في خيانتها ..
خيانتها عسل .. 
ترجع ؟! ..

أبد راضي ..
تعال لحالك بـ حبي الـ رسمته في ملامحها .. تقل غيم وتركته فوق ..

ولا تنسى صباحات الوله .. 
والليل ..
ودموعي ..
وبدايات الشعر فيني .. 
وجميل الشوق .. !!


الجمعة، 2 أغسطس 2013

لا ملامه

لا ملامه .. يا حديث النفس هد ..
التعب ..
والآهـ ..
والفرحه .. 
مع الإنسان مخلوقين ..
مره دمع ومره ضحك ..
هي كذا الدنيا إلى يوم القيامه ..

لا ملامه .. 
وش بيديني وأجيبه ..
وكل شيءً بـ أمر ربي ..
راحتي ..
حزني ..
ثباتي فـ المصيبه ؟! ..

لا ملامه ..
الصغيره .. يا أنا صغرها أكثر ..
والكبيره بالصبر تُفرَج وتصغر ..
شوف غيرك .. واحمد الله ..
يا أنا هذا مصيرك ..

لا ملامه ..
قوني يا حرفي المكسور فيني ..
ارفع الإحساس فوق ..
ضايق وصدري مخنوق ..
والله أعلم .. في حنيني ..

لا ملامه .. 
ياحديث النفس هد ..
ويا أنا ..
لا تاخذ الصدمات جد ..
ما يعيش الا المطنش ..
والصبور ..
ومن تلحف في غرامه .. !!