الأحد، 25 ديسمبر، 2016

بنت الحلال..

سل دمعي لو تضايقت احتمه ..
البكاء ما هو على عينك حلال ..

والهنا ما عاش من هو يحرمه ..
منك .. والا منه يا مال الدلال ..

فضفضه للغيم .. ياللي تلهمه ..
عذب ضيقك من حلا روحك زلال ..

فيه تخضر المشاعر مرغمه ..
وكل شاعر فيك يعجزه المقال ..

ما توارد فالخيالات أغرمه ..
وما فتن من خلق آدم هالرجال ..

وصفك أبعد .. لو ب أحاول أرسمه ..
ما رسمت إلاك يابنت الحلال .. !

الأحد، 6 نوفمبر، 2016

رند

ماشاء الله لا قوة الا بالله، والحمدلله الذي رزقني بها ..
ولو أكتب كثر ما كتبت والشعار، ما ظني أوصل شعوري فيك يا بنتي ..

أجمع الذكرى وأشب الجوف شب ..
وأبتسم وأبكي وأحاول بالشعور ..

ينفجر بالحرف في لحظة غضب ..
يمكن ألقى فـ آخر الأحزان نور ..

أتسلل في مداه بدون حب ..
حر قلبي لا يضام ولا يجور ..

ولا يعاني بالمفارق من وصب ..
ولا يعلق في جميلته السرور .. !


أذكر الله .. يا جمالك يا حلاك ..
يا بعد قلبي يـ بنتي يا حياتي ..

رند عمري كان ما يسوى بلاك ..
وصار له قيمه وبك حققت ذاتي ..

نوري أنتي .. كل ما أملك فداك ..
موطني .. حريتي .. أقصى أمنياتي .. 

فتنتي لبيه يا مـ أكبر غلاك ..
يا سروري يا رضاي ويا غناتي .. !


الاثنين، 19 سبتمبر، 2016

على الصدمات، الله يعين بخير

شيبت بي يا وقت وانا صغير ..
ما عدت طايق في حياتي ولا شيء ..

والدمع من كثر الهموم متحير ..
يبكي على هذيك والا على ذي ..
..

صدماتنا أحيان مثل الأمل ..
من كثر ما هي موجعه،، فيها حياة..
" الله يعين بخير"..

والخير من ربي قريب ..
الحلم .. عده ما كمل ..
وانك حبيس الذكريات ..
اش فات ؟! ..
"الله يعين بخير"

خانك حبيب ؟
مل قلبك حزن ودموع وشتات ؟
باعك قريب ؟
الله أكبر،، كل حاجه تُحتمل ..
"الله يعين بخير"

ان تكسر كل ما بك ..
من بيخسر ..
غيرك (أنت، ولذة أيامك، شبابك) ..
والحياة.. بخير لو هي موجعه ..
وبكل صدمه لك أمل..
"الله يعين بخير"

..


تلطفي ي هموم وانسيني شوي ..
خلي لعيدي طعم لا تجرحينه ..



الخميس، 2 يونيو، 2016

ليه كبروا ؟

ماني فاهم ..

ليه كبروا ؟
اللي نحب ..
ليه الزمن فيهم عثا ..
وقلوبهم .. مليانه هموم وغثا ..
ليه كبروا ؟
وليه التعب ما ملهم ..
واللي يحبون نفروا ...
كانوا لهم .. وألحين مدري من لهم ..
ليه كبروا !
وانفاسهم من ذكريات ..
تغمهم ..
.. تحكي لك شقد صبروا ..
في كل تنهيده شتات ..
وصوت يآس ..
اذا دروا .. او ما دروا ..
ان اقرناهم ذيك ماتت وذاك مات ..
ولا أحد جاوب الصمت وصداهم ..
لا تردد في مدى من حولهم ..
ليه كبروا ؟

ماني فاهم ..

الخميس، 24 مارس، 2016

حبك سماء

حبك سماء ..
والعمر طاير في هواك ..
أهواك ..
يا غيمة شعور .. إذا هتنت يُنبت أحاسيس الضمى ..
وأضماك .. !

حبك سماء ..
وصوتك مدينة هادية ..
وأضواء همسك .. تاخذ ايدين العمى ..
للنور .. من فوق الظلام ..
وأعيش في حبك سماء .. !

حبك سماء ..
ظله وطن .. ألقاه في أية مكان ..
ولا وهن ..
قلبي بـ حضنه ارتمى ..
وللحين لاقي به أمان .. !

حبك سماء ..
ربيت فـ أحلامه .. وفي صدري نماء ..
يكبر أماني محققه ..
يكبر فرح ..
يكبر سحاب ..
يكبر بعد .. ويصير لي (حبك سماء) .. !

الأحد، 20 مارس، 2016

مبطي عن الحرف

السلام عليكم ورحمة الله وبركاته،،
ساعدوني أرجع أكتب .. اشتقت للحرف وأقول:
مبطي عن الحرف والقيفان لا صدت ..
أحس بالذنب وأستغفر وأحايلها ..

قصايدي مع نضوج الفكر ما ردت ..
يبي لها هبال يغريها ويشعلها ..

---------------------------

الأبيات أدناه، لقيت جزء منها محفوظ كمسودة من 2014 :) اعذروني لو كانت منشورة من قبل ..

---------------------------

بالذاكرة صورة وبالقلب غصة ..
والعين تدمع كل ما ذكروها ..

للراحلين وفقدهم ألف قصه ..
راحوا لخالقهم وهم ماقروها ..

---------------------------

ناسيك .. وأحس بخسارتك فيني ..
لا طحت واحتجت لتعضد ولا قمت ..

وأذكرك .. فالبسمات يا نور عيني ..
وأحكي بـ حبي لك على الدمع والصمت .. !

---------------------------

الحب ما له وقت .. لا ..
ما ينتهي لك .. حب حي ..

ولا يموت الا معاي ..
ولا يعيش الا بـ ايدي ..

---------------------------

لذة أيامك بـ صدري .. عن غيابك .. توها ..
لا بعد عن يوم .. يوم تزود وأحن وأبيك .. !