الجمعة، 17 أبريل 2015

حد الكرامه كل غالي يخلى

 اللي عرف قدره بقلبي تغلى ..
وأنا أحب اللي يقدر شعوري ..
اما احترم وصلي وقربي وإلا:
محبتي له شي ما هو ضروري ..
حد الكرامه كل غالي يخلى ..
يبشر بغيبه ما تشابه حضوري ..
كاني بقلبه ما بنبضي تسلى ..
وقته خذاه وحان فـ البعد دوري ..
مع أن وقتي فيه مره تحلى ..
وأحس في لقياه يشبع غروري ..
مالي عيوني لين قدره تعلى ..
والنور بعيونه من الحب .. نوري ..
وش جاه مني .. ليش جافا وولى ..
مدري ولكن من دواعي سروري ..
إني أوادع من علينا تغلى ..
أنا وروحي وابتسامة شعوري ..

السبت، 11 أبريل 2015

انتي حسي

انا لأني احبك ما اعاتب..
وانتي حسي..
في غياباتك طعون.. تمون.. واسكت..
عاذرك قبل العذر.. ما اجبرك..
ما اسألك.. ما ازعجك لو زاد بي منك تعبي..
لكن ابي من وقتي بوقتك لقاء.. يطفي لهيب الشوق.. عادي.. لو صدى..
صوتك شقاء.. لا صار عن سمعي بعيد..
وصار ما لي بك مدى..
مابين ابيك وخايف ان اثقل عليك..
اهيم واسكت.. واعشقك ولا أعاتب..
وانتي حسي بقلب دايم يحتريك..