الاثنين، 15 سبتمبر 2014

مـ الله كتب لي بك فرح .. !

فتحت صدري واحتويت الأماني ..
والواقع أصدق من شعوري وكذبت ..

هذا أنا من طحت بالحب .. أعاني ..
وما زالت أعاني فيه للحين وما تبت .. !


ضمد جروحك بي .. ورح .. 
ما دمت قبلك منجرح .. 
لا تستحي من دمعتي .. 
مـ الله كتب لي بك فرح .. !

العمر قد جاوز حدودك ..
ياللي تماديت بـ صدودك ..
موَّت عنك غيرتي ..
مـ الله كتب لي بك فرح .. !

أذكرك وأنساك وأتمنى ..
ما كان هالحب ولا كنا ..
والشوق زود حيرتي ..
مـ الله كتب لي بك فرح .. !

بـ اقفاك لا تلتفت يمي ..
وإن جيت .. ذكرني بـ همي ..
واشمت علي في رجعتي ..
مـ الله كتب لي بك فرح .. !

هذي النهاية .. والسلام ..
اقفل على ابواب الغرام ..
ولا .. لا تهمك خيبتي ..
مـ الله كتب لي بك فرح .. !

أدعي عليك، بصوت خافت وخايف ..
ود أنتقم منك .. ولا ودي أكرهك .. !