الأحد، 4 مايو، 2014

أمل بعيني وين يممت أشوفه

في عمري أنت للمشاعر حقيقه..
أمل بـ عيني .. وين يممت أشوفه..

الراحل اللي فيك مر بـ طريقه..
لقى ملاذه بك من أقسى ظروفه..

سكَّن ضجيجه واحتوى الصبر ضيقه..
واستلهمت منك الأماني .. حروفه..

اليوم .. فرحه والمعاني .. عميقه ..
وأكثر من الـ (مبروك) جوات جوفه ..

على مهلك ..
تحرك الإحساس .. لـ أجلك ..
أبكتب بك ولو قصرت ..
يكفيني إذا مريتي فـ بالي ..
أحاكيني: أنا عبرت ..
لو شوي ومن أجلك ..

أكتب وأعيد اللي كتبته .. وأنا أبوك ..
ما أحس به وصَّل مشاعر حبيبك ..

يا طفلتي .. من قلبي آقول: مبروك ..
أثمر تعبك .. وطاب لك مثل طيبك ..

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،