الاثنين، 6 أكتوبر، 2014

ذكرها يا صبح من تالي ممل

اشرقي يا شمس من بين السحاب ..
فـ الصباح اللي تجيبينه .. أمل ..

ودي ألمح عمر .. شتته الغياب ..
يمكن أجمع حلمي اللي ما كمل ..

وأقدر أنسى .. ليلي المكسو عذاب ..
والشعور اللي بذكراها .. ثمل ..

انتظرت سنين لين القلب .. شاب ..
وشلت فيني لين ما عدت احتمل ..

غايبه .. مدري نستني أو سراب ..
كل ما جيت أوصله عني (همل)* ..

الوله .. من كثر دمع الفقد ذاب ..
وذكرها فـ البوح من تالي .. ممل ..

أشرقي يا شمس من بين السحاب ..
فـ الصباح اللي تجيبينه أمل .. !


هَمَل: ذهب .. يعني راح .. بس بالزلفاي :)

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،