السبت، 15 فبراير 2014

شعور مهيب

الليالي دونك .. امتليت عنا ..
كيف مـ أسهر لك تعب وأنا حبيب ..

وكيف أعبر عن شعوري لك وأنا ..
كنت أعيشك وأنتي لـ غيري نصيب ..

أزرع الاحساس في غيري هَنا ..
وأقطف الشوق المبلل بالنحيب ..

قلت أحبك لين موتي بك .. دنا ..
وانتهت دنياك في جوف الغريب ..

يا بعد من لـ أعذب احساسك جنا ..
الأماني في نهايتها .. تخيب ..

والصمود اللي تخبرينه بنا ..
طاح لكن باقي شعوره مهيب ..

تعرفين..
اليوم لو منك فنا ..
قلبي المحتاج فـ الذكرى .. يطيب ..

الدقايق ما لها عنك .. غنا ..
كل ما حولي بـ نبضاتك رطيب ..

ما يفوت الوقت ما دمتي هنا ..
لو يغيب الصوت .. حبك ما يغيب ..