الثلاثاء، 28 مارس، 2017

لا تصير إنسان لين .. !

الضيق فالبسمات بيَّن ..
لا تحاتي يا حنيَّن ..
طيب وبالك وسيع .. وكل همَ فيك هين .. !
ابتسم له بس .. واشك ..
اشك للي قدره ..
وإن شان وقتك له تزين ..
خل أكبر منه وأقسى .. لا تصير إنسان لين ..

قلبي يراعيك في قوك وفي ضعفك ..
ما وده إن الشعور يضايقك مره ..

قصايده توصفه وتجود في وصفك ..
وإن ضرتك فالشعور شعوره تضره ..

الصبح تنهيدة طفل ..
مـ أحلاه .. إذا جفل ..
ملامحه طهر الحياة ..
ولا تبسَّم يشرق النور بشفاه ..

الحب ما هو فالعمر ..
شيب وعيش في كبد ..
من طاح به مثل الخمر ..
يفقد شعوره للأبد ..

تهد حيلي كل ذكرى عليها ..
وأقول أبنسى لكن القلب عيا ..
هي ما تبيني بس روحي تبيها ..
غصبن علي والله ما هو بـ ايديا ..

خلوا لي الحب وآنا لا تخلوني ..
أعيش مكسور للفرقى وذكراها ,,
ياللي تعرفونها تكفون دلوني ..
عباير الشوق ما بي حيل(ن) أدرها ..

ما أحب الضيق لكنه ييجي في كل سيره ..
والصدر موطن هموم ودمعتي دمعة غريب ..
التعب لا زاد أقول: الله يجعل فيه خيره ..
باكر الدنيا تزين وكل ما فيني يطيب ..

ليست هناك تعليقات:

إرسال تعليق

سيتم إدراج تعليقك بعد الموافقة عليه وشكراً،