السبت، 3 مايو، 2014

٣ أيار

راحت سنه بالعمر فيها وفيها ..
وأشد شيء اللي كسبته خسرته ..

حسايفي ما هي علي وعليها ..
على أنين الصبر .. واللي انتظرته .. !


٣ أيار .. ميلادي ..
صباح الخوف ..
أنا هادي ..
أحس بعمري الـ مفقود .. 
يسمعني وأنا أنادي ..
من أنادي ؟! ..
شبابي دون طيش ارحل ..
ولا تذكرني عنادي ..
طموحي .. لا تخليني ..
أبيك تطول بصبري ..
وقول: آمين ..
ربي حقق مرادي .. 
شعوري .. شَيَّبْ فـ شعري ..
ولكن لا تخلي العين تدمع شوق فـ بعادي ..
حنيني .. والصبر كذبه ..
إذا صاح الطفل جواي ..
قله بس يا مسكين .. ما تذكر من البادي ؟! ..
ويا حزني ..
عليك الله يا حزني ..
وش أحكي عنك .. وأنت بكل حرف ألقاك ..
حتى اليوم ماليني ..
عليك الله يا حزني .. شلون أنساك ؟!
وأنا ذاكرك .. 
حتى بـ يوم ميلادي ؟! ..

تقدم يا عمر .. وأقطف حصادي لو بدا تالف ..
غرست بواقعي .. حلمي .. ولا مرت عليه الشمس ..

غدي لو جيت به يجرح على التجريح أنا والف ..
لأن الصبر قواني .. وربتني جروح الأمس .. !




ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،